Numeros 18:19 - Ang Pulong sa Dios

¹⁹ Oo, gihatag ko kaninyo kining tanang mga balaang halad nga binayaw sa mga Israelinhon kanako. Alang kini kanimo ug sa imong mga kaliwat ingon nga inyong bahin hangtod sa kahangtoran. Kini ang kasabotan ko kanimo ug sa imong mga kaliwat ug dili kini mausab bisan kanus-a.”

Ang Biblia 2011

¹⁹ Ang tanang balaang halad nga gihalad sa katawhan sa Israel ngadto sa Ginoo, akong gihatag kanimo ug sa imong mga anak nga lalaki ug sa imong mga anak nga babaye uban kanimo, ingon nga bahin hangtod sa kahangtoran. Kini usa ka kasabotan sa asin hangtod sa kahangtoran sa atubangan sa Ginoo alang kanimo ug alang sa imong kaliwatan uban kanimo.”

Maayong Balita Biblia

¹⁹ Ihatag ko kanimo ug sa imong mga anak ingon nga walay kataposan nga gasa ang tanang balaang halad nga ihalad sa mga Israelita ngadto sa Ginoo. Usa kini ka kasabotan nga dili mausab hangtod sa hangtod alang kaninyo ug sa inyong kaliwat.”

Ang Bag-ong Maayong Balita Biblia

¹⁹ Ihatag ko kanimo ug sa imong mga anak ingon nga walay kataposan nga gasa ang tanang balaang halad nga ihalad sa mga Israelita ngadto sa Ginoo. Usa kini ka kasabotan nga dili mausab hangtod sa hangtod alang kaninyo ug sa inyong kaliwat.”

Numeros 18:19 Cross References

2 Mga Hari 12:16

Ang kuwarta nga gihatag isip halad nga bayad sa sala ug mga halad aron mahimong hinlo ang tawo, wala dad-a ngadto sa Templo sa Ginoo kay alang kadto sa mga pari.

2 Cronicas 13:5

Wala ba kamo makahibalo nga ang Ginoo, nga Dios sa Israel, naghimog walay kataposan nga kasabotan kang David nga siya ug ang iyang mga kaliwat mao ang maghari sa Israel hangtod sa kahangtoran?

2 Cronicas 31:4

Gimandoan usab niya ang mga taga-Jerusalem sa paghatag sa bahin sa mga pari ug sa mga Levita, aron ikahatag nila ang ilang tibuok panahon sa pag-alagad sa kasugoan sa Ginoo.

Exodo 29:27

“Idedikar kanako ang mga bahin sa karnero nga halad alang sa pag-ordina kang Aaron ug sa iyang mga anak nga lalaki, lakip na niini ang dughan ug paa nga gibayaw kanako.

Ezequiel 43:24

ug ihalad mo kini sa presensya sa Ginoo. Wisikan kini sa mga pari ug asin ug ihalad nila kini sa Ginoo isip halad nga sinunog.

Levitico 2:13

Asini ang tanan ninyong halad sa pagpasidungog sa Ginoo, kay ang asin simbolo sa inyong walay kataposan nga kasabotan sa Dios. Asini ninyo ang tanang mga halad.

Levitico 7:14

Maghalad siya ug usa sa matag klasi niini nga mga pan isip gasa sa Ginoo. Iya na kini sa pari nga nagsablig sa dugo sa halad alang sa pakigda-it.

Numeros 18:11

Inyo usab ang mga binayaw nga halad sa mga Israelinhon. Gihatag ko kini kanimo ug sa imong kaliwat isip inyong bahin hangtod sa kahangtoran. Makakaon niini si bisan kinsa sa imong pamilya nga hinlo.

Numeros 18:8

Unya miingon ang Ginoo kang Aaron, “Ako mismo ang nagpili kanimo nga magdumala sa balaan nga mga halad nga ginahalad sa mga Israelinhon kanako. Gihatag ko kini kanimo ug sa imong mga anak nga lalaki ingon nga inyong bahin, karon ug hangtod sa kahangtoran.

Numeros 31:29

Kuhaa kini ug ihatag kang Eleazar nga pari ingon nga bahin sa Ginoo.

Numeros 31:41

Gihatag ni Moises kang Eleazar nga pari ang bahin sa Ginoo sumala sa gisugo kaniya sa Ginoo.

Deuteronomio 12:26

“Dad-a ninyo sa dapit nga pilion sa Ginoo ang inyong balaang mga halad ug ang mga halad nga inyong gisaad kaniya.

Deuteronomio 12:6

Didto ninyo dad-a ang inyong mga halad nga sinunog ug uban pang mga halad, ang inyong ikapulo, ang inyong mga gasa, ang inyong gisaad nga mga ihalad, ang inyong kabubut-ong mga halad, ug ang kamagulangan sa inyong mga kahayopan.