Numeros 28:9 - Ang Pulong sa Dios

⁹ “Sa Adlaw nga Igpapahulay, maghalad kamo ug duha ka karnero nga nag-edad ug tagsa ka tuig ug walay depekto. Lakipi kini ug halad nga ilimnon ug ang halad isip pagpasidungog nga upat ka kilo nga maayong klasi sa harina nga sinagolan ug mantika.

Ang Biblia 2011

⁹ “Ug sa adlaw nga igpapahulay, duha ka nating karnero nga laki nga usa ka tuig ang kagulangon nga walay tatsa, ug duha ka ikanapulo nga bahin sa usa ka epha nga pinong harina ingon nga usa ka halad nga pagkaon nga sinagolan ug lana ug ang halad nga ilimnon niini.

Maayong Balita Biblia

⁹ “Sa Adlawng Igpapahulay kinahanglang duha ka nating karnero nga usa ka tuig ang kagulangon ug walay tatsa ang inyong ihalad. Paubani ninyo kinig usa ka gantang sa labing maayong harina nga minasag lana. Uban usab niini ang halad nga ilimnon.

Ang Bag-ong Maayong Balita Biblia

⁹ “Sa Adlawng Igpapahulay kinahanglang duha ka nating karnero nga usa ka tuig ang kagulangon ug walay tatsa ang inyong ihalad. Paubani ninyo kinig usa ka gantang sa labing maayong harina nga minasag lana. Uban usab niini ang halad nga ilimnon.

Numeros 28:9 Cross References

2 Mga Hari 4:23

Nangutana ang iyang bana, “Nganong moadto ka man karong adlawa nga dili man kini Pista sa Pagsugod sa Bulan o Adlaw nga Igpapahulay?” Mitubag ang babaye, “Sige lang.”

2 Cronicas 2:3

Nagpadala si Solomon niini nga mensahe ngadto kang Hiram nga hari sa Tiro: “Padad-i akog mga kahoyng sedro sama sa imong gihimo alang sa akong amahan nga si David sa dihang nagpatukod siya sa iyang palasyo.

2 Cronicas 2:4

Magpatukod akog templo alang sa kadungganan sa Ginoo nga akong Dios. Mahimo kining balaang dapit nga igahin alang sa makanunayon nga pagsunog ug humot nga insenso ug sa paghalad sa balaan nga pan. Dinhi usab himuon ang paghalad sa mga halad nga sinunog kada buntag ug gabii, ug sa mga Adlaw nga Igpapahulay, sa Pista sa Pagsugod sa Bulan, ug sa uban pang mga pista alang sa pagpasidungog sa Ginoo nga among Dios. Kini nga tulomanon kinahanglang buhaton sa mga Israelinhon hangtod sa kahangtoran.

2 Cronicas 8:13

Gituman niya ang sugo ni Moises nga maghalad sa gitakda nga mga halad alang sa inadlaw-adlaw nga paghalad, ug sa panahon sa Adlaw nga Igpapahulay, ug sa mga panahon sa Pista sa Pagsugod sa Bulan, Pista sa Pan nga Walay Patubo, Pista sa Ting-ani, ug Pista sa Pagpatindog sa mga Payag.

Isaias 58:13

“Tumana ninyo ang akong mga gipahimo sa Adlaw nga Igpapahulay. Ayaw ninyo buhata ang mga butang nga alang lang sa inyong kaugalingon nga kalipay nianang pinasahi nga adlaw. Ikalipay ninyo ang Adlaw nga Igpapahulay, ug pasidunggi ninyo kini pinaagi sa dili pagpatuyang sa inyong gusto ug kalipay, ug dili pagsultig mga walay pulos.

Ezequiel 20:12

Gipatuman ko usab kanila ang Adlaw nga Igpapahulay ingon nga ilhanan sa amo nga kasabotan. Kini magpahinumdom kanila nga ako, ang  Ginoo, nagpili kanila nga mahimo nga akong katawhan.

Ezequiel 46:4

Sa matag Adlaw nga Igpapahulay, maghalad kanako ang pangulo ug usa ka hamtong nga laking karnero ug unom ka laking batan-ong karnero. Kinahanglang wala kini depekto, ug ihalad kini sa pangulo kanako isip halad nga sinunog.

Numeros 28:10

Mao kini ang halad nga sinunog sa matag Adlaw nga Igpapahulay, dugang sa inadlaw-adlaw nga halad nga sinunog apil ang halad nga ilimnon niini.

Numeros 28:8

Mao gihapon ang inyong buhaton sa ikaduhang karnero nga inyong ihalad sa hapon. Lakipi gihapon ninyo kini ug halad isip pagpasidungog sa Ginoo ug halad nga ilimnon. Halad kini pinaagi sa kalayo, ug ang kahumot niini makapalipay sa Ginoo.

Gipadayag 1:10

Sa usa ka adlaw nga Dominggo, gigamhan ako sa Espiritu, ug nadunggan ko ang makusog nga tingog nga daw trumpeta dapit sa akong likod