Numeros 26:20 - Ang Pulong sa Dios

²⁰ Apan aduna gihapon mga kaliwat si Juda nga mao ang mga pamilya nila ni Shela, Perez, ug Zera.

Ang Biblia 2011

²⁰ Ug ang mga kaliwat ni Juda sumala sa ilang mga panimalay mao kini: sa kang Sela, ang panimalay sa mga Selahanon; sa kang Peres, ang panimalay sa mga Pereshanon; sa kang Zera, ang panimalay sa mga Zerahanon.

Numeros 26:20 Cross References

Genesis 38:11

Unya miingon si Juda kang Tamar nga iyang umagad, “Pauli una sa imong amahan, ug ayaw pamana hangtod nga maulitawo na si Shela.” Giingon kadto ni Juda kay nahadlok siya nga mamatay usab si Shela sama sa iyang mga igsoon. Busa mipauli si Tamar sa iyang amahan.

Genesis 38:14

Pagkadungog niadto ni Tamar, giilisan niya ang iyang gisul-ob nga bisti nga alang sa balo, ug gitabonan niya ug belo ang iyang nawong. Unya milingkod siya dapit sa pultahan sa lungsod sa Enaim, sa daplin sa dalan nga paingon sa Timnah. (Gihimo niya kini tungod kay nakita niya nga ulitawo na si Shela apan wala gihapon siya ipaasawa kaniya.)

Genesis 38:5

Namabdos siya sa ikatulong higayon ug lalaki gihapon ang iyang anak ug ginganlan niya kini ug Shela. Natawo si Shela didto sa Kezib.

Genesis 46:12

Si Juda ug ang iyang mga anak nga sila si Er, Onan, Shela, Perez, ug Zera (apan si Er ug si Onan namatay didto sa Canaan). Ug ang mga anak ni Perez nga sila si Hezron ug si Hamul.

Genesis 49:8

“Ikaw Juda, dayegon ka ug tahoron sa imong mga igsoon. Pildihon mo ang imong mga kaaway.

1 Cronicas 4:21

Mao kini ang mga kaliwat ni Shela nga anak ni Juda: si Er (nga amahan ni Leca), si Laada (nga amahan ni Maresha), ang mga pamilya sa mga trabahante sa buhatanan ug lino sa Bet Ashbea,

1 Cronicas 9:4

Si Utai nga anak ni Amihud. Si Amihud anak ni Omri. Si Omri anak ni Imri. Si Imri anak ni Bani, nga kaliwat ni Perez nga anak ni Juda.

1 Cronicas 9:5

Ang pipila ka mga Silonhon: si Asaya nga mao ang kamagulangan, ug ang iyang mga anak.

Nehemias 11:24

Si Petahia nga anak ni Meshezabel, nga usa sa mga kaliwat ni Zera nga anak ni Juda, mao ang tinugyanan sa hari sa Persia sa mga butang nga adunay kalabotan sa mga katawhan sa Israel.

Nehemias 11:4

Ang ubang mga katawhan sa Juda ug Benjamin nagpuyo sa Jerusalem. Gikan sa tribo ni Juda: si Ataya nga anak ni Uzias (si Uzias anak ni Zacarias; si Zacarias anak ni Amaria; si Amaria anak ni Shefatia; ug si Shefatia anak ni Mahalalel nga gikan sa kaliwat ni Perez);

Nehemias 11:6

(Sa mga kaliwat ni Perez, 468 ka maisog nga mga lalaki ang nagpuyo sa Jerusalem.)

Numeros 26:21

Ang mga kaliwat ni Perez mao ang mga pamilya nga naggikan kanila ni Hezron ug ni Hamul.

Mateo 1:3

Si Juda ang amahan ni Perez ug ni Zera, ug anak niya sila kang Tamar. Si Perez amahan ni Hezron, si Hezron amahan ni Aram,

Lucas 3:33

si Naason anak ni Aminadab. Si Aminadab anak ni Admin, si Admin anak ni Arni. Si Arni anak ni Hezron, si Hezron anak ni Perez. Si Perez anak ni Juda,

Gipadayag 7:5

12,000 gikan sa tribo ni Juda, 12,000 gikan sa tribo ni Ruben, 12,000 gikan sa tribo ni Gad,