Numeros 27:7 - Ang Pulong sa Dios

⁷ “Husto ang gisulti sa mga anak nga babaye ni Zelofehad. Kinahanglan nga hatagan mo sila ug yuta uban sa mga paryente sa ilang amahan. Ihatag kanila ang alang unta sa ilang amahan.

Ang Biblia 2011

⁷ “Ang mga anak nga babaye ni Zelofehad nagsulti sa matarong. Ihatag kanila ang pagpanag-iya sa usa ka panulondon taliwala sa kaigsoonang lalaki sa ilang amahan ug ipasunod kanila ang panulondon sa ilang amahan.

Maayong Balita Biblia

⁷ “May katarongan ang mga anak nga babaye ni Selofehad. Hatagi silag bahin sa kabilin sa ilang amahan.

Ang Bag-ong Maayong Balita Biblia

⁷ “May katarongan ang mga anak nga babaye ni Selofehad. Hatagi silag bahin sa kabilin sa ilang amahan.

Numeros 27:7 Cross References

Job 42:15

Walay babaye nga sama kanila katahom sa tibuok nila nga dapit. Ug gihatagan sila ni Job ug panulondon sama sa ilang igsoon nga mga lalaki.

Salmo 68:5

Ang Dios, nga nagpuyo sa iyang balaan nga puloy-anan, nag-atiman sa mga nangailo sa amahan ug nanalipod sa mga biyuda.

Jeremias 49:11

Apan ibilin kanako ang inyong mga nailo kay atimanon ko sila. Ug ang inyong mga biyuda makasalig gayod kanako.”

Numeros 27:6

Ug nag-ingon ang Ginoo kang Moises,

Numeros 27:8

“Ug ingna ang mga Israelinhon nga kon mamatay ang usa ka tawo nga walay anak nga lalaki, kinahanglan nga ihatag sa iyang anak nga babaye ang iyang panulondon.

Numeros 36:5

Busa subay sa sugo sa Ginoo, miingon si Moises sa mga Israelinhon, “Husto ang gisulti sa tribo sa mga kaliwat ni Jose.

Numeros 36:6

Mao kini ang giingon sa Ginoo bahin sa mga anak nga babaye ni Zelofehad: makapamana sila sa ilang magustohan basta sa ila lang ka-tribo.

Mga Taga-Galacia 3:28

Karon managsama na lang ang mga Judio ug ang mga dili Judio, ang mga ulipon ug ang mga dili ulipon, ang mga lalaki ug ang mga babaye. Kitang tanan managsama na lang tungod kay kita anaa na kang Cristo Jesus.

Josue 17:4

Miadto sila kang Eleazar nga pari, kang Josue nga anak ni Nun, ug sa mga pangulo ug miingon, “Nagsugo ang Ginoo kang Moises nga hatagan kamig yuta sama sa gihimo niya sa uban namong mga paryenteng lalaki.” Busa gihatagan sila ug bahin sumala sa giingon sa Ginoo.