Numeros 21:25 - Ang Pulong sa Dios

²⁵ Busa nailog sa mga Israelinhon ang tanang mga lungsod sa mga Amorihanon ug gipuy-an nila kini, lakip ang Hesbon ug ang tanang mga baryo nga sakop niini.

Ang Biblia 2011

²⁵ Ug ang Israel mikuha niining tanang mga lungsod ug ang Israel mipuyo diha sa tanang mga siyudad sa mga Amorihanon, didto sa Hesbon ug sa tanang mga balangay niini.

Maayong Balita Biblia

²⁵ Giilog sa Israel ang tanang siyudad sa mga Amorihanon lakip ang Hesbon ug ang tanang balangay niini ug didto na sila mamuyo.

Ang Bag-ong Maayong Balita Biblia

²⁵ Giilog sa Israel ang tanang siyudad sa mga Amorihanon lakip ang Hesbon ug ang tanang balangay niini ug didto na sila mamuyo.

Numeros 21:25 Cross References

Awit sa mga Awit 7:4

Ang imong liog daw tore nga hinimo gikan sa mga bangkil sa elepante. Ang imong mga mata sama katin-aw sa kaligoanan sa Hesbon, sa may pultahan sa Bet Rabim. Ang imong ilong daw ang bantayanang tore sa Lebanon nga nag-atubang sa Damasco.

Isaias 15:4

Nanghilak ang mga taga-Hesbon ug ang mga taga-Eleale, ug madunggan kini hangtod sa Jahaz. Busa ang mga sundalo sa Moab naninggit sa kahadlok.

Jeremias 48:2

Dili na dayegon ang Moab. Didto sa Hesbon, nagplano ang kaaway sa paglaglag sa Moab. Miingon sila, ‘Dali! Laglagon ta ang Moab.’ Ang lungsod sa Madmen sulongon usab sa mga kaaway ug mahimong awaaw.

Jeremias 48:34

“Ang pagtiyabaw madunggan gikan sa taga-Hesbon hangtod sa Eleale ug sa Jahaz. Madungog usab kini sa Zoar hangtod sa Horonaim ug Eglat Shelishiya. Kay bisan ang sapa sa Nimrim mahubsan.

Jeremias 48:45

“Ang makaluluoy nga nakaikyas gustong manago sa Hesbon. Apan ang Hesbon nga gidumala kanhi ni Haring Sihon nagdilaab. Gilamoy sa kalayo ang mga bukid diin nagtago ang mga taga-Moab nga hilig makig-away.

Ezequiel 16:46

Ang magulang mo nga babaye mao ang Samaria nga anaa nagpuyo sa amihan uban sa iyang mga anak nga babaye. Ang imo nga manghod nga babaye mao ang Sodoma nga anaa nagpuyo sa habagatan uban sa iyang mga anak nga babaye.

Ezequiel 16:49

Ang sala sa Sodoma nga imo nga igsoon mao ang pagkamapahitas-on. Siya ug ang iyang mga anak nga babaye abunda sa pagkaon ug hayahay ang panginabuhi, apan wala gayod niya tabangi ang mga pubri ug timawa.

Ezequiel 16:53

Apan moabot ang panahon nga pauswagon ko pag-usab ang Sodoma ug ang Samaria, apil ang ilang mga anak nga babaye. Ug ikaw pauswagon ko pag-usab apan uban kanila,

Amos 2:10

Gipagawas ko usab ang mga katigulangan sa mga Israelinhon gikan sa Ehipto, ug sulod sa 40 ka tuig gigiyahan ko sila didto sa disyerto aron mapanag-iya nila ang yuta sa mga Amorihanon.”

Numeros 21:26

Kining Hesbon kaniadto maoy nag-unang lungsod ni Sihon, ang hari sa mga Amorihanon. Gipildi niya kaniadto ang usa ka hari sa Moab ug giilog niya ang tanang kayutaan niini kutob sa Arnon.

Numeros 21:31

Busa mipuyo ang mga Israelinhon sa yuta sa mga Amorihanon.

Numeros 32:3

“Ang Atarot, Dibon, Jazer, Nimra, Hesbon, Eleale, Sebam, Nebo, ug Beon,

Deuteronomio 2:12

Kaniadto nagpuyo ang mga Horihanon sa Seir, apan giabog sila sa mga kaliwat ni Esau nga mipuli kanila sa pagpuyo didto, sama sa gihimo sa mga Israelinhon ngadto sa mga Canaanhon sa yuta nga gihatag sa Ginoo kanila.)

Josue 24:8

“ ‘Unya, gidala ko kamo ngadto sa yuta sa mga Amorihanon sa sidlakang bahin sa Suba sa Jordan. Nakig-gira sila kaninyo, apan gipadaog ko kamo. Gipalaglag ko sila sa inyo ug nasakop ninyo ang ilang kayutaan.

Mga Maghuhukom 11:26

Mga 300 na ka tuig nga nagpuyo ang mga Israelinhon sa Hesbon, Aroer, ug sa mga lungsod libot niini, ug sa mga lungsod sa daplin sa Suba sa Arnon. Nganong karon lang kamo nakahuna-huna sa pagkuha niini?