Numeros 27:20 - Ang Pulong sa Dios

²⁰ Hatagi siya sa imong awtoridad aron motuman kaniya ang tibuok katilingban sa Israel.

Ang Biblia 2011

²⁰ Ug magbutang ikaw sa uban nimong kagahom sa ibabaw niya aron ang tibuok nga katilingban sa katawhan sa Israel motuman kaniya.

Maayong Balita Biblia

²⁰ Hatagi siyag awtoridad aron ang katawhan sa Israel motahod kaniya.

Ang Bag-ong Maayong Balita Biblia

²⁰ Hatagi siyag awtoridad aron ang katawhan sa Israel motahod kaniya.

Numeros 27:20 Cross References

2 Mga Hari 2:15

Sa dihang nakita sa grupo sa mga propeta nga gikan sa Jerico ang nahitabo, miingon sila, “Anaa kaniya ang gahom ni Elias.” Busa gitagbo nila si Eliseo ug miyukbo sila agig pagtahod kaniya.

1 Cronicas 29:23

Busa milingkod si Solomon sa trono sa Ginoo ingon nga hari puli sa iyang amahan nga si David. Nagmauswagon si Solomon, ug mituman kaniya ang tibuok Israel.

1 Cronicas 29:25

Gihimo sa Ginoo si Solomon nga bantogan sa tibuok Israel. Gihatagan niya kini ug kadungganan nga wala sukad maangkon sa ubang mga hari sa Israel.

Numeros 11:17

Moadto ako ug makigsulti kanimo didto, ug ihatag ko kanila ang uban nga gahom nga gihatag ko kanimo aron makatabang sila sa pagdumala sa mga tawo, aron dili ka mag-inusara sa pagdumala kanila.

Numeros 27:19

Pabaroga siya atubangan ni Eleazar nga pari ug sa tibuok katilingban, ug ipahibalo kanila nga gipili mo siya nga imong kapuli.

Numeros 27:21

Mobarog siya sa atubangan ni Eleazar nga pari nga maoy magpakisayod sa Ginoo alang kaniya pinaagi sa Urim kon unsa ang iyang hukom. Niining paagiha, magiyahan ni Eleazar si Josue ug ang tibuok katilingban sa Israel sa ilang pagabuhaton.”

1 Samuel 10:6

Unya gamhan ka sa Espiritu sa Ginoo ug magsugilon ka sa mensahe sa Dios uban kanila, ug mabag-o ang imong pagkatawo.

1 Samuel 10:9

Sa pagbiya ni Saulo kang Samuel, gibag-o sa Dios ang iyang kinabuhi, ug ang tanang giingon ni Samuel kaniya natuman niadtong adlawa.