Numeros 24:10 - Ang Pulong sa Dios

¹⁰ Tungod niini, labihang sukoa ni Balak kang Balaam. Gisumbag ni Balak ang iyang kaugalingong palad ug giingnan si Balaam, “Gipatawag ka nako aron sa pagpanghimaraot sa akong mga kaaway, apan gipanalanginan mo hinuon sila sa tulo ka higayon.

Ang Biblia 2011

¹⁰ Ug ang kasuko ni Balak misilaob batok kang Balaam, ug mipakpak siya sa iyang mga kamot ug si Balak miingon kang Balaam, “Mitawag ako kanimo aron sa pagtunglo sa akong mga kaaway, ug tan-awa, ikaw nagpanalangin kanila niining tulo ka higayon.

Maayong Balita Biblia

¹⁰ Ug misilaob ang kasuko ni Balak kang Balaam. Nagpangumo siya ug miingon kang Balaam, “Gitawag ko ikaw aron tunglohon mo ang akong mga kaaway apan imo hinuon silang gipanalanginan sa makatulo.

Ang Bag-ong Maayong Balita Biblia

¹⁰ Ug misilaob ang kasuko ni Balak kang Balaam. Nagpangumo siya ug miingon kang Balaam, “Gitawag ko ikaw aron tunglohon mo ang akong mga kaaway apan imo hinuon silang gipanalanginan sa makatulo.

Numeros 24:10 Cross References

Nehemias 13:2

kay wala nila hatagi ug pagkaon ug ilimnon ang mga Israelinhon sa paggawas nila gikan sa Ehipto. Gisuholan hinuon nila si Balaam nga tunglohon ang mga Israelinhon. Apan kadto nga tunglo gihimo sa Dios nga panalangin.

Job 27:23

Adunay mamakpak ug managhoy sa pagtamay kaniya tungod kay nahanaw na siya sa iyang pinuy-anan.”

Ezequiel 21:14

“Busa, tawo, isulti ang akong mensahe. Mopakpak ka sa pagtamay sa akong katawhan, ug mokuha kag espada ug itigbas kini sa makaduha o makatulo ka higayon ingon nga simbolo nga daghan ang mangamatay kanila sa gubat.

Ezequiel 21:17

Mopakpak usab ako sa pagtamay sa akong katawhan, ug unya mawala ang akong kasuko. Ako, ang  Ginoo, ang nag-ingon niini.”

Ezequiel 22:13

“Busa isumbag ko ang akong kumo sa akong palad sa akong kasuko kaninyo, o mga taga-Jerusalem, tungod sa inyong pagpamatay ug pagpanglimbong aron makakuwarta.

Numeros 22:11

‘Adunay mga tawo nga naggikan sa Ehipto ug labihan sila kadaghan. Busa anhi dayon dinhi ug panghimaraota sila, kay basin pa diay ug mapildi ko sila ug maabog palayo.’ ”

Numeros 22:17

Suholan ko gayod ikaw ug buhaton ko bisan unsay imong isulti. Palihog, anhi dinhi ug panghimaraota kining mga tawhana alang kanako.’ ”

Numeros 22:6

Busa anhi dayon dinhi ug panghimaraota kining mga tawhana kay mas gamhanan sila kay kanamo. Basin pag mapildi ko sila ug maabog gikan sa akong yuta. Kay nasayod ako nga si bisan kinsa nga panalanginan mo mapanalanginan, ug ang panghimaraoton mo mahimaraot.”

Numeros 23:11

Miingon si Balak kang Balaam, “Unsa kining gihimo mo kanako? Gipakuha ka nako aron sa pagpanghimaraot sa akong mga kaaway apan imo hinuon silang gipanalanginan!”

Numeros 24:11

Karon, pauli dayon! Miingon ako nga suholan ko gayod ikaw, apan dili motugot ang Ginoo nga maangkon mo ang suhol.”

Numeros 24:9

Sama sila sa mga liyon nga kon nakatulog na walay mangahas sa pagpukaw kanila. Panalanginan ang nagpanalangin kanila ug panghimaraoton ang mga nagpanghimaraot kanila.”

Mga Buhat 11:10

Nahitabo kini sa makatulo, ug pagkahuman gibira kadto balik ngadto sa langit.

Deuteronomio 23:6

Samtang buhi pa kamo, ayaw gayod kamo pagtabang sa mga Amonihanon o Moabihanon sa bisan unsa nga paagi.