John 10:3 - Annaahk John Manistsitsinikatahpi Jesus Manistsipaitapiihpiai 1979

³ Omi̱i itso̱o̱hkaisskskaatakiyi ota̱ksika̱yinnomookayi. Ki omi̱i̱ksi i̱i̱mahkihkinaaiksi ota̱ksisstsiwokaiksi. Otsi̱nihkaʼsooaawaistsi a̱kohtsinihkatsiiwa ota̱wattotaʼsiiksi i̱i̱mahkihkinaaiksi. Ki a̱kitsaipiiwaiksi

John 10:3 Cross References

John 10:4

Kii, aiʼsa̱i̱piasaiksi a̱kitsissa̱atsiiwaiksi. Ki a̱kohtohpoʼkiisapooyaaiksi otohsotooʼkini̱yissaiksi.

John 10:16

Itsstsi̱i̱ ni̱i̱kskai nima̱tta̱komahkihkinaamiaawa. Anno̱o ma̱tsitsinssiwaiksa kiisto̱aawa anno̱o Jews. Nita̱ksstsinaʼohkanaomo̱ipiaayaawa. Ki a̱nnihkayi a̱kitohkanaiʼtssiiyaawa. Ki nini̱ʼtsitapiiyi nita̱kotoitsikatayaawa.

John 10:14

O̱ki. Ki niisto̱ahkaoʼka annaahka A̱a̱hsaʼpssi A̱o̱toitsikatsimaawahka. Kii ni̱nna tani̱stssksinootsiimahpi, a̱nni niʼto̱i niitsiiwa, nani̱stssksinootsiimayi nitsitapi̱i̱mataiksi. Ki ta̱kohtomatskaohsi na̱a̱hksiʼnikkoohsi na̱a̱hkohtsikamotsi̱i̱piaahsaawa.

John 6:45

O̱o̱miksika issko̱o̱htsiksika a̱waatoyiʼpoyiiksika, na̱i̱kayissi̱i̱napsskakiiyaawa A̱ʼpistotookiwa kita̱kohkanaissksinima̱atsi̱yissoaayi. Ikkama̱yisstsiyinoainiki, ikka̱mssksiniminoaainiki otssksinima̱atstohkssini ki ta̱ki̱naiʼtomatapomaiʼtookihpoaawa.

John 6:37

Ni̱nna nita̱kohkokka to̱kskammiksi mata̱piiksi kii akohkanaomatapomaiʼtakiiyaawa. Ki oma̱a mata̱piiwa ikkamo̱matapomaiʼtakisi nima̱taksstsimimma̱waatsiksi.

John 10:9

O̱ki. Niisto̱ahkaoʼka omii kitsi̱mi. Oma̱a mata̱piwa ikka̱mohtsitohkoyikisi niisto̱yi ma̱a̱hkohtsipissi a̱kitsikamotsi̱i̱piaawa, a̱komiiksistanistapssiwa a̱nni i̱i̱mahkihkinaawa a̱kiʼtaamaipiima, ki a̱kiʼtaamaisaksiiwa; a̱ksotamohko̱oyiwa sa̱i̱skssiimokoyi.