Numeros 10:29 - Ang Pulong sa Dios

²⁹ Unya, miingon si Moises kang Hobab nga iyang bayaw nga anak ni Reuel nga Midianhon, “Moadto na kami sa dapit nga giingon sa Ginoo nga ihatag niya kanamo. Busa uban kanamo ug dili ka namo pasagdan, kay misaad ang Ginoo nga panalanginan niya ang Israel.”

Ang Biblia 2011

²⁹ Ug si Moises miingon kang Hobab, ang anak ni Reuel nga Midianhon ug ugangan ni Moises, “Kami manglakaw padulong sa dapit nga giingon sa Ginoo, ‘Ihatag ko kini kaninyo.’ Uban kanamo ug magbuhat kami ug maayo kanimo kay ang Ginoo nagsulti ug maayo mahitungod sa Israel.”

Maayong Balita Biblia

²⁹ Si Moises miingon kang Hobab, ang anak sa iyang ugangan nga si Jetro nga taga-Midian, “Nagpadulong kami sa yuta nga giingon sa Ginoo nga ihatag niya kanamo. Kuyog kanamo kay ayohon ka man namo pagtagad kay misaad man ang Ginoo sa Israel nga pauswagon niya ang Israel.”

Ang Bag-ong Maayong Balita Biblia

²⁹ Si Moises miingon kang Hobab, ang anak sa iyang ugangan nga si Jetro nga taga-Midian, “Nagpadulong kami sa yuta nga giingon sa Ginoo nga ihatag niya kanamo. Kuyog kanamo kay ayohon ka man namo pagtagad kay misaad man ang Ginoo sa Israel nga pauswagon niya ang Israel.”

Numeros 10:29 Cross References

Genesis 12:7

Unya nagpakita ang Ginoo kang Abram ug miingon kaniya, “Ihatag ko sa imong mga kaliwat kining yutaa.” Busa nagbuhat si Abram ug halaran alang sa Ginoo nga mipakita kaniya.

Genesis 13:15

Ang tanan nga yuta nga maabot sa imong panan-aw ihatag ko kanimo ug sa imong mga kaliwat, ug mainyo kana hangtod sa kahangtoran.

Genesis 15:18

Niana gayod nga adlaw, nagbuhat ang Ginoo ug kasabotan kang Abram. Miingon siya, “Ihatag ko sa imong mga kaliwat kining yutaa, gikan sa suba sa utlanan sa Ehipto paingon sa dako nga suba nga mao ang Eufrates.

Genesis 17:8

Mga langyaw pa kamo karon sa yuta sa Canaan. Apan ihatag ko kining tibuok nga yuta kanimo ug sa imong mga kaliwat. Mainyo na kini hangtod sa kahangtoran, ug ako padayon nga mahimong inyong Dios.”

Genesis 32:12

Apan misaad ka kanako nga panalanginan mo ako ug padaghanon mo ang akong mga kaliwat sama sa balas sa baybayon nga dili maihap.”

Salmo 100:1

Kamong mga katawhan sa tibuok kalibotan, panghugyaw kamo sa kalipay ngadto sa Ginoo.

Salmo 34:8

Sulayi ninyo ug inyong makita kon unsa kamaayo ang  Ginoo. Bulahan ang tawo nga nagdangop kaniya.

Salmo 95:1

Dali! Mag-awit kita sa kalipay. Manghugyaw kita alang sa Ginoo nga atong salipdanan nga Bato ug manluluwas.

Exodo 18:1

Si Jetro nga pari sa Midian ug ugangan ni Moises nakabalita sa tanang gihimo sa Dios kang Moises ug sa iyang katawhan nga mga Israelinhon. Nadunggan niya kon giunsa pagpagawas sa Ginoo ang mga Israelinhon gikan sa Ehipto.

Exodo 18:12

Unya naghalad si Jetro ug mga halad nga sinunog ug uban pa nga mga halad ngadto sa Dios. Ug samtang ginahimo niya kini, miabot si Aaron ug ang tanang tigdumala sa Israel. Nakig-uban sila kang Jetro sa pagpangaon diha sa presensya sa Dios.

Exodo 18:27

Unya, gipabalik ni Moises ang iyang ugangan ngadto sa iyang kaugalingong nasod.

Exodo 2:18

Pag-uli sa mga babaye didto sa ilang amahan nga si Reuel, gipangutana niya sila, “Nganong sayo man kamo nakauli?”

Exodo 2:21

Misugot si Moises nga didto mopuyo sa ila ni Reuel, ug unya, gipaasawa ni Reuel kaniya ang iyang anak nga si Zipora.

