Sofonias 3:6 - Ang Pulong sa Dios

⁶ Gilumpag ko ang kanasoran; ang ilang kota ako nang gilumpag. Gibayaan ko ang ilang kadalanan nga awaaw, nga walay moagi niini. Ang ilang siyudad nahimong walay kapuslanan, biniyaan kini ug walay sulod.

Ang Biblia 2011

⁶ Gipanglaglag nako ang mga nasod; ang ilang mga salipdanan nangaguba; ang ilang kadalanan gihimo nako nga awaaw aron nga walay makaagi niini; ang ilang mga siyudad nangatumpag, walay tawo, walay nagpuyo.

Maayong Balita Biblia

⁶ Miingon ang Ginoo, “Gipanglaglag ko ang kanasoran ug gipangguba ang ilang mga panalipod; gihimo kong kamingawan ang ilang kadalanan, ug wala nay nagtikawtikaw diha niini; ang ilang mga siyudad nagmingaw na, ug wala nay nagpuyo niini.

Ang Bag-ong Maayong Balita Biblia

⁶ Miingon ang Ginoo, “Gipanglaglag ko ang kanasoran ug gipangguba ang ilang mga panalipod; gihimo kong kamingawan ang ilang kadalanan, ug wala nay nagtikawtikaw diha niini; ang ilang mga siyudad nagmingaw na, ug wala nay nagpuyo niini.

Sofonias 3:6 Cross References

Isaias 14:26

Mao kini ang plano ko alang sa tibuok kalibotan. Mao kini ang silot nga ipakita ko sa tanang nasod.

Isaias 37:36

Unya miadto ang anghel sa Ginoo sa kampo sa Asiria ug gipamatay niya ang 185,000 ka mga sundalo. Pagkabuntag, pagmata niadtong nangahibiling buhi, nakita nila ang mga patayng lawas.

Isaias 6:11

Nangutana ako, “Unsa kadugay, Ginoo?” Mitubag siya, “Hangtod nga magun-ob ang mga lungsod sa Israel ug wala nay tawo. Hangtod nga wala nay mopuyo sa mga balay ug ang yuta malaglag sa hingpit.

Jeremias 9:12

Nangutana ako sa Ginoo, “Kinsang tawhana nga maalamon ang makasabot niini nga mga hitabo? Kinsay gisaysayan mo bahin niini aron iyang ipasabot kon nganong nalaglag kining yutaa ug nahimong daw disyerto nga wala nay gaagi?”

Levitico 26:31

Gub-on ko ang inyong mga lungsod ug mga dapit nga simbahanan, ug dili ko ikalipay ang kahumot sa inyong mga halad.

Sofonias 2:5

Alaot kamo nga nagpuyo sa daplin sa kadagatan, kamong katawhan sa Keretnon; ang pulong sa Ginoo batok kaninyo, Canaan yuta sa mga Filistihanon. Nag-ingon siya, “Gun-ubon ko kamo ug walay mabilin kaninyo.”

Zacarias 7:14

Sama ako sa alimpulos nga mipatibulaag kanila ngadto sa mga dapit nga wala sila masuhito. Gibiyaan nila ang ilang maayong dapit, ug nahimo kining awaaw.”

Mateo 23:38

Karon, biyaan sa hingpit inyong balay ug mamingaw kini.

1 Mga Taga-Corinto 10:11

Kining tanan nahitabo aron masayran nato nga wala kadto ikalipay sa Dios. Ug gisulat kadto nga mga panghitabo aron sa pagpasidaan kanato nga nagkinabuhi sa panahon nga hapit na gayod moabot ang kataposan.

1 Mga Taga-Corinto 10:6

Kadtong mga nahitabo kanila nagpasidaan kanato aron dili kita magtinguha sa pagbuhat ug mga daotan sama sa ilang gibuhat.

Josue 23:4

Gibahin-bahin ko na kaninyo isip panulondon sa inyong mga tribo ang tanang kayutaan sa mga nasod nga atong nailog. Kini nga kayutaan gikan sa Suba sa Jordan sa sidlakan paingon sa Dagat sa Mediteraneo sa kasadpan, ingon man ang kayutaan sa mga nasod nga wala pa nato mailog.