Numeros 33:54 - Ang Pulong sa Dios

⁵⁴ Bahinon ninyo ang yuta pinaagi sa hulbot-hulbot basi sa gidaghanon sa matag tribo. Ang tribo nga daghan ug sakop bahinan ug dako, ug ang tribo nga gamay ra ug sakop bahinan ug gamay. Kon unsay ilang mabunotan mao na ang ilang mahimong bahin. Niining paagiha mabahin ang yuta ngadto sa matag tribo.

Ang Biblia 2011

⁵⁴ Kamo manunod sa yuta pinaagi sa pagripa sumala sa inyong mga panimalay. Sa dakong banay, ihatag ang dako nga panulondon, ug sa gamay nga banay ihatag ang gamay nga panulondon, bisan asa matumong ang pagripa alang ni bisan kinsa kana maiyaha, sumala sa mga kabanayan sa inyong katigulangan kamo manunod.

Maayong Balita Biblia

⁵⁴ Kinahanglan nga magripa sila kon hain ang mahibahin kanila: ang banay nga daghag mga sakop bahinag dako ug ang diyutay rag sakop bahinag gamay. Ang dapit nga matungnan nilag hulbot inigripa maoy maila. Sa banay diin ang usa ka tawo mahisakop, adto siya bahini sa yuta nga maoy bahin sa maong banay.

Ang Bag-ong Maayong Balita Biblia

⁵⁴ Kinahanglan nga magripa sila kon hain ang mahibahin kanila: ang banay nga daghag mga sakop bahinag dako ug ang diyutay rag sakop bahinag gamay. Ang dapit nga matungnan nilag hulbot inigripa maoy maila. Sa banay diin ang usa ka tawo mahisakop, adto siya bahini sa yuta nga maoy bahin sa maong banay.

Numeros 33:54 Cross References

Numeros 35:8

Kini nga mga lungsod maggikan sa mga yuta sa mga tribo sa Israel ug mag-agad sa gidak-on sa bahin sa matag tribo: ang dako nga tribo mohatag ug mas daghan nga lungsod ug ang gamay nga tribo mohatag ug pipila lang ka lungsod.”

Josue 13:6

ug lakip usab ang mga bukid gikan sa Lebanon hangtod sa Misrefot Maim, nga iya sa mga Sidonhon. “Inigsulong ninyo, ako mismo ang moabog sa mga lumulupyo niining mga dapita. Siguradoha nga mabahin kini nga mga yuta ngadto sa mga Israelinhon isip ilang panulondon, sumala sa gisugo ko kanimo.

Josue 14:2

Sumala sa gisugo sa Ginoo kang Moises, ang kayutaan sa siyam ug tunga ka mga tribo gibahin-bahin pinaagi sa hulbot-hulbot.

Josue 18:11

Ang unang nahatagan sa yuta mao ang tribo ni Benjamin. Ang ilang bahin anaa taliwala sa tribo ni Juda ug sa mga tribo ni Jose.