Numeros 1:36 - Ang Pulong sa Dios

³⁶ Gikan sa mga kaliwat ni Benjamin. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.

Ang Biblia 2011

³⁶ Sa mga kaliwat ni Benjamin, sa ilang mga kaliwatan, sumala sa ilang mga panimalay, sumala sa mga banay sa ilang katigulangan, sumala sa gidaghanon sa mga ngalan, gikan sa mga nagpanuigon ug 20 ug pataas, ang tanan nga makahimo sa pag-adto sa panggubatan:

Numeros 1:36 Cross References

Genesis 44:20

ug miingon kami kanimo nga aduna pa kami amahan nga tigulang na ug adunay manghod nga natawo sa dihang tigulang na ang among amahan. Namatay na ang iyang igsoon ug siya na lang ang nahibilin nga anak sa iyang inahan, busa gimahal siya pag-ayo sa among amahan.

Genesis 46:21

Si Benjamin ug ang iyang mga anak nga sila si Bela, Beker, Ashbel, Gera, Naaman, Ehi, Rosh, Mupim, Hupim, ug Ard.

Genesis 49:27

“Ikaw Benjamin, sama ka sa bangis nga iro nga sa adlaw mopatay ug mokaon sa iyang biktima ug sa gabii bahin-bahinon niya ang nahibilin niini.”

2 Cronicas 17:17

Gikan sa Benjamin, si Eliada, nga usa ka banggiitan nga sundalo, ang komander sa 200,000 ka mga sundalo nga armado sa mga pana ug taming;

Numeros 1:35

Ang gidaghanon gikan sa tribo ni Manases kay 32,200.

Numeros 1:37

Ang gidaghanon gikan sa tribo ni Benjamin kay 35,400.

Gipadayag 7:8

12,000 gikan sa tribo ni Zabulon, 12,000 gikan sa tribo ni Jose, 12,000 ang gimarkahan gikan sa tribo ni Benjamin.

Mga Maghuhukom 20:15

Niadto gayong adlawa, nakatigom ang mga kaliwat ni Benjamin ug 26,000 ka mga sundalo walay labot sa 700 ka pinili nga mga sundalo nga taga-Gibea.