Numeros 25:11 - Ang Pulong sa Dios

¹¹ “Gikuha ni Pinehas nga anak ni Eleazar ug apo ni Aaron nga pari ang akong kasuko sa mga Israelinhon. Pinaagi sa iyang gihimo, gipakita niya ang iyang tinguha sa pagpanalipod sa akong dungog taliwala kanila. Busa wala ko sila hutda sa pagpamatay.

Ang Biblia 2011

¹¹ “Si Pinehas, nga anak ni Eleasar nga anak ni Aaron nga pari, nagpalayo sa akong kasuko gikan sa katawhan sa Israel kay siya nangabubho uban sa akong pangabubho taliwala nila nga tungod niana wala nako puoha ang katawhan sa Israel sa akong pagpangabubho.

Maayong Balita Biblia

¹¹ “Si Pinehas nga anak ni Eleazar nga anak ni Aaron nakapuypoy sa akong kasuko sa katawhan sa Israel kay nasuko man siya sama nga ako nasuko sa mga Israelita nga nagluib kanako. Busa wala ko hutdag patay ang katawhan sa Israel.

Ang Bag-ong Maayong Balita Biblia

¹¹ “Si Pinehas nga anak ni Eleazar nga anak ni Aaron nakapuypoy sa akong kasuko sa katawhan sa Israel kay nasuko man siya sama nga ako nasuko sa mga Israelita nga nagluib kanako. Busa wala ko hutdag patay ang katawhan sa Israel.

Numeros 25:11 Cross References

2 Samuel 21:14

Ug gipalubong niya kini sa iyang mga tawo didto sa lubnganan sa amahan ni Saulo nga si Kish, sa lungsod sa Zela sa Benjamin. Ug natuman tanan ang gimando ni David. Human niadto, gitubag sa Dios ang ilang pag-ampo alang sa ilang nasod.

1 Mga Hari 14:22

Nagpakasala ang katawhan sa Juda atubangan sa Ginoo, ug mas labaw nga nakapasuko sa Ginoo ang ilang gihimo kay sa gihimo sa ilang mga katigulangan.

Salmo 106:23

Laglagon na unta sa Dios ang iyang katawhan kon wala pa magpataliwala si Moises nga iyang alagad, ug mihangyo nga isalikway ang iyang kasuko ug dili ipadayon ang paglaglag kanila.

Salmo 106:30

Apan nagpataliwala si Pinehas, busa mihunong ang katalagman.

Salmo 106:31

Ang gihimo ni Pinehas giisip nga matarong, ug hinumdoman kini sa mga tawo hangtod sa kahangtoran.

Salmo 78:58

Gipapangabugho ug gipalagot nila ang Dios tungod sa ilang mga simbahanan diha sa habog nga mga dapit ug sa ilang mga dios-dios.

Exodo 20:5

Ayaw gayod ninyo kini alagari o simbaha, kay ako, ang Ginoo nga inyong Dios, abughoan. Dili ako gusto nga aduna kamoy lain nga simbahon. Silotan ko ang mga nakasala kanako apil ang ilang mga kaliwat hangtod sa ikatulo ug ikaupat nga henerasyon nga nagsalikway kanako.

Exodo 22:5

“Kon ang mananap sa usa ka tawo iyang gipasabsab o gibuhian sa uma o sa ubasan sa ubang tawo, kinahanglang bayran niya ang nasabsab nga tanom sa pinakamaayong klasi sa abot sa iyang uma o ubasan.

Exodo 34:14

Ayaw gayod kamo pagsimba ug laing dios kay ako, ang Ginoo, dili gusto nga adunay kamoy gisimba nga lain.

Ezequiel 16:38

Silotan ka nako sa imo nga pagpanapaw ug pagpamatay. Ug sa akong labihan nga kasuko ug pangabugho, patyon ka nako.

Nahum 1:2

Ang Ginoo abughoan ug gapanimalos nga Dios; Ang Ginoo mohimo sa panimalos ug puno sa kapungot. Ang Ginoo manimalos sa iyang mga kontra ug nagpahungaw sa iyang kasuko sa iyang mga kaaway.

Sofonias 1:18

Dili makaluwas kanila ang ilang mga pilak o mga bulawan gikan sa adlaw nga ipakita ko ang akong kapungot nga sama sa kalayo nga lamyon ang tibuok kalibotan. Tungod kay laglagon ko ang tanang nagpuyo sa kalibotan.”

Sofonias 3:8

Busa paabota ako, nag-ingon ang  Ginoo, kay adunay adlaw nga ako mobarog ug motestigo, Nakahukom ako nga tipunon ko ang kanasoran, tigumon ko ang mga gingharian ug akong ibubo ang akong kapungot diha kanila, ang tanan nga labihan kong kasuko. Ang tibuok kalibotan lamoyon sa kalayo sa nagselos kong kasuko.

Numeros 25:10

Miingon ang Ginoo kang Moises,

Juan 3:36

Ang motuo sa Anak sa Dios adunay kinabuhi nga walay kataposan. Apan ang dili motuman sa Anak sa Dios dili gayod makaangkon sa kinabuhi nga walay kataposan; magpabilin hinuon ang kapungot sa Dios kaniya.

1 Mga Taga-Corinto 10:22

Unsa, gusto ba nato nga mangabugho ang Ginoo? Nasayod kita nga kon masuko na siya, dili gayod kita makalikay sa iyang silot.

2 Mga Taga-Corinto 11:2

Kay gibati ko ang diosnon nga pangabugho kaninyo. Nahisama kamo sa usa ka dalagang putli nga akong gisaad nga ipakasal sa usa ka pamanhonon nga mao si Cristo.

Deuteronomio 29:20

Dili gayod siya pasayloon sa Ginoo. Mosilaob ang hilabihang kasuko sa Ginoo kaniya sama sa kalayo, ug mahitabo kaniya ang tanang tunglo nga nasulat niini nga libro, ug papason sa Ginoo ang iyang ngalan sa kalibotan.

Deuteronomio 32:16

Gipapangabugho nila ug gipasuko ang Ginoo sa ilang mangil-ad nga mga dios.

Deuteronomio 32:21

Gipapangabugho nila ako sa dili tinuod nga dios, ug gipasuko nila ako sa ilang mga walay pulos nga mga dios-dios. Busa papangabughoon ko usab sila pinaagi sa pagpanalangin sa ubang mga nasod. Pasuk-on ko sila pinaagi sa pagpanalangin sa buang-buang nga mga nasod.

Deuteronomio 4:24

Kay ang Ginoo nga inyong Dios sama sa kalayo nga makaugdaw. Dios siya nga igihan ug dili siya gusto nga aduna kamoy simbahon nga lain nga dios.

Josue 22:13

Gisugo sa mga Israelinhon si Pinehas nga anak ni Eleazar nga pari nga moadto sa Gilead, didto sa tribo ni Ruben, ni Gad, ug sa katunga sa tribo ni Manases.

Josue 24:19

Miingon si Josue sa mga tawo, “Dili kamo makaalagad sa Ginoo tungod kay balaan siya nga Dios ug dili niya gusto nga aduna kamoy lain nga simbahon. Dili niya palabyon ang inyong kalapasan ug mga sala.