Numeros 21:29 - Ang Pulong sa Dios

²⁹ Makaluluoy kamong mga taga-Moab! Alaot kamong mga nagsimba sa dios-dios nga si Kemosh! Kamong iyang mga anak gipasagdan niya nga mabihag ni Sihon nga hari sa mga Amorihanon.

Ang Biblia 2011

²⁹ Alaot ikaw, O Moab! Ikaw nalaglag, O katawhan sa Kemos! Siya naghimo sa iyang mga anak nga lalaki nga mga kagiw ug sa iyang mga anak nga babaye nga mga binihag ngadto kang Sihon nga hari sa mga Amorihanon.

Maayong Balita Biblia

²⁹ Alaot ka, Moab! Malaglag kamo, katawhan nga nagsimba kang Camos! Gihimo niyang nagtagotago ang iyang mga anak nga lalaki, Ug ang iyang mga anak nga babaye gibihag sa haring Amorihanon nga si Sihon.

Ang Bag-ong Maayong Balita Biblia

²⁹ Alaot ka, Moab! Malaglag kamo, katawhan nga nagsimba kang Camos! Gihimo niyang nagtagotago ang iyang mga anak nga lalaki, Ug ang iyang mga anak nga babaye gibihag sa haring Amorihanon nga si Sihon.

Numeros 21:29 Cross References

1 Mga Hari 11:33

Himuon ko kini tungod kay gisalikway niya ako ug gisimba si Ashtarot, ang diosa sa mga Sidonhon, si Kemosh, ang dios sa mga Moabihanon, ug si Molec, ang dios sa mga Amonihanon. Wala siya mosunod sa akong mga pamaagi ug wala siya magkinabuhi nga matarong sa akong atubangan. Wala siya motuman sa akong mga tulomanon ug mga sugo; dili sama sa iyang amahan nga si David.

1 Mga Hari 11:7

Nagpahimo si Solomon ug simbahanan diha sa habog nga dapit, sa sidlakang bahin sa Jerusalem alang kang Kemosh, ang ngil-ad nga dios sa mga Moabihanon, ug alang kang Molec, ang ngil-ad nga dios sa mga Amonihanon.

2 Mga Hari 23:13

Gipaguba usab niya ang mga simbahanan diha sa habog nga mga dapit sa sidlakan sa Jerusalem ug sa habagatan sa Bukid sa Kadaotan. Kini nga mga simbahanan gipahimo ni Solomon nga hari sa Israel alang kang Ashtarot, ang mangil-ad nga diosa sa mga Sidonhon, ug alang kang Kemosh, ang ngil-ad nga dios sa mga Moabihanon, ug alang kang Molec, ang ngil-ad nga dios sa mga Amonihanon.

Isaias 15:5

Naluoy gayod ako sa Moab. Miikyas ang iyang mga katawhan ngadto sa Zoar ug sa Eglat Shelishiya. Naghilak sila nga mitungas sa Luhit. Ang uban kanila naniyabaw samtang nagpaingon sa Horonaim tungod sa ilang gidangatan.

Isaias 16:2

Ang mga babaye nga taga-Moab nga atua sa tabokanan sa Arnon sama sa mga langgam nga giabog gikan sa ilang mga salag.

Jeremias 48:13

Unya ikaulaw sa Moab ang ilang dios-dios nga si Kemosh, maingon nga gikaulaw sa katawhan sa Israel ang Betel nga ilang gisaligan.

Jeremias 48:45

“Ang makaluluoy nga nakaikyas gustong manago sa Hesbon. Apan ang Hesbon nga gidumala kanhi ni Haring Sihon nagdilaab. Gilamoy sa kalayo ang mga bukid diin nagtago ang mga taga-Moab nga hilig makig-away.

Jeremias 48:46

Alaot gayod kamo, mga taga-Moab! Malaglag kamong nagsimba sa dios-dios nga si Kemosh, ug pamihagon ang inyong mga kabataan.

Jeremias 48:7

Kamo nga mga taga-Moab, nagsalig kamo sa inyong abilidad ug bahandi. Bihagon kamo apil ang inyong dios-dios nga si Kemosh ug ang iyang mga pari ug mga opisyal.

Numeros 24:17

“Adunay nakita ako sa akong panan-awon nga wala pa nahitabo. Sa umaabot adunay maghari sa Israel nga gikan sa kaliwat ni Jacob. Laglagon niya ang mga Moabihanon ug ang tanang kaliwat ni Set.

Mga Maghuhukom 11:24

Angkona ninyo ang gihatag kaninyo ni Kemosh nga inyong dios. Ug angkonon usab namo ang tanang gihatag kanamo sa Ginoo nga among Dios.