Numeros 30:8 - Ang Pulong sa Dios

⁸ Apan kon mobabag ang iyang bana sa dihang nasayran niya kini, mahimo nang walay bili ang maong saad o panumpa ug pasayloon sa Ginoo ang babaye.

Ang Biblia 2011

⁸ Apan kon ang iyang bana magpugong kaniya sa adlaw nga siya makadungog niini, dili niya ipapadayon ang panaad sa iyang asawa ug ang hinanali nga gibungat sa iyang mga ngabil nga naghigot sa iyang kaugalingon, ug ang Ginoo magpasaylo kaniya.

Maayong Balita Biblia

⁸ Apan kon inigkasayod sa bana bahin niini mosupak siya, mahimong walay bili ang maong saad ug ang babaye pasayloon sa Ginoo.

Ang Bag-ong Maayong Balita Biblia

⁸ Apan kon inigkasayod sa bana bahin niini mosupak siya, mahimong walay bili ang maong saad ug ang babaye pasayloon sa Ginoo.

Numeros 30:8 Cross References

Genesis 3:16

Miingon usab siya sa babaye, “Tungod sa imong gibuhat, dugangan ko ang kalisod sa imong pagpanamkon ug ang kasakit sa pagpanganak. Ug bisan pa niana, mangandoy ka gihapon sa imong bana, ug siya ang mogahom kanimo.”

Jeremias 44:19

“Sa matag higayon nga magsunog kamig insenso ngadto sa Rayna sa Langit, maghalad ug halad nga ilimnon kaniya, ug magluto ug pan nga giporma sa iyang dagway, nasayod niini ang among mga bana.”

Levitico 5:4

Kon manumpa ang usa ka tawo diha-diha sa walay paghuna-huna kon maayo o daotan ang iyang gipanumpaang buhaton, nakasala siya kon maamgohan na niya ang iyang gihimo.

Numeros 30:5

Apan kon mibabag ang iyang amahan sa dihang nasayran niya kini, mahimo nang walay bili ang maong saad o panumpa. Pasayloon siya sa Ginoo kay mibabag man ang iyang amahan.

Numeros 30:7

ug masayran kini sa iyang bana apan wala kini mibabag, ang maong saad o panumpa magpabilin.

Numeros 30:9

“Kon ang usa ka biyuda o usa ka babayeng gibulagan nanaad o nanumpa nga himuon niya o dili ang usa ka butang, kinahanglan nga tumanon gayod niya kini.

1 Mga Taga-Corinto 14:34

nga kon magtigom kamo, ang mga babaye kinahanglan maghilom tungod kay wala sila tugoti sa pagsulti. Kinahanglan magpasakop sila sa mga lalaki sumala sa giingon sa Kasugoan.

1 Mga Taga-Corinto 7:4

Kay ang lawas sa asawa iya na sa bana, ug ang lawas sa bana iya na usab sa asawa.

1 Samuel 1:23

Mitubag si Elkana kaniya, “Himoa kon unsay maayo alang kanimo. Pabilin lang dinhi hangtod nga malutas mo na siya. Ug hinaut nga tabangan ka sa Ginoo sa pagtuman sa imong panaad ngadto kaniya.” Busa nagpabilin si Hana ug giatiman niya ang iyang anak.