John 3:31 - Annaahk John Manistsitsinikatahpi Jesus Manistsipaitapiihpiai 1979

³¹ O̱ki. Anna̱a̱hka iihto̱ʼtoowahk ispo̱o̱htsi, osto̱yi iihkana̱i̱sspipoyisskohtoyiiwa mata̱piiyi. Mata̱piwa a̱i̱kakitsipaitapiiwaʼsiwa anno̱o̱ ksa̱a̱hkommi. A̱i̱kakohkottohtaitsinikiwa manista̱ʼpaisiihpi anno̱o ksa̱a̱hkomi. Anna̱a̱hka iihto̱ʼtoowahka isspo̱o̱hts i osto̱yi iihkana̱i̱sspipoyisskohtoyiiwa mata̱piiyi.

John 3:31 Cross References

John 8:23

Ki a̱aʼnistsiiwaiksi oma̱a Jesus, “Kiisto̱aawa ko̱mohtoʼtoohpoaawa anno̱o ksa̱a̱hkomma, ki a̱nnihkayii niʼto̱i ko̱mohtaohkananistaiksimsstaahpoaawa. Niisto̱wa isspo̱o̱htsi no̱mohtoʼtoo. Ki a̱nnihkayii iihto̱o̱hkiitsiiwa niksi̱msstaani. Kiisto̱aawa kitsi̱tsitapiihpoaawa anno̱o ksa̱a̱hkomma. Niisto̱wa nima̱tsitsitapiihpa.

John 6:33

Anniihka napayi̱nihka, A̱ʼpistotookiwa otoma̱tskahtakssinihka a̱nnihkayii anniihka iihtsi̱nniihkahtoophihka isspo̱o̱htsi. O̱tapiʼssini iihtohko̱tawayi ma̱a̱hkitaissksipaitapiiʼssi.”

John 6:51

Niisto̱ahkaoʼka amoohka napayi̱nihka manipa̱i̱tapiʼssini o̱mohtoʼtsstsiihpihka. Iihtohka̱naoyiiksi a̱ksawonoaissiksipaitapiiyaawa. Ki a̱a̱mohk no̱mohtaiʼpoyihpihka napayi̱i̱nihka tanista̱pawaani noosto̱mi. Nita̱kohtsiistapihkahtoohpa nosto̱mi anno̱ksi mata̱piiksi anno̱o ksa̱a̱hkomma ma̱a̱hkohtsipaitapiiʼssaawa.”

John 1:27

A̱yakomatapaʼpaoʼtakiwa. Niisto̱wa tsiko̱maisiistonaimmohsatawa na̱a̱hkinaiʼtawaapi̱naawa.”

John 1:30

Osto̱yi a̱nnahkaoʼka no̱mohtaiʼpoyiihpahka. Kita̱a̱nistohpoaawa osto̱yi oʼtsi̱tskoʼtotamaʼpssiwa niisto̱yi ki̱i̱iwa nitsi̱i̱toomomatapokakiaaniihpi. Osto̱yi oʼtsi̱tskoʼtotamaʼpssiiwa takaa anniihka tsi̱tsaomaipokaayihpihka osto̱yi a̱i̱ssksitaisstsiiwa.”

John 1:15

O̱ki. Johna iihto̱kamoʼtsiʼpoyiiwa Jesus. Osto̱yi aʼpa̱i̱saisttowa. A̱a̱niiwa, “O̱ki. A̱a̱mohka ni̱naawahka a̱nnahkaoʼka annaahka no̱mohtaiʼpoyiihpahka. Kita̱nistohpoaawa niisto̱wa nitsi̱i̱kayistapomatapokakiaanii. Osto̱yi ma̱nomatapokakiaaniiwa. Ki nima̱takaniihpa to̱ʼtsitsksspssatawa. Osto̱yi isspssi̱wa ki̱i̱wa oma̱nomatapoohpi. Takaa anniihka nitsi̱tsaomaipokaawaʼsspihka osto̱yi a̱i̱ssksitaisstsi iwa.”

John 3:30

A̱nniai a̱a̱niiwa John. Ki ina̱i̱ʼtaniiwa, “Jesus a̱kohkottsaaʼtamma, kii niisto̱wa ta̱kohkottssi̱inaʼpssi.”