Numeros 28:5 - Ang Pulong sa Dios

⁵ Lakipi kini ug halad sa pagpasidungog nga duha ka kilo nga maayong klasi sa harina nga sinagolan ug usa ka litrong mantika nga gikan sa dinukdok nga olibo.

Ang Biblia 2011

⁵ Ug usab ikanapulo nga bahin sa usa ka epha nga pinong harina alang sa usa ka halad nga pagkaon nga sinagolan sa ikaupat nga bahin sa hin nga lana nga piniga.

Maayong Balita Biblia

⁵ Ang matag usa niini ihalad uban sa halad nga pagkaon gikan sa labing maayong harina nga usa ka kilo nga minasag usa ka litro sa labing maayong lana sa olibo.

Ang Bag-ong Maayong Balita Biblia

⁵ Ang matag usa niini ihalad uban sa halad nga pagkaon gikan sa labing maayong harina nga usa ka kilo nga minasag usa ka litro sa labing maayong lana sa olibo.

Numeros 28:5 Cross References

Exodo 16:36

(Kada adlaw nagtigom ang kada usa kanila ug usa ka omer nga manna, nga mga usa ka gantang.)

Ezequiel 46:14

Iuban niini nga karnero ang halad sa pagpasidungog kanako nga tulo ka kilong harina, ug usa ka litro nga lana sa olibo nga pangsagol sa harina. Kini nga tulomanon bahin sa halad alang sa pagpasidungog kanako kinahanglang tumanon hangtod sa hangtod.

Levitico 2:1

“ ‘Kon adunay maghalad ug halad sa pagpasidungog sa Ginoo, gamiton niya ang pinakamaayo nga klasi sa harina, ug butangan niya kinig mantika ug insenso.

Numeros 28:4

Ang usa ka karnero ihalad sa buntag ug ang laing usa ihalad sa hapon.

Numeros 28:6

Mao kini ang inadlaw-adlaw nga halad nga inyong sunogon, nga gisugo kaniadto kaninyo sa Ginoo didto sa Bukid sa Sinai. Ang kahumot niini nga halad pinaagi sa kalayo makapalipay sa Ginoo.

Numeros 7:13

Mao kini ang iyang gidala: usa ka pilak nga bandehado nga adunay gibug-aton nga usa ka kilo ug tunga, ug usa ka pilak nga yahong nga adunay gibug-aton nga 800 ka gramo basi sa timbangan nga ginagamit sa mga pari, ang kada usa niini puno sa maayong klasi sa harina nga sinagolan ug mantika isip halad alang sa pagpasidungog sa Ginoo;