John 4:15 - Annaahk John Manistsitsinikatahpi Jesus Manistsipaitapiihpiai 1979

¹⁵ Oma̱a aaki̱i̱wa otsi̱pahtsootsistapiʼtoahsi Jesus iihtani̱stsiiwa̱yi “Ki noohkohko̱kkit a̱a̱mohka ko̱mohtaiʼpoyiihpihka aohki̱i̱, ki a̱nnikayii ta̱kohsitsawo̱noaiʼnaki. Ta̱kohtsitsawo̱nowayi̱pioʼtota̱akissi.”

John 4:15 Cross References

John 6:34

Ki itani̱stsiiyaawa omi̱i Jesus, “Ki noohka̱i̱sksaohkokkinnaan a̱a̱mohka ko̱mohtaiʼpoyiihpihka naapayi̱nihka.”

John 6:26

Jesus itsipo̱ʼtanistsiiwaiksi, “O̱ki. Kita̱kanistohpoaawa niitsi̱i̱yi. A̱a̱mohka pisa̱taistamatstohkssinihka kita̱kohkottohtoʼssksinookihpoaawa nita̱mihpi. Kii kima̱totsistapiʼtsiʼpoaawa. Kima̱tohtaʼpssammokihpoaawa kitotsistapi̱ʼtsissoaayi ta̱nisttsiihpi. Kika̱kohtaʼpaissammokihpoaawa anni̱i̱stsiska ko̱mohtokoyihpoaawaistska ki̱i̱taanistska.

John 4:16

Jesus itani̱stsiiwayi “Mato̱o̱ʼtoosa ko̱o̱ma ki ta̱mohpoksskoʼtoomisa.”

John 6:35

Jesus itani̱stsiiwaiksi “Niisto̱ahkaoʼka amoohka napayi̱nihka. Mata̱piiksi a̱kohtoʼtsiitaaksipaitapiiyaawa. Kana̱o̱hpoʼkiisapooyiksi niisto̱yi a̱komiiksistsawattsisttsoʼkiniiyaawa ki ni̱tohkanaomaiʼtookiiksi ma̱takonoaiʼnakiwaiksa.