Numeros 30:12 - Ang Pulong sa Dios

¹² Apan kon mobabag ang iyang bana sa dihang masayran niya ang mahitungod niini, mahimo nang walay bili ang maong saad o panumpa ug pasayloon sa Ginoo ang asawa.

Ang Biblia 2011

¹² Apan kon ang iyang bana maghimo niini nga walay bili sa adlaw sa pagkadungog niya, ang tanan nga migula sa iyang mga ngabil mahitungod sa iyang mga panaad o mahitungod sa katungdanan sa iyang kaugalingon dili magpadayon. Ang iyang bana maghimo niini nga walay bili ug ang Ginoo magpasaylo kaniya.

Maayong Balita Biblia

¹² Apan kon mosupak ang bana inigkasayod niya niini, mahimong walay bili ang maong saad ug pasayloon sa Ginoo ang babayeng nagsaad niini.

Ang Bag-ong Maayong Balita Biblia

¹² Apan kon mosupak ang bana inigkasayod niya niini, mahimong walay bili ang maong saad ug pasayloon sa Ginoo ang babayeng nagsaad niini.

Numeros 30:12 Cross References

Jeremias 44:17

Buhaton gayod namo ang tanang gusto namong buhaton: magsunog kami ug insenso sa Rayna sa Langit ug maghalad kaniya ug halad nga ilimnon sama sa gihimo namo sa mga lungsod sa Juda ug sa kadalanan sa Jerusalem. Mao usab kini ang gihimo sa among mga katigulangan ug sa among mga hari ug mga opisyal. Niadtong mga panahona maayo ang among kahimtang; daghan kamig pagkaon ug walay daotang nahitabo kanamo.

Jeremias 44:19

“Sa matag higayon nga magsunog kamig insenso ngadto sa Rayna sa Langit, maghalad ug halad nga ilimnon kaniya, ug magluto ug pan nga giporma sa iyang dagway, nasayod niini ang among mga bana.”

Numeros 15:25

Unya mag-ampo ang pari aron mahinloan ang tibuok katilingban gikan sa ilang sala. Ug pasayloon ko sila kay dili man kadto tinuyo, ug nagdala usab sila ug halad nga sinunog ug halad sa paghinlo.

Numeros 15:28

Ug mag-ampo ang pari sa akong presensya aron mahinloan siya gikan sa iyang sala nga dili tinuyo, ug unya pasayloon ko siya.

Numeros 30:11

ug nasayran kini sa iyang bana apan nagpakahilom lang siya ug wala mobabag, kinahanglan nga tumanon kini sa asawa.

Numeros 30:13

Busa ang iyang bana adunay katungod sa pagtugot o pagbali-wala sa bisan unsa nga iyang gipanaad o gipanumpa.

Numeros 30:5

Apan kon mibabag ang iyang amahan sa dihang nasayran niya kini, mahimo nang walay bili ang maong saad o panumpa. Pasayloon siya sa Ginoo kay mibabag man ang iyang amahan.

Numeros 30:8

Apan kon mobabag ang iyang bana sa dihang nasayran niya kini, mahimo nang walay bili ang maong saad o panumpa ug pasayloon sa Ginoo ang babaye.

1 Mga Taga-Corinto 11:3

Karon gusto ko nga masayran ninyo nga si Cristo mao ang ulo sa matag lalaki, ug ang lalaki mao ang ulo sa babaye, ug ang Dios mao ang ulo ni Cristo.

1 Samuel 1:23

Mitubag si Elkana kaniya, “Himoa kon unsay maayo alang kanimo. Pabilin lang dinhi hangtod nga malutas mo na siya. Ug hinaut nga tabangan ka sa Ginoo sa pagtuman sa imong panaad ngadto kaniya.” Busa nagpabilin si Hana ug giatiman niya ang iyang anak.