Numeros 32:14 - Ang Pulong sa Dios

¹⁴ “Unya karon, kamong mga kaliwat sa mga makasasala, mao na usab ang mipuli sa inyong mga katigulangan ug gidugangan pa gayod ninyo ang kasuko sa Ginoo batok sa mga Israelinhon.

Ang Biblia 2011

¹⁴ Ug tan-awa, kamo ang mipuli sa inyong mga amahan nga dugang sa mga tawong makasasala, aron sa pagdugang pa sa kasuko sa Ginoo ngadto sa Israel!

Maayong Balita Biblia

¹⁴ Karon, kamo na usab ang mipuli sa inyong katigulangan. Daotan kamo ug nagdugang lamang kamo sa kasuko sa Ginoo batok sa Israel!

Ang Bag-ong Maayong Balita Biblia

¹⁴ Karon, kamo na usab ang mipuli sa inyong katigulangan. Daotan kamo ug nagdugang lamang kamo sa kasuko sa Ginoo batok sa Israel!

Numeros 32:14 Cross References

Genesis 5:3

Sa dihang nag-edad na si Adan ug 130 ka tuig, natawo ang iyang anak nga liwat gayod kaniya. Ginganlan niya kinig Set.

Genesis 8:21

Sa dihang napanimahoan sa Ginoo ang kahumot niini, miingon siya sa iyang kaugalingon, “Dili ko na gayod tunglohon pag-usab ang yuta tungod sa binuhatan sa tawo. Bisan pa ug daotan siya sukad pa sa iyang pagkabata, dili ko na gayod laglagon pag-usab ang tanang adunay kinabuhi sama sa akong gibuhat.

2 Cronicas 28:13

“Ayaw ninyo dad-a dinhi kanang mga bihag, kay manubag kita niana sa Ginoo. Dugangan pa ba ninyo ang atong sala? Daghan na kaayo kitag sala, ug nasuko na pag-ayo ang Ginoo sa Israel.”

Esdras 10:10

Unya mitindog si Ezra nga pari ug miingon kanila, “Nakasala kamo kay nakigminyo kamo sa mga dili Israelinhon. Busa nadugangan pa gayod ang sala sa Israel.

Nehemias 13:18

Dili ba mao man kini ang gihimo sa inyong mga katigulangan, mao nga kita ug kining siyudad gisilotan sa atong Dios? Karon, gipasuko pa gayod ninyo ang Dios sa inyong gihimo, kay wala ninyo gipakabalaan ang Adlaw nga Igpapahulay.”

Job 14:4

Aduna bay tawo nga magkinabuhi nga putli gayod? Wala! Kay ang tanan, natawo nga mahugaw.

Salmo 78:57

Nagpahilayo sila ug nagluib sa Dios sama sa ilang mga katigulangan. Dili sila kasaligan sama sa depektado nga pana.

Isaias 1:4

Pagkamakasasala nga nasod! Katawhan nga puno sa kadaotan, kaliwat sa mga malapason ug malimbongon. Gisalikway ninyo ug gibiay-biay ang  Ginoo, ang Balaan nga Dios sa Israel, ug mitalikod kamo kaniya.

Isaias 57:4

Gibiay-biay ninyo ang mga matarong. Inyo silang gihiwian ug gidiwaldiwalan. Mga kaliwat kamo sa mga masinupakon ug mga bakakon.

Ezequiel 20:21

“Apan bisan ang mga kabataan misupak usab kanako. Wala nila tumana ang akong mga pagtulon-an ug mga lagda. Kon tumanon lang unta nila kini, padayon unta sila nga mabuhi. Ug wala usab nila pakabalaana ang Adlaw nga Igpapahulay nga akong gipatuman kanila. Busa miingon ako nga ipatagamtam ko ang akong labihang kasuko kanila didto sa kamingawan.

Numeros 32:15

Kon dili kamo magsunod sa Ginoo talikdan na usab niya kini nga katawhan dinhi sa kamingawan, ug kamoy mahimong hinungdan sa ilang kalaglagan.”

Lucas 11:48

Busa kamo mismo nagpamatuod ug miuyon sa ilang mga gibuhat. Kay sila ang nagpatay sa mga propeta ug kamo ang nagpahimo sa ilang mga lubnganan.

Deuteronomio 9:24

Sukad sa akong pagkaila kaninyo pulos lang pagsupak sa Ginoo ang inyong gihimo.