Numeros 16:14 - Ang Pulong sa Dios

¹⁴ Gawas pa niana, wala mo kami dad-a sa yuta nga maayo ug mabungahon, o hatagig mga uma o ubasan nga among panag-iyahon. Karon, gusto mo pa gayod kaming tontohon? Dili kami moanha kanimo!”

Ang Biblia 2011

¹⁴ Dugang pa niini, ikaw wala magdala kanamo ngadto sa yuta diin nag-agas ang gatas ug dugos o maghatag kanamo ug panulondon nga kaumahan ug kaparasan. Palugwaon ba nimo ang mga mata niining mga tawhana? Dili kami mangadto.”

Maayong Balita Biblia

¹⁴ Dugang pa, wala mo kami dad-a sa yuta nga tabunok kaayo o gihatagan ba hinuon ug kaumahan ug kaparasan. Buot pa ba gayod nimo kaming limbongan? Dili kami moadto.”

Ang Bag-ong Maayong Balita Biblia

¹⁴ Dugang pa, wala mo kami dad-a sa yuta nga tabunok kaayo o gihatagan ba hinuon ug kaumahan ug kaparasan. Buot pa ba gayod nimo kaming limbongan? Dili kami moadto.”

Numeros 16:14 Cross References

Exodo 22:5

“Kon ang mananap sa usa ka tawo iyang gipasabsab o gibuhian sa uma o sa ubasan sa ubang tawo, kinahanglang bayran niya ang nasabsab nga tanom sa pinakamaayong klasi sa abot sa iyang uma o ubasan.

Exodo 23:10

“Sulod sa unom ka tuig makatanom kamo diha sa inyong yuta ug makaani sa abot niini.

Exodo 23:11

Apan sa ikapitong tuig ayaw ninyo kinig tamni. Kon adunay motubo nga tanom, pasagdi ninyo ang mga kabos nga manguha sa ilang pagkaon gikan niini, ug ang mahibilin ipakaon sa mga ihalas nga mananap. Mao usab kini ang inyong himuon sa inyong mga ubasan ug mga olibo.

Exodo 3:17

Nagsaad ako nga pagawason ko kamo gikan sa Ehipto diin nag-antos kamo, ug dalhon ngadto sa yuta nga maayo ug mabungahon, ang yuta nga gipuy-an sa mga Canaanhon, Hitihanon, Amorihanon, Perisihanon, Hibihanon, ug mga Jebusihanon.’

Exodo 3:8

Busa minaog ako sa pagluwas kanila gikan sa kamot sa mga Ehiptohanon, ug sa pagdala kanila ngadto sa maayo, lapad, ug mabungahon nga yuta, nga ginapuy-an karon sa mga Canaanhon, Hitihanon, Amorihanon, Perisihanon, Hibihanon, ug mga Jebusihanon.

Levitico 20:24

Sumala sa giingon ko kaninyo, mainyo ang ilang yuta. Ihatag ko kaninyo kining maayo ug mabungahon nga yuta aron inyong panag-iyahon. Ako ang Ginoo nga inyong Dios nga naglain kaninyo gikan sa ubang mga katawhan.

Numeros 13:27

Miingon sila kang Moises, “Nangadto kami sa dapit nga gipaadtoan mo kanamo, ug maayo kini ug mabungahon nga yuta. Ania ang mga prutas.

Numeros 14:8

Kon nalipay ang Ginoo kanato, dad-on niya kita niana nga yuta, ang maayo ug mabungahon nga yuta, ug ihatag niya kini kanato.

Numeros 20:5

Nganong gipagawas mo kami gikan sa Ehipto ug gidala niining walay pulos nga dapit diin walay trigo, igos, ubas o pomegranata; ug wala pa gayoy tubig nga mainom?”

Mga Maghuhukom 16:21

Gidakop siya sa mga Filistihanon ug gilugit ang iyang mga mata. Unya gidala nila siya sa Gaza, gikadenahan ug bronsi, ug gipatrabaho sa galingan sa prisohan.

1 Samuel 11:2

Apan mitubag si Nahash, “Mohimo lang ako ug kasabotan uban kaninyo sa usa ka kondisyon: lukaton ko ang tuong mata sa kada usa kaninyo aron maulawan ang tibuok Israel.”