John 1:4 - Annaahk John Manistsitsinikatahpi Jesus Manistsipaitapiihpiai 1979

⁴ Iihtsi̱stapitsstsiiwa a̱i̱ssksipaitapiʼssini osto̱yi. Ki ami̱i̱ksiska iihkota̱i̱ksi amohka niipa̱i̱tapiʼssinihka a̱kohkottohtsistapohtaʼpawaawahkaayaawa ksistsiko̱i̱nattsii.

John 1:4 Cross References

John 8:12

O̱ki. Ki a̱nnika oma̱a Jesus, ki ma̱tta̱isitsipssatsiiwa omi̱i o̱tapiiʼsini. A̱a̱niiwa, “Niisto̱wa a̱nnahkaoʼka iihkotsi̱i̱wa mata̱piiyi ma̱a̱hkitaʼpawaawahkaaniaiks ksistsiko̱i̱nattsi. Oma̱a mata̱piwa ikka̱mohtaisapoosi niisto̱yi a̱kitsaitaʼpawaawahkaawa isski̱inattsi. A̱kaissksitsipaitapiiwa ksisstiko̱inattsi. A̱nni iihto̱ʼtsstsiiwa niipa̱i̱tapiʼssini.”

John 12:46

Niisto̱wa anno̱o ksa̱a̱hkommi no̱mohtsitoʼto̱o na̱a̱hkohkotahsi mata̱piiksi ma̱a̱hkitaʼpawaawahkaahsaa ksiistsiko̱i̱nattsi. Ni̱tohkanaomaiʼtookiiksi ma̱takattsitaʼpawaawahka̱a̱waiksi isski̱inattsi.

John 5:26

Takaa niipa̱i̱tapiiʼssini iihtsi̱i̱stapitsstsiihpa ni̱nna A̱ʼpistotookiwa. Ki niʼto̱yi niisto̱yi ohko̱yi. Ni̱tohkokka ma̱a̱hkohtsitsiistapitsstsissi niisto̱yi niipa̱i̱tapiiʼssini.

John 9:5

Niisto̱wa a̱nnohka tsi̱tsaakiipaitapiiʼyihpihka anno̱o ksa̱a̱hkommi niisto̱wa nita̱o̱hkotayi o̱tapiʼssini ma̱a̱hkitaʼpawaawahkaahsaawa ksistsiko̱i̱nattsi.”

John 11:25

Jesus sota̱manistsiiwayi, “Ki niisto̱ahkaoʼka o̱mohtoʼtsstsiihpi issksipoa̱aohsini, ki niipa̱i̱tapiiʼssini. Nita̱o̱maiʼtookiiksi iimaksi̱kaiʼniisaawa a̱ksakiipaitapiiyaawa.

John 14:6

Itani̱i̱wa Jesusa “Niisto̱wa a̱nnahkaoʼka annaahka kita̱kohtohkoitoʼtoohpoaawahka. Niisto̱wa a̱nnahkaoʼka moka̱moʼtaʼpssi. Niisto̱wa a̱nnahkaoʼka o̱mohtsiistapitsstsiihpi manipa̱i̱tapiʼssini. Oma̱a mata̱piiwa ikka̱msaohtohkoyikisi niisto̱i ma̱takohkoitoʼto̱owaatsi ninni.

John 12:35

Jesus itani̱stsiiwaiksi, “O̱ki. Niisto̱wa a̱nnahkaoʼka annaahka ksistsiko̱i̱nattsi iihto̱ʼtsstsiiwahka ka̱a̱hkohtsa̱pawaawahkaahpoaawa. Nita̱kattsiʼnaksisamiitsspiaʼpawaawahkaa kiisto̱aawa. Ista̱ʼpawaawahkaak ksistskio̱i̱nattsi annoohk otsi̱tsaakitaisstsissi anno̱ma. Ka̱a̱hkitsistapa̱atoohpoaawa isski̱inattsi. O̱mi̱i̱ks iita̱ʼpawaawahkaaiksi isski̱iʼnattsi ma̱takohkottsini̱maiksaawa ota̱yaakitapo̱o̱hpoaayi.

John 5:21

Na̱toʼkai nita̱ʼpsskonataʼpistsi nitsi̱tssta̱yihpistsi na̱a̱hkanisttotsissi. Nita̱kanikka na̱a̱hkanipaitapia̱ttsaahsi mata̱piiwa, ki nita̱kanikka na̱a̱hkokakihtsimatahsi mata̱piiwa. Ṉinna, osto̱yi a̱i̱ssksipoa̱aa̱ttsiiwa a̱kaiʼniiksi, ki a̱kattsskohkotsiiwaiksi niipa̱i̱tapiʼssini. Kii niisto̱wa, ta̱koohkattomatskahtaki manipa̱i̱tapiʼssini. Ni̱tsstatawa ta̱kohkotawa. Takaa nito̱nnimmawa A̱ʼpistotookiwa, kii a̱nnihkayii no̱mohtanistaʼpaissi osto̱yi manista̱ʼpaisspi. O̱ki. Ki ni̱tohkokka na̱a̱hkokakihtsimatahsi mata̱piiwa. Osto̱yi ma̱takokakihtsimatsiiwaatsi mata̱piiksi. Niisto a̱nnahkayii ta̱kokakihtsimaa.

John 3:19

Mata̱piiwa iihtoka̱kihtsimatawa o̱tsstsimimmahsaawa anniska o̱tohkokkoaawayiska ma̱a̱hkitaʼpawaawahkaahsi ksistsiko̱i̱nattsii. Osto̱yi itsito̱ʼtoowa anno̱o ksa̱a̱hkomma. Ki mata̱piwa a̱yaahsitsskia̱aʼpaissiwa. Ma̱tayaahsiʼtsimaiksaawa ksistsiko̱i̱nattsi takaa ota̱waanisttsiihpoaawaistsi iiko̱kaʼpiiyaawa. Ki a̱nnihkayi iihtoka̱kihtsimatayaawa.