Numeros 28:6 - Ang Pulong sa Dios

⁶ Mao kini ang inadlaw-adlaw nga halad nga inyong sunogon, nga gisugo kaniadto kaninyo sa Ginoo didto sa Bukid sa Sinai. Ang kahumot niini nga halad pinaagi sa kalayo makapalipay sa Ginoo.

Ang Biblia 2011

⁶ Kini usa ka magpadayon nga halad nga sunogon nga gitukod didto sa Bukid sa Sinai usa ka kahumot, usa ka halad pinaagi sa kalayo ngadto sa Ginoo.

Maayong Balita Biblia

⁶ Kining maong sugo mahitungod sa inadlawng halad nga sunogon gihatag sa Ginoo kang Moises didto sa Bukid sa Sinai aron maghatag ug kahumot alang sa Ginoo.

Ang Bag-ong Maayong Balita Biblia

⁶ Kining maong sugo mahitungod sa inadlawng halad nga sunogon gihatag sa Ginoo kang Moises didto sa Bukid sa Sinai aron maghatag ug kahumot alang sa Ginoo.

Numeros 28:6 Cross References

2 Cronicas 2:4

Magpatukod akog templo alang sa kadungganan sa Ginoo nga akong Dios. Mahimo kining balaang dapit nga igahin alang sa makanunayon nga pagsunog ug humot nga insenso ug sa paghalad sa balaan nga pan. Dinhi usab himuon ang paghalad sa mga halad nga sinunog kada buntag ug gabii, ug sa mga Adlaw nga Igpapahulay, sa Pista sa Pagsugod sa Bulan, ug sa uban pang mga pista alang sa pagpasidungog sa Ginoo nga among Dios. Kini nga tulomanon kinahanglang buhaton sa mga Israelinhon hangtod sa kahangtoran.

2 Cronicas 31:3

Gihatag ni Haring Ezequias ang pipila sa iyang kaugalingong mga hayop alang sa mga halad nga sinunog nga ginahalad buntag ug gabii, ug alang usab sa mga Adlaw nga Igpapahulay, sa Pista sa Pagsugod sa Bulan, ug sa uban pang mga pista, sumala sa nasulat sa kasugoan sa Ginoo.

Esdras 3:4

Gisaulog usab nila ang Pista sa Pagpatindog sa mga Payag sumala sa nasulat sa Kasugoan ni Moises, ug naghalad sila sa mga halad nga sinunog nga gitakda nga ihalad matag adlaw.

Salmo 50:8

Wala ko kamo badlonga tungod sa inyong mga halad, ug sa inyong mga halad nga sinunog nga inyo kanunayng gidala kanako.

Exodo 31:18

Human makigsulti ang Ginoo kang Moises didto sa Bukid sa Sinai, gihatag niya kang Moises ang duha ka lagpad nga bato nga gisulatan niya mismo sa Kasugoan.

Ezequiel 46:14

Iuban niini nga karnero ang halad sa pagpasidungog kanako nga tulo ka kilong harina, ug usa ka litro nga lana sa olibo nga pangsagol sa harina. Kini nga tulomanon bahin sa halad alang sa pagpasidungog kanako kinahanglang tumanon hangtod sa hangtod.

Ezequiel 46:15

Busa kada buntag, kinahanglan nga adunay ihalad kanako nga karnero, harina, ug lana sa olibo ingon nga adlaw-adlaw nga halad nga sinunog.”

Levitico 27:34

Mao kini ang mga sugo nga gihatag sa Ginoo kang Moises didto sa Bukid sa Sinai alang sa mga Israelinhon.

Levitico 6:9

“Ihatag kang Aaron ug sa iyang mga anak nga lalaki kini nga mga patakaran mahitungod sa halad nga sinunog: ‘Kini nga halad kinahanglan nga ibilin hangtod mobuntag, ug kinahanglan nga walay undang ang kalayo sa halaran.

Amos 5:25

“Sa didto pa sa kamingawan ang inyong mga katigulangan sulod sa 40 ka tuig, naghalad ba sila kanako? Wala!

Numeros 28:5

Lakipi kini ug halad sa pagpasidungog nga duha ka kilo nga maayong klasi sa harina nga sinagolan ug usa ka litrong mantika nga gikan sa dinukdok nga olibo.

Numeros 28:7

Ang halad nga ilimnon nga i-apil sa kada karnero, usa ka litrong bino, ug ibubo kini didto sa balaang dapit alang sa Ginoo.

Mga Taga-Filipos 2:17

Ang inyong pagtuo sama sa halad alang sa Dios. Sa pagkatinuod kon kinahanglan nga iula ko ang akong dugo alang sa inyong pagtuo, ikalipay ko. Ug dili lang ako ang malipay kondili kamo usab.