Numeros 14:43 - Ang Pulong sa Dios

⁴³ Sa higayon nga makig-gira kamo sa mga Canaanhon ug sa mga Amalekanhon, mangamatay kamo. Dili mouban kaninyo ang Ginoo tungod sa pagsalikway ninyo kaniya.”

Ang Biblia 2011

⁴³ Kay ang mga Amalekanhon ug ang mga Canaanhon anaa sa atubangan ninyo ug mangapukan kamo sa espada tungod kay mitalikod kamo gikan sa pagsunod sa Ginoo, busa ang Ginoo dili mag-uban kaninyo.”

Maayong Balita Biblia

⁴³ Kay didto ang mga Amalekanhon ug ang mga Canaanhon makig-away kaninyo ug mangamatay kamo sa ilang espada kay wala na man kamo mosunod sa Ginoo. Busa ang Ginoo dili mouban kaninyo.”

Ang Bag-ong Maayong Balita Biblia

⁴³ Kay didto ang mga Amalekanhon ug ang mga Canaanhon makig-away kaninyo ug mangamatay kamo sa ilang espada kay wala na man kamo mosunod sa Ginoo. Busa ang Ginoo dili mouban kaninyo.”

Numeros 14:43 Cross References

1 Cronicas 28:9

“Ug ikaw, Solomon nga akong anak, ilha ug alagari ang Dios sa imong amahan sa tibuok mong kasing-kasing ug huna-huna, kay nakita sa Ginoo ang matag kasing-kasing ug nahibalo siya sa atong motibo ug huna-huna. Kon modangop ka kaniya, tabangan ka niya; apan kon mobiya ka kaniya, isalikway ka niya hangtod sa kahangtoran.

2 Cronicas 15:2

Nakigkita siya kang Asa ug miingon kaniya, “Pamatia ninyo ako Haring Asa, ug kamong tanan nga taga-Juda ug taga-Benjamin. Magpabilin ang Ginoo uban kaninyo kon magpabilin kamo kaniya. Kon modangop kamo kaniya, tabangan niya kamo. Apan kon talikdan ninyo siya, talikdan usab niya kamo.

Salmo 44:10

Gipaatras mo kami gikan sa among mga kaaway. Ug gipang-ilog nila ang among mga kabtangan.

Isaias 63:10

Apan nagmasinupakon sila ug gipasubo nila ang iyang Balaang Espiritu. Busa gikontra sila sa Ginoo, ug nahimo siyang ilang kaaway.

Oseas 9:12

Bisan pa ug makapanganak sila, kuhaon ko ang tanan nilang mga anak ug magsubo kamo. Alaot gayod kamo kon biyaan ko na kamo.

Levitico 26:17

Kapungtan ko kamo aron nga mapildi kamo sa inyong mga kaaway ug sila na ang modumala kaninyo. Tungod sa inyong kataranta moikyas kamo bisan ug walay naggukod kaninyo.

Numeros 13:29

Ang mga Amalekanhon nagpuyo sa Negev; ang mga Hitihanon, mga Jebusihanon, ug ang mga Amorihanon nagpuyo sa bukid; ug ang mga Canaanhon nagpuyo duol sa dagat ug sa daplin sa Walog sa Jordan.”

Numeros 14:25

Tungod kay anaa ang mga Canaanhon ug mga Amalekanhon magpuyo taliwala sa mga bukid, pamalik kamo ugma sa kamingawan, ngadto sa dalan paingon sa Pulang Dagat.”

Numeros 14:42

Ayaw kamo paglakaw kay ang Ginoo wala mag-uban kaninyo. Mapildi lang kamo sa inyong mga kaaway.

Numeros 14:44

Apan nangadto gihapon sila sa kabukiran sa Canaan bisan wala mouban kanila si Moises ug ang Sudlanan sa Kasabotan sa Ginoo.

Deuteronomio 28:25

“Ipapildi kamo sa Ginoo sa inyong mga kaaway. Mag-usa kamong mosulong kanila, apan magkatibulaag kamo nga moikyas gikan kanila. Kangil-aran kamo sa tanang gingharian sa kalibotan.

Josue 22:15

Pag-abot nila sa Gilead, miingon sila sa tribo ni Ruben, ni Gad, ug sa katunga sa tribo ni Manases,

Josue 7:12

Mao kini ang hinungdan kon nganong dili sila makasukol sa ilang mga kaaway. Nanibog sila sa ilang mga kaaway tungod kay sila mismo laglagon ingon nga halad nga hingpit alang kanako. Dili na ako mouban kaninyo hangtod dili ninyo laglagon ang mga butang nga gihalad na sa hingpit kanako.

Mga Maghuhukom 16:20

Misinggit si Delilah, “Samson! Adunay mga Filistihanon nga naabot sa pagdakop kanimo!” Pagmata ni Samson abi niyag makabuhi ra gihapon siya sama sa una. Apan wala siya masayod nga mibiya na kaniya ang Ginoo.