John 14:6 - Annaahk John Manistsitsinikatahpi Jesus Manistsipaitapiihpiai 1979

⁶ Itani̱i̱wa Jesusa “Niisto̱wa a̱nnahkaoʼka annaahka kita̱kohtohkoitoʼtoohpoaawahka. Niisto̱wa a̱nnahkaoʼka moka̱moʼtaʼpssi. Niisto̱wa a̱nnahkaoʼka o̱mohtsiistapitsstsiihpi manipa̱i̱tapiʼssini. Oma̱a mata̱piiwa ikka̱msaohtohkoyikisi niisto̱i ma̱takohkoitoʼto̱owaatsi ninni.

John 14:6 Cross References

John 10:9

O̱ki. Niisto̱ahkaoʼka omii kitsi̱mi. Oma̱a mata̱piwa ikka̱mohtsitohkoyikisi niisto̱yi ma̱a̱hkohtsipissi a̱kitsikamotsi̱i̱piaawa, a̱komiiksistanistapssiwa a̱nni i̱i̱mahkihkinaawa a̱kiʼtaamaipiima, ki a̱kiʼtaamaisaksiiwa; a̱ksotamohko̱oyiwa sa̱i̱skssiimokoyi.

John 1:4

Iihtsi̱stapitsstsiiwa a̱i̱ssksipaitapiʼssini osto̱yi. Ki ami̱i̱ksiska iihkota̱i̱ksi amohka niipa̱i̱tapiʼssinihka a̱kohkottohtsistapohtaʼpawaawahkaayaawa ksistsiko̱i̱nattsii.

John 1:14

O̱ki. Anna̱a̱hka iihto̱ʼtsstsiiwa a̱a̱mo iihkana̱ʼpaisi, a̱nnaahkaoʼka annaahka Jesus Christ, itsita̱piiwaʼsiwa. Kii niisto̱nnaani itsina̱ʼpaissiiwa. A̱i̱ssksawanisttotsima manistsi̱kisttoakkihpi ma̱a̱hkiitaʼpipoohsapikimmapiipitssi. Niisto̱nnaan nitsino̱annaana mani̱stsspsspi. Iihtsi̱stapsspssiwa o̱nni otsspssa̱yi manistsi̱ʼtohkoyimmi̱yihpi o̱nni A̱ʼpistotookiiyi.

John 1:17

Issko̱o̱htsik A̱ʼpistotookiwa iihtohko̱i̱kiiwa Moses ma̱a̱hkohtohkokkssi natowo̱kakihtsimaani. Kii a̱nnohka A̱ʼpistotookiwa iihtohko̱i̱kiiwa Jesus Christ ma̱a̱hkanisttotsissi manistsi̱ksisttoakkihpi ma̱a̱hksipoohsapikimmapiissi.

John 8:32

Ki kita̱kitooka̱moʼtssksiniihpoaawa ama̱nissini manistsi̱i̱hpi. Ki omi̱i̱hka kitsi̱i̱kamoʼtssksiniihpoaawayihka kita̱kohtsiksisstoipoʼtootspoaawa.”

John 5:21

Na̱toʼkai nita̱ʼpsskonataʼpistsi nitsi̱tssta̱yihpistsi na̱a̱hkanisttotsissi. Nita̱kanikka na̱a̱hkanipaitapia̱ttsaahsi mata̱piiwa, ki nita̱kanikka na̱a̱hkokakihtsimatahsi mata̱piiwa. Ṉinna, osto̱yi a̱i̱ssksipoa̱aa̱ttsiiwa a̱kaiʼniiksi, ki a̱kattsskohkotsiiwaiksi niipa̱i̱tapiʼssini. Kii niisto̱wa, ta̱koohkattomatskahtaki manipa̱i̱tapiʼssini. Ni̱tsstatawa ta̱kohkotawa. Takaa nito̱nnimmawa A̱ʼpistotookiwa, kii a̱nnihkayii no̱mohtanistaʼpaissi osto̱yi manista̱ʼpaisspi. O̱ki. Ki ni̱tohkokka na̱a̱hkokakihtsimatahsi mata̱piiwa. Osto̱yi ma̱takokakihtsimatsiiwaatsi mata̱piiksi. Niisto a̱nnahkayii ta̱kokakihtsimaa.

