Numeros 14:34 - Ang Pulong sa Dios

³⁴ Ang mga tawong nangispiya sa yuta nagpabilin didto sulod sa 40 ka adlaw, busa sulod sa 40 ka tuig, ka tuig sa matag adlaw nga nagpabilin sila didto, mag-antos kamo tungod sa inyong mga sala, aron masayran ninyo kon unsa ako masuko kaninyo.

Ang Biblia 2011

³⁴ Sumala sa gidaghanon sa mga adlaw sa inyong pagpaniid sa yuta: 40 ka adlaw, usa ka adlaw tumbas sa usa ka tuig, kamo magpas-an sa inyong pagkadaotan sulod sa 40 ka tuig, ug mailhan ninyo ang akong kapungot.’

Maayong Balita Biblia

³⁴ Sumala sa gidugayon sa inyong pagpangespiya niadtong yutaa nga 40 ka adlaw, 40 usab ka tuig nga mag-antos kamo sa inyong kasal-anan. Sa ato pa, usa ka tuig alang sa matag adlaw ug sa ingon masayran ninyo unsay kahulogan kon ako batok kaninyo!

Ang Bag-ong Maayong Balita Biblia

³⁴ Sumala sa gidugayon sa inyong pagpangespiya niadtong yutaa nga 40 ka adlaw, 40 usab ka tuig nga mag-antos kamo sa inyong kasal-anan. Sa ato pa, usa ka tuig alang sa matag adlaw ug sa ingon masayran ninyo unsay kahulogan kon ako batok kaninyo!

Numeros 14:34 Cross References

1 Mga Hari 8:56

“Dalaygon ang Ginoo nga naghatag ug kapahulayan sa iyang katawhan nga mga Israelinhon sumala sa iyang gisaad. Gituman gayod niya ang tanang gisaad niya kang Moises nga iyang alagad.

2 Cronicas 36:21

Busa natuman ang giingon sa Ginoo pinaagi kang Propeta Jeremias nga mahimong awaaw ang yuta ug makapahulay kini sulod sa 70 ka tuig.

Salmo 105:42

Gihimo kining tanan sa Dios kay wala niya kalimti ang iyang saad kang Abraham nga iyang alagad.

Salmo 38:4

Daw sa malumos na ako sa akong mga sala; sama kini sa mabug-at nga palas-anon nga dili ko madaog.

Salmo 77:8

Nawala na ba gayod ang iyang paghigugma kanako? Dili na ba gayod niya tumanon ang iyang saad?

Salmo 95:10

Sulod sa 40 ka tuig nasuko gayod ako niadto nga henerasyon. Ug miingon ako nga sila katawhan nga nahisalaag ug wala magsunod sa akong gitudlo kanila.

Ezequiel 14:10

Managsamang silotan ang propeta ug ang tawo nga nangayo kaniya ug mensahe.

Ezequiel 23:35

“Ug tungod kay gikalimtan mo ako ug gitalikdan, ako, ang Ginoong Dios, nag-ingon nga mag-antos ka gayod tungod sa imo nga law-ay nga binuhatan nga mao ang pagbaligya sa imo nga dungog.”

Ezequiel 4:5

Ang usa ka adlaw nagrepresentar ug usa ka tuig. Busa sulod sa 390 ka adlaw pas-anon mo ang ilang mga sala.

Ezequiel 4:6

Pagkahuman, motakilid ka sa tuo ug pas-ana na usab ang sala sa katawhan sa Juda sulod sa 40 ka adlaw; ang usa ka adlaw nagrepresentar gihapon sa usa ka tuig.

Daniel 9:24

“490 ka tuig ang gitagal sa Dios alang sa balaan nga siyudad ug sa imong mga katagilungsod aron sa pag-undang sa ilang pagrebelde ug pagpakasala, aron mahinloan sila gikan sa ilang mga sala, aron mapatunhay sa Dios ang katarong hangtod sa kataposan, aron matuman ang panan-awon ug panagna, ug aron mahalad pag-usab ang Templo sa Dios.

Oseas 9:12

Bisan pa ug makapanganak sila, kuhaon ko ang tanan nilang mga anak ug magsubo kamo. Alaot gayod kamo kon biyaan ko na kamo.

Levitico 20:19

“ ‘Kon ang usa ka lalaki makighilawas sa iyang iyaan, gipakaulawan niya ang iyang iyaan. Silang duha aduna may tulubagon sa ilang gihimo.

Zacarias 11:10

Unya gikuha ko ang baston nga gitawag ug Kaayo, ug gibali ko kini isip simbolo nga gibawi na sa Ginoo ang iyang kasabotan sa tanang mga katawhan.

Numeros 13:25

Human sa 40 ka adlaw nga pagpangispiya sa yuta, mibalik sila

Numeros 18:23

Ang mga Levita mao ang mangunay sa paghimo sa mga buluhaton diha sa Tolda nga Tagboanan, ug manubag sila sa mahimo nilang kalapasan niini. Kini nga tulomanon kinahanglan nga tumanon ninyo hangtod sa umaabot nga mga henerasyon. Ang mga Levita walay mapanunod nga yuta sa Israel.

Numeros 32:13

Nasuko gayod pag-ayo sa mga Israelinhon ang Ginoo. Busa gipahisalaag niya sila sa kamingawan sulod sa 40 ka tuig, hangtod nga nangamatay kadtong tibuok henerasyon nga nagbuhat ug daotan sa iyang panan-aw.

Mga Buhat 13:18

Sulod sa 40 ka tuig, samtang didto sila sa kamingawan nagpailob ang Dios kanila.

Deuteronomio 2:7

Hinumdomi ninyo kon giunsa ko kamo pagpanalangin sa tanan ninyong gihimo. Ako, ang Ginoo nga inyong Dios, ang nagbantay kaninyo sa inyong paglakaw niining halapad nga kamingawan. Sulod sa 40 ka tuig nag-uban ako kaninyo, ug wala gayod kamo makulangi bisan unsa.

Mga Hebreo 4:1

Apan bisan mao kadto ang nahitabo, nagpabilin sa gihapon ang saad sa Dios nga makadawat kita sa kapahulayan nga gikan kaniya. Busa magbantay gayod kita kay basin kon duna kanatoy dili makadawat niini.

Josue 14:10

“45 na ka tuig ang milabay sukad kadto isulti sa Ginoo kang Moises. Naglakaw pa niadto ang mga Israelinhon sa kamingawan. Ug karon, 85 na ka tuig ako, ug buhi pa gihapon pinaagi sa tabang sa Ginoo ug sumala sa iyang gisaad;

Gipadayag 11:3

Ug nianang mga adlawa ipadala ko ang akong duha ka saksi nga magbistig sako. Ug mag-wali sila sa akong ipawali kanila sulod sa 1,260 ka adlaw.”

1 Samuel 2:30

“Kaniadto, ako nga inyong Ginoo, nga Dios sa Israel, nagsaad kaninyo nga kamo lang gayod ug ang mga kaliwat sa inyong katigulangan ang makaalagad kanako isip mga pari hangtod sa kahangtoran. Apan dili na karon, kay pasidunggan ko ang nagpasidungog kanako, ug panghimaraoton ko ang nagtamay kanako.