Numeros 16:47 - Ang Pulong sa Dios

⁴⁷ Busa gituman ni Aaron ang gisugo ni Moises, ug midagan siya ngadto sa taliwala sa katilingban. Nagsugod na ang katalagman diha sa mga tawo, apan gihalad gihapon ni Aaron ang insenso aron mapasaylo ang mga tawo.

Ang Biblia 2011

⁴⁷ Ug gikuha kini ni Aaron sumala sa gisulti ni Moises ug midagan ngadto sa taliwala sa katilingban. Unya ang kamatay misugod na sa taliwala sa katawhan, ug gibutang niya ang insenso ug naghimo ug pagtabon sa sala alang sa katawhan.

Maayong Balita Biblia

⁴⁷ Busa gidala kini ni Aaron sumala sa giingon ni Moises ug midagan siya ngadto sa katawhan. Nagbutang siyag insenso ug naghimog seremonyas alang sa pagpapas sa sala sa katawhan.

Ang Bag-ong Maayong Balita Biblia

⁴⁷ Busa gidala kini ni Aaron sumala sa giingon ni Moises ug midagan siya ngadto sa katawhan. Nagbutang siyag insenso ug naghimog seremonyas alang sa pagpapas sa sala sa katawhan.

Numeros 16:47 Cross References

Salmo 106:29

Gipalagot nila ang  Ginoo tungod sa ilang daotang mga binuhatan, busa miabot kanila ang katalagman.

Numeros 16:46

Unya miingon si Moises kang Aaron, “Kuhaa ang imong sudlanan sa insenso ug butangi kinig insenso ug baga gikan sa halaran. Ug adto dayon sa katilingban ug paghalad sa Ginoo aron maluwas sila sa ilang mga sala, kay nasuko na ang Ginoo ug nagsugod na ang katalagman.”

Numeros 16:48

Mibarog siya sa tunga-tunga sa mga tawong nangamatay ug sa mga buhi, dayon miundang ang katalagman.

Numeros 25:13

Ug niini nga kasabotan, siya ug ang iyang mga kaliwat magpabilin nga pari hangtod sa kahangtoran, kay gipakita niya ang iyang tinguha sa pagtahod kanako ug gihinloan niya ang mga Israelinhon gikan sa ilang mga sala.”

Mateo 5:44

Apan ako moingon kaninyo nga higugmaa ninyo ang inyong mga kaaway, ug i-ampo ninyo bisan pa ang mga naglutos kaninyo.

Roma 12:21

Ayaw kamo pagpadaog sa daotan, kondili daoga ninyo ang daotan pinaagi sa paghimo ug maayo.