Ruth 2:19 - Ang Pulong sa Dios

¹⁹ Nangutana si Noemi kaniya, “Diin ka nanghagdaw karong adlawa? Kang kinsang uma ka nanghagdaw? Bulahan ang tawo nga naghatag ug maayong pagtagad kanimo.” Gisuginlan ni Ruth si Noemi nga didto siya nanghagdaw sa uma sa usa ka tawo nga ginganlag Boaz.

Ang Biblia 2011

¹⁹ Ang iyang ugangan nga babaye miingon kaniya, “Diin ka man manghagdaw karong adlawa? Ug diin man ikaw magtrabaho? Bulahan ang tawo nga mitagad kanimo.” Ug iyang gipahibalo sa iyang ugangan nga babaye kon kinsa ang iyang gitrabahoan ug siya miingon, “Ang ngalan sa tawo nga akong gitrabahoan niining adlawa mao si Boas.”

Maayong Balita Biblia

¹⁹ Si Naomi nangutana kaniya, “Diin ka man manghagdaw karong adlawa? Kinsang uma ang imong gipanghagdawan? Panalanginan unta sa Dios ang tawo nga mitagad kanimo!” Gisuginlan ni Ruth si Naomi nga didto siya manghagdaw sa uma ni Boas.

Ang Bag-ong Maayong Balita Biblia

¹⁹ Si Naomi nangutana kaniya, “Diin ka man manghagdaw karong adlawa? Kinsang uma ang imong gipanghagdawan? Panalanginan unta sa Dios ang tawo nga mitagad kanimo!” Gisuginlan ni Ruth si Naomi nga didto siya manghagdaw sa uma ni Boas.

Ruth 2:19 Cross References

1 Mga Hari 7:21

Gipatindog ni Huram ang mga haligi sa balkonahe sa Templo. Ang haligi dapit sa habagatan ginganlan niyag Jakin, ug ang haligi dapit sa amihan ginganlan niyag Boaz.

Salmo 41:1

Bulahan ang tawo nga manggihuna-hunaon sa mga kabos. Tabangan siya sa Ginoo sa panahon sa kalisod.

Salmo 41:2

Panalipdan siya sa Ginoo ug tipigan ang iyang kinabuhi. Himuon siya sa Ginoo nga bulahan sa yuta sa Israel; dili siya itugyan ngadto sa iyang mga kaaway.

Salmo 44:1

O Dios, gisuginlan kami sa among mga katigulangan mahitungod sa gipanghimo mo sa ilang panahon, sa dugay nang panahon.

Ruth 2:10

Miluhod si Ruth ug miduko ngadto sa yuta ug miingon kang Boaz, “Nganong maayo ka man kaayo kanako nga usa man lang ako ka dumuduong?”