John 17:4 - Annaahk John Manistsitsinikatahpi Jesus Manistsipaitapiihpiai 1979

⁴ Niisto̱wa a̱nnohka nitsi̱taʼpaitapiiʼssi anno̱o ksa̱a̱hkommi nitsi̱tohkanawanisttotsiihpiaawa ki̱tohkokkihpistsi na̱a̱hkaʼpoʼtsissaawa. Ki a̱nniayi nanista̱i̱stamaatstohkatoʼpa kani̱stsspsspi.

John 17:4 Cross References

John 4:34

Sota̱maniiwa oma̱a Jesus, “Nita̱waanisttotsiihpa otsitsi̱i̱htaanistsi annaahka nito̱ʼtsskoohkahka, annaahka A̱ʼpistotookiwahka, kii nita̱akohkanaiksistaʼpoʼtsiihpa ota̱ʼpoʼtakssini. A̱a̱mohka nita̱wanisttotsiihpihka, ki a̱nnihkayii nimi̱i̱ksi̱stsoahsini.

John 19:30

Ki Jesus a̱o̱ʼohkotawa amohka ma̱tsskonatapiiyi mi̱i̱niaohkii, ki a̱nnimayi itani̱i̱wa, “A̱nnohka a̱kaiksistaʼpiiwa.” Sota̱maotahsohkiaakiwa ki itsi̱ʼniiwa.

John 14:31

Ki a̱nnohka, ta̱kaistamaatsaawa o̱tapiʼssini nita̱komimmahsi ni̱nni; nanista̱niiyihpi ni̱nni, a̱nniai nita̱kanisttsi. Oki̱h. A̱a̱hkonomatapaaoʼpa.”

John 15:10

O̱ki. Ikkama̱nistaiʼtsiminoainiki, nitoka̱kihtsimaanistsi, kita̱kohtitsayipoʼtsiihpoaawa kita̱komimmohsoaayi. Niiʼto̱i nanista̱nistaiʼtsiihpiaawa ni̱nna otoka̱kihtsimaanistsi ki a̱nnihkayii no̱mohtsayipoʼtsiihpa nita̱komimmi̱yisi.

John 14:13

Kiisto̱aawa a̱nnikskaoʼkiaawa anni̱i̱ksiska itoma̱i̱ʼtakiiksi niisto̱yi, ki a̱nnihkayii kita̱kohtohkottsinihkatsimakkihpoaawa. Kita̱kitanistsiʼtoohpoaawa. Ni̱nna a̱kohtsitsspimmawa niisto̱yi nita̱kitanisttsiihpi. Niisto̱akaoʼka ohko̱yi.

John 12:28

Ki itani̱i̱wa, “A̱yo ni̱nna. A̱nnohka noohka̱i̱stamatstohkit kani̱stsspsspi.” O̱ki. A̱nnikayii A̱ʼpistotookiwa itsito̱o̱htoawa isspo̱o̱htsi o̱mohtsinniʼpoyʼssi. A̱a̱niiwa, “Nika̱waistamatstohkatoohpa, ki nita̱kattsistaistamatstohkatoohpa.”

John 9:3

Jesus sota̱manistsiiwaiksi, “Ki ma̱tohtanistsipokaayi̱waatsi osao̱mmitsipaitapiiʼssini ki o̱nni ki oksi̱sstsi osao̱mmitsipaitapiiʼssoaawa. Noohki̱i̱tsiwa o̱mohtsaapsstsiihpi. Iihtsa̱a̱psstsiiyiwa anniiska A̱ʼpistotookiyi ma̱a̱hkohtsitaistamatstohkssi̱nai mani̱stsskonataʼpsspiayi, manista̱ksokini̱yihpiayi.

John 5:36

Nipi̱ʼkanisttsissiistsi annohka kita̱kohkottohtoʼtssksiniihpoaawa nitsipo̱o̱hsapsskoyissi A̱ʼpistotookiwa. John kino̱o̱hkattanikkoaawa nitsipo̱o̱hsapsskoyissi A̱ʼpistotookiyi. Ki amo̱stska nipi̱ʼkanisttsissiistska iʼtsi̱tsskstsiimatoomiaawa John ota̱nissiistsi.

John 19:28

O̱ki. Ki a̱nnimayi Jesus sota̱mssksinima otsiksista̱ʼpissi kana̱ʼpaisistsi a̱yakstsinaaʼnistsiistsi manista̱kohkoyiʼpi. Ki itani̱i̱wa, “Tsiksi̱ʼnaki.” A̱a̱mohka iihtani̱i̱wa Jesus ma̱a̱hkohtsitanisttsissi omii nato̱i̱si̱naakssini niitsi̱kayissinaihpi.