Numeros 22:23 - Ang Pulong sa Dios

²³ Pagkakita sa asno nga nagtindog ang anghel sa Ginoo nga naggunit ug espada diha sa dalan, mitipas kini ug mipaingon sa uma. Busa gibunalan kini ni Balaam aron mobalik sa dalan.

Ang Biblia 2011

²³ Unya ang asno nakakita sa anghel sa Ginoo nga diha sa dalan, nagkupot ug espada diha sa iyang kamot ug ang asno mitipas sa dalan ug miadto sa uma. Busa gibunalan ni Balaam ang asno aron sa pagpabalik niini sa dalan.

Maayong Balita Biblia

²³ Ug nakita sa asno ang anghel sa Ginoo nga nagbarog taliwala sa dalan nga naggunit ug espada. Busa ang asno mitipas sa dalan ug mipaingon sa uma. Ug gilatos ni Balaam ang asno aron mobalik sa dalan.

Ang Bag-ong Maayong Balita Biblia

²³ Ug nakita sa asno ang anghel sa Ginoo nga nagbarog taliwala sa dalan nga naggunit ug espada. Busa ang asno mitipas sa dalan ug mipaingon sa uma. Ug gilatos ni Balaam ang asno aron mobalik sa dalan.

Numeros 22:23 Cross References

2 Mga Hari 6:17

Unya nag-ampo si Eliseo, “Ginoo, ablihi ang iyang mga mata aron makakita siya.” Giablihan sa Ginoo ang mga mata sa sulugoon, ug nakita niya ang kabungtoran sa palibot ni Eliseo nga puno sa mga kabayo ug mga karwahi nga kalayo.

1 Cronicas 21:16

Mihangad si David ug nakita niya ang anghel sa Ginoo nga nagtindog tunga-tunga sa langit ug sa yuta. Adunay gikuptan kini nga espada nga gipunting sa Jerusalem. Unya mihapa si David ug ang mga tigdumala sa Israel nga nagbistig sako sa pagpakita sa ilang pagsubo.

Jeremias 8:7

Ang talabon, ang salampati, ang sayaw, ug ang lapay nahibalo kon kanus-a mobalhin ngadto sa ubang mga dapit ug kanus-a sila mobalik, apan kamong akong mga katawhan wala mahibalo sa akong kasugoan.

Daniel 10:7

Ako lang gayod ang nakakita niadto nga panan-awon. Ang akong mga kauban wala makakita, apan nanagan sila ug nanago tungod sa kahadlok.

Numeros 22:22

uban sa iyang duha ka sulugoon. Apan samtang naglakaw si Balaam sakay sa iyang asno, nasuko pag-ayo ang Dios, busa gibabagan siya sa anghel sa Ginoo diha sa dalan.

Numeros 22:24

Unya mibarog ang anghel sa Ginoo sa sigpit nga dalan taliwala sa paril sa duha ka ubasan.

Mga Buhat 22:9

Nakita sa akong mga kauban kadtong kahayag, apan wala sila makadungog sa tingog nga nakigsulti kanako.

Josue 5:13

Samtang didto si Josue duol sa Jerico, aduna siyay nakitang tawo nga nagtindog sa iyang atubangan nga nagkupot ug espada. Gipangutana siya ni Josue, “Kaabin ka ba namo o kaaway?”

2 Pedro 2:16

Ug tungod kay gilapas niya ang sugo sa Dios, gibadlong siya pinaagi sa asno nga misulti sama sa tawo, busa napugngan siya sa iya untang binuang nga buhaton.

Judas 1:11

Alaot sila! Kay gisunod nila ang batasan ni Cain. Ug gisunod usab nila si Balaam, kay bisan nasayran nila nga daotan ang ilang gibuhat nagpadayon pa gihapon sila tungod sa ilang kahakog sa kuwarta. Sama usab sila kang Kora nga nagrebelde sa Dios, busa silotan usab sila sama kaniya.