Numeros 14:42 - Ang Pulong sa Dios

⁴² Ayaw kamo paglakaw kay ang Ginoo wala mag-uban kaninyo. Mapildi lang kamo sa inyong mga kaaway.

Ang Biblia 2011

⁴² Ayaw kamo pagtungas, kay ang Ginoo dili mag-uban kaninyo, aron dili kamo patyon sa atubangan sa inyong mga kaaway.

Maayong Balita Biblia

⁴² Ayaw kamo pagsulong kay pildihon gayod kamo sa inyong mga kaaway kay dili man kamo ubanan sa Ginoo.

Ang Bag-ong Maayong Balita Biblia

⁴² Ayaw kamo pagsulong kay pildihon gayod kamo sa inyong mga kaaway kay dili man kamo ubanan sa Ginoo.

Numeros 14:42 Cross References

2 Cronicas 15:2

Nakigkita siya kang Asa ug miingon kaniya, “Pamatia ninyo ako Haring Asa, ug kamong tanan nga taga-Juda ug taga-Benjamin. Magpabilin ang Ginoo uban kaninyo kon magpabilin kamo kaniya. Kon modangop kamo kaniya, tabangan niya kamo. Apan kon talikdan ninyo siya, talikdan usab niya kamo.

Salmo 89:43

Gihimo mong walay pulos ang iyang mga hinagiban ug gipapildi mo siya sa gira.

Numeros 14:43

Sa higayon nga makig-gira kamo sa mga Canaanhon ug sa mga Amalekanhon, mangamatay kamo. Dili mouban kaninyo ang Ginoo tungod sa pagsalikway ninyo kaniya.”

Deuteronomio 1:42

Apan miingon ang Ginoo kanako, “Ingna sila nga dili mosulong ug makig-gira, tungod kay dili ako mouban kanila. Mapildi sila sa ilang mga kaaway.”

Deuteronomio 31:17

Nianang adlawa masuko ako pag-ayo kanila ug isalikway ko sila. Talikdan ko sila ug malaglag sila. Daghang mga katalagman ug mga kalisdanan ang moabot kanila, ug nianang higayona mangutana sila, ‘Miabot ba kanato kini nga mga katalagman tungod kay ang Dios wala na mag-uban kanato?’

Josue 7:12

Mao kini ang hinungdan kon nganong dili sila makasukol sa ilang mga kaaway. Nanibog sila sa ilang mga kaaway tungod kay sila mismo laglagon ingon nga halad nga hingpit alang kanako. Dili na ako mouban kaninyo hangtod dili ninyo laglagon ang mga butang nga gihalad na sa hingpit kanako.

Josue 7:8

O Ginoo, unsa na may akong isulti karon nga misibog man ang mga Israelinhon sa ilang mga kaaway?

Mga Maghuhukom 16:20

Misinggit si Delilah, “Samson! Adunay mga Filistihanon nga naabot sa pagdakop kanimo!” Pagmata ni Samson abi niyag makabuhi ra gihapon siya sama sa una. Apan wala siya masayod nga mibiya na kaniya ang Ginoo.