Numeros 3:45 - Ang Pulong sa Dios

⁴⁵ “Igahin ang mga kaliwat ni Levi alang kanako puli sa tanang kamagulangan nga lalaki sa mga Israelinhon. Igahin usab alang kanako ang mga kahayopan sa mga kaliwat ni Levi puli sa kamagulangan nga mga kahayopan sa mga Israelinhon. Ang mga kaliwat ni Levi akoa. Ako mao ang Ginoo.

Ang Biblia 2011

⁴⁵ “Kuhaa ang mga Levihanon ingon nga puli sa tanang mga kamagulangan sa katawhan sa Israel, ug ang kahayopan sa mga Levihanon ingon nga puli sa ilang kahayopan, ug ang mga Levihanon mahimong akoa. Ako mao ang Ginoo.

Maayong Balita Biblia

⁴⁵ “Kuhaa ang mga Levita inay ang tanang kamagulangang anak sa mga Israelita ug ang kahayopan sa mga Levita inay ang kahayopan sa mga Israelita. Ang mga Levita akoa. Ako ang Ginoo.

Ang Bag-ong Maayong Balita Biblia

⁴⁵ “Kuhaa ang mga Levita inay ang tanang kamagulangang anak sa mga Israelita ug ang kahayopan sa mga Levita inay ang kahayopan sa mga Israelita. Ang mga Levita akoa. Ako ang Ginoo.

Numeros 3:45 Cross References

Exodo 34:20

Mahimong lukaton ang unang anak nga laki sa inyong mga asno pinaagi sa pag-ilis niini ug karnero. Apan kon dili ninyo kini lukaton, kinahanglan nga patyon ang asno pinaagi sa pagbali sa liog niini. Mahimo usab nga lukaton ang inyong kamagulangang anak nga lalaki. “Walay moduol kanako nga walay dala nga halad.

Malaquias 2:4

Angay ninyong mahibaloan nga gipasidan-an ko kamo niini aron makapadayon ang akong kasabotan sa inyong katigulangan nga si Levi,” miingon ang Ginoo nga Makagagahom.

Numeros 18:6

Ako mismo ang nagpili sa kaigsoonan nimo nga mga kaliwat ni Levi gikan sa mga Israelinhon aron mahimong imong katabang. Gidedikar sila kanako sa pag-alagad diha sa Tolda nga Tagboanan.

Numeros 3:12

“Gipili ko ang mga kaliwat ni Levi puli sa mga kamagulangan nga lalaki sa Israel. Ang matag kaliwat ni Levi akoa,

Numeros 3:44

Miingon pa gayod ang Ginoo kang Moises,

Numeros 8:16

Sila ang mga Israelinhon nga gigahin alang lang gayod kanako puli sa tanang mga kamagulangang anak nga lalaki sa mga Israelinhon.