Numeros 9:22 - Ang Pulong sa Dios

²² Kon magpabilin gani ang panganod diha tungod sa Tolda ug duha ka adlaw o mga usa ka bulan, o kon mga usa ka tuig, magpabilin usab ang mga Israelinhon sa ilang kampo. Apan kon mopaibabaw na ang panganod, manglakaw usab sila dayon.

Ang Biblia 2011

²² Bisan ug duha ka adlaw o usa ka bulan o taastaas nga panahon nga ang panganod magpadayon pa sa ibabaw sa Tolda, magpabilin niini, ang katawhan sa Israel magpabilin sa kampo ug dili manglakaw. Apan kon kini mopataas, sila manglakaw.

Maayong Balita Biblia

²² Dili gayod mopanaw ang mga Israelita kon magpabilin pa ang panganod ibabaw sa Tolda nga Tagboanan sulod sa duha ka adlaw o usa ka bulan o kapin pa niini. Apan kon mopaibabaw kini mopanaw na usab sila.

Ang Bag-ong Maayong Balita Biblia

²² Dili gayod mopanaw ang mga Israelita kon magpabilin pa ang panganod ibabaw sa Tolda nga Tagboanan sulod sa duha ka adlaw o usa ka bulan o kapin pa niini. Apan kon mopaibabaw kini mopanaw na usab sila.

Numeros 9:22 Cross References

Salmo 107:7

Gitultolan niya sila sa diretso nga dalan paingon sa siyudad nga ilang kapuy-an.

Salmo 143:10

Tudloi ako sa pagsunod sa imong kabubut-on, kay ikaw ang akong Dios. Hinaut pa nga ang imong maayong Espiritu moagak kanako sa kahimtang nga layo sa katalagman.

Salmo 32:8

Miingon ka kanako, “Tudloan ka nako sa dalan nga angay mong agian. Tambagan ka nako samtang nagbantay ako kanimo.

Salmo 48:14

nga ingon niana ang Dios nga atong gialagaran. Dios siya sa walay kataposan. Siya ang gagiya kanato hangtod sa kahangtoran.

Salmo 73:24

Gigiyahan mo ako pinaagi sa imong mga tambag, ug sa kaulahian pasidunggan mo ako.

Salmo 77:20

Gigiyahan mo ang imong katawhan nga daw panon sa mga karnero, pinaagi kang Moises ug kang Aaron.

Exodo 39:42

Gihimo sa mga Israelinhon ang tanang buluhaton sumala sa gisugo sa Ginoo kang Moises.

Exodo 40:16

Gihimo ni Moises ang tanang gisugo kaniya sa Ginoo.

Numeros 1:54

Gihimo sa mga Israelinhon ang tanan sumala sa gisugo sa Ginoo kang Moises.

Numeros 8:20

Busa gihimo nila ni Moises, Aaron, ug sa tibuok katilingban sa Israel ang gisugo sa Ginoo kang Moises nga himuon alang sa mga kaliwat ni Levi.

Numeros 9:17

Kon mopaibabaw ang panganod tungod sa Tolda ug mohawa, manglakaw ang mga Israelinhon, ug kon asa mopundo ang panganod, didto usab sila magkampo.

Numeros 9:21

Usahay magpabilin kini ug usa lang ka gabii ug pagkasunod adlaw mopaibabaw na kini, ug manglakaw na usab dayon ang mga Israelinhon. Adlaw man o gabii, basta mopaibabaw na ang panganod manglakaw usab ang mga Israelinhon.

Mga Buhat 1:4

Usa niadto ka higayon samtang nagkaon sila kauban si Jesus miingon siya, “Ayaw una kamo pagbiya sa Jerusalem. Hulata ninyo ang gisaad sa Amahan. Gisulti ko na kini kaninyo kaniadto.