Sofonias 1:1 - Ang Pulong sa Dios

¹ Ang pulong sa Ginoo nga miabot kang Sofonias nga anak nga lalaki ni Cushi, ang anak nga lalaki ni Gedalia, ang anak nga lalaki ni Amaria, ang anak nga lalaki ni Ezequias, sa panahon sa paghari ni Josia, anak nga lalaki ni Amon hari sa Juda:

Ang Biblia 2011

¹ Ang pulong sa Ginoo nga midangat kang Zefanias nga anak ni Cusi nga anak ni Gedalias nga anak ni Amarias nga anak ni Hesekias, sa mga adlaw ni Josias nga anak ni Amon, ang hari sa Juda.

Maayong Balita Biblia

¹ Mao kini ang gisulti sa Ginoo kang Sofonias sa panahon nga si Josias nga anak ni Amon maoy naghari sa Juda. Si Sofonias anak ni Cusi nga anak ni Gedalias nga anak ni Amarias nga anak ni Ezequias.

Ang Bag-ong Maayong Balita Biblia

¹ Mao kini ang gisulti sa Ginoo kang Sofonias sa panahon nga si Josias nga anak ni Amon maoy naghari sa Juda. Si Sofonias anak ni Cusi nga anak ni Gedalias nga anak ni Amarias nga anak ni Ezequias.

Sofonias 1:1 Cross References

2 Mga Hari 21:18

Sa dihang namatay si Manases, gilubong siya didto sa hardin sa iyang palasyo nga gitawag ug Uza. Ug si Amon nga iyang anak mao ang mipuli kaniya ingon nga hari.

2 Mga Hari 21:26

Gilubong si Amon didto sa iyang lubnganan sa hardin nga gitawag ug Uza. Ug si Josia nga iyang anak mao ang mipuli kaniya ingon nga hari.

2 Cronicas 33:20

Sa pagkamatay ni Manases, gilubong siya didto sa iyang palasyo. Ug si Amon nga iyang anak mao ang mipuli kaniya ingon nga hari.

Jeremias 1:2

Mihatag ang  Ginoo ug mensahe kang Jeremias sa ika-13 nga tuig sa paghari ni Josia sa Juda, nga anak ni Amon.

Jeremias 25:3

Sulod sa 23 ka tuig, gikan sa ika-13 nga tuig sa paghari sa Juda ni Josia, nga anak ni Amon hangtod karon, nakigsulti ang  Ginoo kanako. Ug kanunay kong gisugilon kaninyo ang iyang gipanulti, apan wala gayod kamo mamati.

Oseas 1:1

Mao kini ang mensahe nga gipadayag sa Ginoo kang Oseas nga anak nga lalaki ni Beeri, sa mga panahon nga naghari sa Juda sila si Uzias, Jotam, Ahaz, ug Ezequias, ug sa panahon nga naghari sa Israel si Jeroboam nga anak nga lalaki ni Joas.

2 Timoteo 3:16

Ang tibuok nga Kasulatan gisulat pinaagi sa gahom sa Dios, ug mapuslanon kini sa pagtudlo sa kamatuoran, sa pagbadlong, sa pagtul-id sa sayop, ug sa pagtudlo sa matarong nga pagkinabuhi,

2 Pedro 1:19

Mao kini ang hinungdan nga nadugangan pa gayod ang among pagtuo sa mga pagtulon-an nga gitudlo sa mga propeta. Busa angay ninyong patalinghogan ang ilang gitudlo, tungod kay sama kini sa usa ka suga nga nagdan-ag sa mangitngit nga dapit hangtod sa adlaw nga moabot si Cristo. Sama siya sa banagbanag sa kabuntagon nga molamdag sa inyong huna-huna.