Numeros 26:55 - Ang Pulong sa Dios

⁵⁵ Kinahanglan pinaagi sa hulbot-hulbot ang pagbahin sa yuta subay sa tribo diin sila nasakop.

Ang Biblia 2011

⁵⁵ Apan ang yuta bahinon pinaagi sa pagripa, sumala sa mga ngalan sa mga banay sa ilang mga katigulangan, sila manunod niini.

Maayong Balita Biblia

⁵⁵ Apan kinahanglan ipaagig ripa ang pagbahin sa yuta. Ang tagsatagsa kanila adto bahini sa yuta nga naangkon sa banay diin sila mahisakop.

Ang Bag-ong Maayong Balita Biblia

⁵⁵ Apan kinahanglan ipaagig ripa ang pagbahin sa yuta. Ang tagsatagsa kanila adto bahini sa yuta nga naangkon sa banay diin sila mahisakop.

Numeros 26:55 Cross References

Mga Panultihon 16:33

Maghulbot-hulbot ang mga tawo aron mahibaloan nila kon unsay hustong desisyon, apan ang tanang desisyon nag-agad sa pagbuot sa Ginoo.

Mga Panultihon 18:18

Ang hulbot-hulbot makapaundang sa panaglalis, ug makahusay sa panagbangi sa duha ka gamhanang tawo.

Ezequiel 47:22

Panulondon ninyo kini ug sa mga langyaw nga nagpuyo uban kaninyo kansang mga kabataan natawo sa Israel. Isipon ninyo silang mga lumad nga Israelinhon, ug bahinan usab ninyo sila sa panulondon nga yuta sa tribo sa Israel.

Numeros 26:56

Ang bahin nila mag-agad sa gidak-on sa ilang pamilya.”

Numeros 33:54

Bahinon ninyo ang yuta pinaagi sa hulbot-hulbot basi sa gidaghanon sa matag tribo. Ang tribo nga daghan ug sakop bahinan ug dako, ug ang tribo nga gamay ra ug sakop bahinan ug gamay. Kon unsay ilang mabunotan mao na ang ilang mahimong bahin. Niining paagiha mabahin ang yuta ngadto sa matag tribo.

Numeros 34:13

Unya miingon si Moises sa mga Israelinhon, “Bahinon ninyo kini nga yuta ingon nga inyong panulondon pinaagi sa hulbot-hulbot. Miingon ang Ginoo nga ihatag kini ngadto sa siyam ug tunga ka tribo,

Numeros 36:2

ug miingon, “Sir, sa dihang nagmando kanimo ang Ginoo sa pagbahin sa yuta ingon nga panulondon sa mga Israelinhon pinaagi sa hulbot-hulbot, nagmando usab siya nga ihatag ang bahin sa among igsoon nga si Zelofehad ngadto sa iyang mga anak nga babaye.

Mga Buhat 1:26

Pagkahuman nilag ampo, naghulbot-hulbot sila. Ug ang nahulbotan mao si Matias. Busa si Matias mao ang nadugang sa onse ka apostoles.

Mga Taga-Colosas 1:12

Ug makapasalamat kamo sa Amahan tungod kay gihimo niya kamo nga takos sa pagdawat sa panulondon nga alang sa iyang mga katawhan, ang panulondon nga anaa sa kahayag.

Josue 11:23

Busa nasakop ni Josue ang tibuok nga yuta, sumala sa gisugo sa Ginoo kang Moises. Gihatag niya kini nga yuta ngadto sa mga Israelinhon isip panulondon. Gibahin-bahin nila kini ngadto sa matag tribo. Niadtong higayona naundang na ang gira sa yuta sa mga Israelinhon.

Josue 14:2

Sumala sa gisugo sa Ginoo kang Moises, ang kayutaan sa siyam ug tunga ka mga tribo gibahin-bahin pinaagi sa hulbot-hulbot.

Josue 17:14

Miingon ang mga kaliwat ni Jose kang Josue, “Nganong usa ra man ka bahin sa yuta ang gihatag mo kanamo? Daghan kaayo kami tungod kay gipanalanginan gayod kami sa Ginoo.”

Josue 18:6

Pagkahuman nila mahimoan ug mapa ang maong kayutaan, dad-on nila kini kanako kay ripahon ko kini sa presensya sa Ginoo nga atong Dios kon kang kinsa nga tribo mapaingon ang kada bahin sa yuta.

Josue 19:1

Ang ikaduha nga gibahinan sa yuta mao ang mga pamilya sa tribo ni Simeon. Ang ilang yuta anaa taliwala sa yuta nga gihatag sa tribo ni Juda.

Josue 19:10

Ang ikatulo nga gibahinan sa yuta mao ang mga pamilya sa tribo ni Zabulon. Ang utlanan sa ilang yuta miabot hangtod sa Sarid.

Josue 19:17

Ang ikaupat nga gibahinan sa yuta mao ang mga pamilya sa tribo ni Isacar.

Josue 19:24

Ang ikalima nga gibahinan sa yuta mao ang mga pamilya sa tribo ni Aser.

Josue 19:32

Ang ikaunom nga gibahinan sa yuta mao ang mga pamilya sa tribo ni Neftali.

Josue 19:40

Ang ikapito nga gibahinan sa yuta mao ang mga pamilya sa tribo ni Dan.