Numeros 13:31 - Ang Pulong sa Dios

³¹ Apan miingon ang mga tawo nga kauban ni Caleb sa pagpangispiya, “Dili nato makaya ang pagsulong kanila kay mas kusgan sila kay kanato.”

Ang Biblia 2011

³¹ Apan ang mga tawo nga mitungas uban kaniya miingon, “Dili kita makahimo sa pagtungas batok niadto nga katawhan kay sila kusgan pa kay kanato.”

Maayong Balita Biblia

³¹ Unya ang mga tawo nga mikuyog kaniya miingon, “Dili kita makabuntog sa katawhan didto kay sila mas lig-on kay kanato.”

Ang Bag-ong Maayong Balita Biblia

³¹ Unya ang mga tawo nga mikuyog kaniya miingon, “Dili kita makabuntog sa katawhan didto kay sila mas lig-on kay kanato.”

Numeros 13:31 Cross References

Numeros 13:30

Gipahilom ni Caleb ang mga tawo atubangan ni Moises, ug miingon siya, “Manglakaw kita karon dayon ug ilogon nato ang yuta, kay sigurado gayod nga mailog nato kini.”

Numeros 32:7

Nganong kuhaan man ninyo sa kadasig ang mga Israelinhon sa pag-adto sa yuta nga gihatag sa Ginoo kanila?

Numeros 32:9

Human sila makaadto sa Walog sa Eshcol ug makakita sa yuta, gipabugnaw nila ang kadasig sa katawhan sa pag-adto sa yuta nga gihatag sa Ginoo kanila.

Deuteronomio 1:28

Unsaon nato pag-adto didto nga gihadlok man kita sa mga naniid sa dapit? Nag-ingon sila nga ang mga tawo didto mas kusgan ug mas tag-as kay kanato, ug ang ilang mga lungsod dagko ug gilibotan sa mga paril nga ang gitas-on daw moabot na sa langit. Ug nakita pa nila didto ang mga kaliwat ni Anak.”

Deuteronomio 9:1

“Pamati, katawhan sa Israel. Hapit na kamo motabok sa Jordan aron panag-iyahon ang mga nasod nga mas dagko ug mas gamhanan pa kay kaninyo. Ang ilang mga lungsod dagko ug adunay tag-as nga mga paril nga daw moabot na sa langit.

Mga Hebreo 3:19

Busa klaro kanato nga wala sila makadawat sa kapahulayan tungod kay wala sila motuo sa Dios.

Josue 14:8

Apan gihadlok sa akong mga kauban ang atong mga isigka-Israelinhon. Apan ako, matinumanon nga nagsunod sa Ginoo nga akong Dios.

1 Samuel 17:33

Mitubag si Saulo, “Dili ka makahimo sa pagpakig-away nianang Filistihanon. Bata ka pa ug siya hanas na sa pagpakig-away sukad sa bata pa siya.”