Sofonias 2:10 - Ang Pulong sa Dios

¹⁰ Mao kini ang ilang maangkon isip balos sa ilang garbo, sa ilang pag-insulto ug pagbiay-biay sa katawhan sa Ginoo nga Makagagahom.

Ang Biblia 2011

¹⁰ Kini maoy maangkon nila ingon nga bayad sa ilang garbo, tungod kay sila nagtamay ug nagpagarbo batok sa katawhan sa Ginoo sa mga panon.

Maayong Balita Biblia

¹⁰ Mao kini ang ilang dangatan tungod sa ilang garbo, kay nagbiaybiay ug nanghambog man sila batok sa katawhan sa Ginoo nga Labing Gamhanan.

Ang Bag-ong Maayong Balita Biblia

¹⁰ Mao kini ang ilang dangatan tungod sa ilang garbo, kay nagbiaybiay ug nanghambog man sila batok sa katawhan sa Ginoo nga Labing Gamhanan.

Sofonias 2:10 Cross References

1 Cronicas 16:21

Apan wala motugot ang Dios nga daog-daogon sila. Aron mapanalipdan sila, gibadlong niya ang mga hari. Miingon siya:

Exodo 10:3

Busa miadto si Moises ug si Aaron sa hari ug miingon, “Mao kini ang giingon sa Ginoo, nga Dios sa mga Hebreo: ‘Hangtod kanus-a ka magdumili sa pagpaubos sa imong kaugalingon kanako? Palakwa ang akong katawhan aron makasimba sila kanako.

Exodo 9:17

Apan nagpasigarbo ka gihapon ug wala mo tugoti ang akong katawhan nga molakaw.

Isaias 16:6

Nakadungog kami kon unsa ka garboso ang mga taga-Moab. Mga garboso sila ug mapahitas-on, apan wala na kini kapuslanan.

Jeremias 12:14

Nag-ingon pa gayod ang  Ginoo, “Mao kini ang akong buhaton sa tanang daotan nga nasod sa palibot sa Israel nga naglaglag sa yuta nga gihatag ko sa akong katawhan isip ilang panulondon: Palayason ko sila sa ilang yuta ingon sa pagpalayas ko sa mga taga-Juda sa ilang yuta.

Jeremias 48:14

“Nanghambog ang mga taga-Moab nga maisog sila nga mga sundalo.

Jeremias 48:29

“Labihan kaayo kamo ka garboso. Nasayod ako kon unsa kataas ang inyong pagtan-aw sa inyong kaugalingon ug kon unsa kamo kamapahitas-on.

Mga Pagbangotan 1:9

Ang iyang pagkahugaw makita sa tanan, apan wala siya maghuna-huna sa iyang dangatan. Makalilisang ang iyang pagkalaglag, ug wala gayoy mitabang kaniya. Busa miingon siya, “O Ginoo, hatagig pagtagad ang akong mga pag-antos, kay gidaog ako sa kaaway.”

Ezequiel 25:6

“Ako, ang Ginoong Dios, nag-ingon, ‘Tungod kay mipakpak kamo ug naglukso-lukso sa kalipay sa pagtamay sa Israel,

Daniel 4:37

Busa karon akong dayegon ug pasidunggan ang Hari sa langit, tungod kay husto ug matarong ang tanan niyang binuhatan ug ginapaubos niya si bisan kinsa nga nagpasigarbo.

Abdias 1:11

Wala man lang kamo magtagad sa dihang gisulong ang Jerusalem sa mga langyaw. Gipasagdan lang ninyo nga kuhaon nila ang mga bahandi sa Jerusalem ug bahin-bahinon pinaagi sa hulbot-hulbot. Nahisama lang kamo kanila nga mga kaaway sa Israel.

Abdias 1:3

Nag-ingon kamo nga walay makalaglag kaninyo tungod kay nagpuyo kamo sa batoon ug habog nga pangpang. Apan nianang inyong pagpasigarbo gilimbongan ninyo ang inyong kaugalingon.

Sofonias 2:8

“Nadungog nako ang mga insulto sa Moab ug ang mga pagyubit sa mga taga-Amon, nga nag-insulto sa akong mga katawhan ug naghimog mga bahad batok sa ilang yuta. Busa, ingon ka sigurado sa akong pagkabuhi,” nag-ingon ang  Ginoo nga Makagagahom, ang Dios sa Israel, “sigurado gayod nga ang Moab mahisama sa Sodoma, ug ang taga-Amon mahisama sa Gomora, mga dapit nga kasagbotan ug bung-aw sa asin, yuta nga walay pulos sa kahangtoran. Ang nabilin kong katawhan mohabas niini. Ang nabiling buhi sa akong katawhan maoy manunod niini.”

1 Pedro 5:5

Kamo usab nga mga batan-on, pagpasakop kamo sa mga tigulang. Ug kamong tanan nga tumutuo, magpaubos kamo ug mag-alagad sa usag-usa, kay nag-ingon ang Kasulatan, “Sumpoon sa Dios ang garboso, apan kaloy-an niya ang mapainubsanon.”