Numeros 13:32 - Ang Pulong sa Dios

³² Ug mihatag sila ngadto sa mga Israelinhon ug dili maayo nga balita bahin sa yuta nga ilang gisusi. Mao kini ang ilang gisulti, “Ang yuta nga among gisusi dili maayo, gani nangamatay ang mga nagpuyo didto, ug dugang pa niana, ang mga tawo nga nakita namo didto hilabihan katag-as.

Ang Biblia 2011

³² Ug sila nagdala ug daotang taho ngadto sa katawhan sa Israel mahitungod sa yuta nga ilang gipanid-an, nga nag-ingon, “Ang yuta nga among gilatas sa pagpaniid, yuta nga naglamoy sa mga nagpuyo niini ug ang tanang mga tawo nga among nakita didto, mga tawo nga tag-as kaayo.

Maayong Balita Biblia

³² Pinaagi niini gidala nila ngadto sa katawhan sa Israel ang bakak nga taho bahin sa Canaan. Sila miingon, “Ang yuta nga among gipangispiyahan maoy yuta nga dili mohatag ug igong abot nga makaon sa mga tawo ug ang tanang tawo nga among nakita mga tag-as ug dagko kaayo.

Ang Bag-ong Maayong Balita Biblia

³² Pinaagi niini gidala nila ngadto sa katawhan sa Israel ang bakak nga taho bahin sa Canaan. Sila miingon, “Ang yuta nga among gipangispiyahan maoy yuta nga dili mohatag ug igong abot nga makaon sa mga tawo ug ang tanang tawo nga among nakita mga tag-as ug dagko kaayo.

Numeros 13:32 Cross References

2 Samuel 21:20

Naggira pag-usab ang mga Filistihanon ug mga Israelinhon, ug didto kini nahitabo sa Gat. Niini nga gira, adunay tawo nga labihan kaayo kadako. Adunay unom siya ka tudlo sa matag kamot ug tiil. Usa usab siya sa mga kaliwat sa mga Rafa.

1 Cronicas 20:6

Naggira pag-usab ang mga Filistihanon ug mga Israelinhon, ug didto kini nahitabo sa Gat. Niini nga gira, adunay tawo nga labihan kaayo kadako. Adunay unom siya ka tudlo sa matag kamot ug tiil. Usa usab siya sa mga kaliwat sa mga Rafa.

Salmo 106:24

Nagdumili pa gayod sila sa pagsulod sa maayong yuta kay wala sila motuo sa saad sa Dios.

Ezequiel 36:12

Ibalik ko ang akong katawhan nga mga Israelinhon diha kaninyo. Panag-iyahon nila kamo, ug dili na gayod ninyo kuhaon pag-usab ang ilang mga kabataan.’ ”

Amos 2:10

Gipagawas ko usab ang mga katigulangan sa mga Israelinhon gikan sa Ehipto, ug sulod sa 40 ka tuig gigiyahan ko sila didto sa disyerto aron mapanag-iya nila ang yuta sa mga Amorihanon.”

Amos 2:9

“Apan bisan pa niini, gilaglag ko gihapon ang mga Amorihanon alang kanila nga mga Israelinhon. Tag-as nga mga tawo ang mga Amorihanon (daw mga kahoyng sedro) ug lig-on nga daw mga kahoyng terebinto. Gipanglaglag ko sila hangtod nga wala nay nabilin kanila.

Numeros 13:28

Apan gamhanan ang mga tawo nga nagpuyo didto, ug labihan kadagko ang ilang mga lungsod ug napalibotan kini ug mga paril. Nakita pa gani namo ang mga kaliwat ni Anak.

Mateo 23:13

“Alaot kamong mga magtutudlo sa Kasugoan ug kamong mga Pariseo. Ang inyong pagtuo sa Dios pagpakaaron-ingnon lang! Gibabagan ninyo ang mga tawo nga buot magpasakop sa gingharian sa Langit. Kamo mismo dili magpasakop, ug nagpugong pa kamo sa mga tawo nga nagtinguha nga magpasakop. [

Deuteronomio 1:28

Unsaon nato pag-adto didto nga gihadlok man kita sa mga naniid sa dapit? Nag-ingon sila nga ang mga tawo didto mas kusgan ug mas tag-as kay kanato, ug ang ilang mga lungsod dagko ug gilibotan sa mga paril nga ang gitas-on daw moabot na sa langit. Ug nakita pa nila didto ang mga kaliwat ni Anak.”