John 1:12 - Annaahk John Manistsitsinikatahpi Jesus Manistsipaitapiihpiai 1979

¹² Kii istsi̱kiiksi oma̱a̱tsstsimimmo̱kaatsaiksi. Oto̱ʼtookaiksi. Otsi̱ i̱maiʼtookaiksi. Kii amo̱ksi a̱o̱maiʼtakiiksi a̱nnikskayi itohko̱tsiiwaiksi ma̱a̱hkanistapssaiksi A̱ʼpistotookiwa o̱koʼsikska.

John 1:12 Cross References

John 3:18

Ami̱i̱ksi a̱o̱maiʼtoyiiksi Jesus oma̱takohtokakihtsimakkoaawa A̱ʼpistotookiiyi opahtsa̱ʼpssoaawaistsi. Kii ami̱iksi ka̱taʼyaomaiʼtoyiiksi i̱i̱kaokakihtsimatayaawa, takaa ma̱tsitaomaiʼtakiiwaiksi A̱ʼpistotookiiyi oni̱ʼtohkoyi.

John 20:31

Amo̱stsi itssi̱naihpistsi atsini̱kssiistsi, iihtssi̱naiʼpiaawa kiisṯowaawayi a̱nnaka a̱o̱kstakiwaka, ka̱a̱hkohtsitomaiʼtoahsoayi Jesus a̱nniskaoʼkinayi anna̱a̱hka A̱ʼpistotookiwa anniiska o̱mohtohkoikiihpiska, ki a̱nniskaoʼkinai annaahka A̱ʼpistotookiwa anniisk ohko̱yiska. Ikkamo̱maiʼtakiinoainiki Jesus ki̱tohkokkoaawa kaahkaissksipaitapiiʼssoaayi.

John 11:52

Ki a̱a̱mohka ma̱tsiʼtanistapanoʼsina istsitapi̱i̱ksi ota̱wahsini; Anista̱panioʼsina omi̱i̱ksi A̱ʼpistotookiwa o̱tohkanaokoʼsataiks omii kana̱o̱miaʼnistssksaahkoistsi. A̱kohtomoa̱aa̱ttsaayaawa Jesus otsi̱nssini.

John 1:7

Osto̱yi ota̱ʼpoʼtakssinayi ma̱a̱hkitaokakianistahsi mata̱piiyi. Iihtoka̱moʼtsiʼpoyiwa anniska iihko̱kkiiyiska a̱a̱hkitaʼpawaawahkaaoʼsi ksiistsiko̱i̱nattsi. Ki a̱nnihkayii o̱tapiʼssina a̱yaakomaiʼtakiiksi ma̱a̱hkitomaiʼtakssi.

John 2:23

O̱ki. Ki anni̱stska o̱mahksiksistsikoistska a̱i̱kayistapawaakaitapiiyi iima̱i̱ʼtoyiiksi Jesus. A̱nnihkayii otsi̱tsitaʼpaitapiihpihka Jerusalem. Iihtoma̱i̱ʼtakiiyaawa ota̱i̱ʼnissaawa opisa̱taistamaatstohkssiistsi.

John 1:11

Itsito̱ʼtoowa otsi̱tsitapiihpi ki ota̱wattsitapiimiksi, amiiksi Jews, otsi̱tsstsimimmokaiksi.