John 15:1

O̱ki. Jesus sota̱mitotoisapsskanistsiiwa omo̱nikapiimiksi, “Niisto̱wa a̱nnaoʼka annaahka niita̱ʼpamiwahka a̱nni o̱o̱mistska otsi̱taisaisskiihpi soyikapi̱nniihpi. Ki ni̱nna a̱nni a̱o̱toitsikatoomi amostsiska.

John 6:51

Niisto̱ahkaoʼka amoohka napayi̱nihka manipa̱i̱tapiʼssini o̱mohtoʼtsstsiihpihka. Iihtohka̱naoyiiksi a̱ksawonoaissiksipaitapiiyaawa. Ki a̱a̱mohk no̱mohtaiʼpoyihpihka napayi̱i̱nihka tanista̱pawaani noosto̱mi. Nita̱kohtsiistapihkahtoohpa nosto̱mi anno̱ksi mata̱piiksi anno̱o ksa̱a̱hkomma ma̱a̱hkohtsipaitapiiʼssaawa.”

John 8:51

Kita̱kanistohpoaawa niitsi̱i̱yi. Kana̱i̱tapiiyi nita̱nistsiʼtookiksi nita̱a̱niihpistsi ma̱takohkoiʼni̱i̱waiksi.”

John 10:28

Ki ni̱tohkotayaawa ma̱a̱hkaissksipaitapiiʼssaawa. Ma̱tako̱noaiʼniiwaiksi. Ki ma̱takitsstsiihpa nito̱ʼtomookiaiksi.

John 18:37

Oma̱a Pilate, sota̱maniiwa, “Iika̱nistsinattsiwa a̱nni kita̱waaniihpi kitsi̱sttsiipihkini̱naiʼssi.” Jesus itsipo̱ʼtanistsiiwayi, “Kiistowa, a̱nnaoʼka annaahka a̱a̱niiwahka. Ki niisto̱wa no̱mohtsipokaayi, ki anno̱o ksa̱a̱hkomm no̱mohtsitoʼtoo na̱a̱hkitsitsinikatoohsi oma̱naʼssini. Kana̱i̱tapiiyi iihta̱i̱sapooiksi oma̱naʼssini nita̱ksisstsiwokiaawa.”

John 6:33

Anniihka napayi̱nihka, A̱ʼpistotookiwa otoma̱tskahtakssinihka a̱nnihkayii anniihka iihtsi̱nniihkahtoophihka isspo̱o̱htsi. O̱tapiʼssini iihtohko̱tawayi ma̱a̱hkitaissksipaitapiiʼssi.”

John 14:19

Aipstsi̱ksisisamosi omi̱i̱ksi ka̱taʼyaomaiʼtakiiksi mata̱piiksi nita̱kitsawattsinookiaawa. Kiisto̱aawa kita̱kattsistaiʼnookihpoaawa. Kii niisto̱wa nita̱ksaakiipaitapiiyi, ki a̱nnihkayi kita̱kohtoohkattanipaitapiihpoaawa, kiisto̱aawa.

John 6:57

Annaahka Ni̱nnahk A̱ʼpistotookiwahka nito̱ʼtsskookahka a̱i̱ssksipaitapiiwa kii no̱mohtsiistapipaitapiiyi ota̱i̱ssksipaitapiʼssini. O̱ki. Niʼto̱i niitsiiwa iihka̱nohta̱ooyiiksi niisto̱yi. A̱kohtsistapipaitapiiyaawa nitsipa̱i̱tapiʼssini.

John 10:7

Kii Jesus ka̱a̱tstamsopoyaʼpanistsiiwaiksi, “O̱ki. Kita̱kanistohpoaawa niitsi̱i̱yi. Niisto̱ahkaoʼka omii kitsi̱mi omi̱i̱kska i̱i̱mahkihkinaaikska o̱mohtaipiihpi.

John 6:68

Otsi̱tanikka ami̱i Simon Peter, “Nitsi̱naaimi. Ma̱tsitsstsiihpa noohki̱tssimmi na̱a̱hkomaiʼtoannaani. Kiisto̱wa kini̱ʼtsitapiiyi a̱i̱sksipaitapiiʼssini iihto̱ʼtsstsiiwa kita̱nissini.