Exodo 3:1

Usa ka adlaw, nagbantay si Moises sa kahayopan sa iyang ugangan nga si Jetro nga pari sa Midian. Gidala ni Moises ang kahayopan unahan sa kamingawan ug nakaabot siya sa Horeb, ang bukid sa Dios.

Exodo 3:8

Busa minaog ako sa pagluwas kanila gikan sa kamot sa mga Ehiptohanon, ug sa pagdala kanila ngadto sa maayo, lapad, ug mabungahon nga yuta, nga ginapuy-an karon sa mga Canaanhon, Hitihanon, Amorihanon, Perisihanon, Hibihanon, ug mga Jebusihanon.

Exodo 6:4

Naghimo ako ug kasabotan uban kanila, nga ihatag ko kanila ang yuta sa Canaan diin sila nagpuyo ingon nga mga dumuduong.

Isaias 2:3

Moingon sila, “Dali, motungas kita sa bukid sa Ginoo, didto sa Templo sa Dios ni Jacob. Kay tudloan kita niya sa iyang mga pamaagi aron magkinabuhi kita sumala niini.” Busa mopauli ang mga tawo gikan sa Jerusalem dala ang mga balaod sa Ginoo.

Jeremias 50:5

Mangutana sila kon asa ang dalan paingon sa Jerusalem ug mangadto sila didto. Unya maghimo silag kasabotan nga walay kataposan uban kanako, ug dili gayod nila kini makalimtan.

Numeros 10:28

Mao kini ang pagkahan-ay sa mga grupo sa mga tribo sa Israel sa ilang pagpanglakaw.

Numeros 23:19

Dili tawo ang Dios nga mamakak o mausab ang huna-huna. Adunay gisulti ba siya nga wala niya buhata? Adunay gisaad ba siya nga wala niya tumana?

Mga Buhat 7:5

Niadtong higayona wala pa hatagi sa Dios si Abraham bisag gamay na lang nga yuta. Apan nagsaad ang Dios nga kining maong dapit ihatag niya kaniya ug sa iyang mga kaliwat. Wala pay anak si Abraham sa dihang gisaad kadto sa Dios kaniya.

Deuteronomio 30:5

ug pabalikon sa yuta nga gipanag-iyahan sa inyong mga katigulangan, ug panag-iyahon ninyo kini pag-usab. Pauswagon ug padaghanon pa gayod kamo kay sa inyong mga katigulangan.

Deuteronomio 4:40

Tumana ninyo ang iyang mga tulomanon ug mga sugo nga gihatag ko kaninyo karong adlawa aron walay daotang mahitabo kaninyo ug sa inyong mga kaliwat, ug aron magkinabuhi kamog dugay sa yuta nga ginahatag sa Ginoo nga inyong Dios kaninyo hangtod sa kahangtoran.

Tito 1:2

Kini nga kamatuoran ang naghatag kanato ug paglaom nga kita adunay kinabuhi nga walay kataposan. Sa wala pa ang kalibotan, nagsaad na ang Dios nga hatagan niya kita ug kinabuhi nga walay kataposan, ug ang Dios dili gayod mamakak.

Mga Hebreo 6:18

Ug kining duha, ang saad ug ang panumpa, dili gayod mausab, tungod kay dili gayod mamakak ang Dios. Busa kita nga nakadangop na kaniya aduna nay lig-on gayod nga paglaom nga tumanon gayod niya ang iyang gisaad kanato.

Gipadayag 22:17

Miingon ang Espiritu ug ang babaye nga kaslonon, “Dali!” Ug ang tanan nga naminaw moingon usab nga, “Dali!” Si bisan kinsa nga giuhaw ug gustong moinom moduol ug modawat sa tubig nga naghatag ug kinabuhi. Wala kini bayad.

Mga Maghuhukom 1:16

Miuban ang mga Kenihanon nga kaliwat sa ugangan ni Moises sa mga kaliwat ni Juda. Gikan sa lungsod sa Jerico, mipaingon sila sa kamingawan sa Juda, nga atua sa Negev, duol sa Arad, ug namuyo sila uban sa mga taga-didto.

Mga Maghuhukom 4:11

Niadtong higayona, si Eber nga usa ka Kenihanon nagtukod sa iyang tolda duol sa kahoy nga tugas sa Zaananim duol sa Kedesh. Mibulag siya sa iyang mga kaubang Kenihanon nga mga kaliwat ni Hobab nga bayaw ni Moises.

1 Samuel 15:6

Nagpadalag mensahe si Saulo sa mga Kenihanon, nga nag-ingon: “Pahawa! Biyai ninyo ang mga Amalekanhon aron dili ko kamo laglagon uban kanila, kay maayo kamo sa tanang mga Israelinhon sa dihang migawas sila gikan sa Ehipto.” Busa nagpahilayo ang mga Kenihanon sa mga Amalekanhon.