Mga Maghuhukom 9:4 - Ang Pulong sa Dios

⁴ Gihatagan nila si Abimelec ug 70 kabuok nga pilak gikan sa templo ni Baal Berit, ug gigamit niya kini sa pagsuhol ug mga bugoy nga mosunod kaniya.

Ang Biblia 2011

⁴ Ug sila mihatag kaniya ug 70 ka buok salaping plata gikan sa balay ni Baal-berit, nga niini si Abimelek nagsuhol ug mga tawo nga walay pulos ug walay hinungdan, nga misunod kaniya.

Maayong Balita Biblia

⁴ Gihatagan nila siyag 70 ka salapi gikan sa templo ni Baal-berit ug pinaagi niining kuwartaha nanuhol siyag mga tawong walay bili ug bagis sa pagsunod kaniya.

Ang Bag-ong Maayong Balita Biblia

⁴ Gihatagan nila siyag 70 ka salapi gikan sa templo ni Baal-berit ug pinaagi niining kuwartaha nanuhol siyag mga tawong walay bili ug bagis sa pagsunod kaniya.

Mga Maghuhukom 9:4 Cross References

2 Samuel 6:20

Sa dihang mipauli si David sa pagbendisyon sa iyang panimalay, gitagbo siya ni Mical nga anak ni Saulo ug gisukmatan, “Pagkahalangdon sa hari sa Israel karong adlawa! Mura siyag buang nga walay kaulaw nga nagsayaw-sayaw nga halos hubo atubangan sa mga babayeng sulugoon sa iyang mga opisyal. Bastos lang nga tawo ang naghimo niana.”

2 Cronicas 13:7

Nagtigom diha kanimo ang mga tawong walay hinungdan, ug nakigbatok kang Rehoboam nga anak ni Solomon niadtong batan-on pa kini ug wala pa kaayoy eksperyensya ug walay ikasarang sa pagsukol kaninyo.

Job 30:8

Wala silay pulos ug wala gani nakaila kanila, ug giabog sila sa ilang yuta.

Mga Panultihon 12:11

Ang kugihan nga mag-uuma adunay abunda nga pagkaon, apan ang walay pagsabot mag-usik-usik sa iyang panahon sa walay kapuslanan.

Sofonias 3:4

Ang iyang mga propeta walay mga prinsipyo; malipoton silang katawhan. Ang iyang kaparian nagpasipala sa balaang puloy-anan ug naghimo silag kadaotan sa balaod.

Mga Buhat 17:5

Apan ang ubang mga Judio nga atua didto nasina, busa gitigom nila ang mga bugoy nga istambay. Sa dihang daghan na ang ilang natigom, gisugdan nila paggubot ang tibuok siyudad. Gisulong nila ang balay ni Jason sa pagpangita nilang Pablo ug Silas aron dad-on sila atubangan sa mga tawo.

Mga Maghuhukom 11:3

Busa mibiya si Jefta kanila ug mipuyo sa Tob. Ug didto, adunay mga bugoy nga miduol kaniya ug nanguyog sa iyang mga lakaw.

Mga Maghuhukom 8:33

Human mamatay si Gideon, mitalikod sa Dios ang mga Israelinhon ug misimba pag-usab sa mga imahen ni Baal, ug gihimo nila si Baal Berit nga ilang dios.

Mga Maghuhukom 9:27

Nangadto sila sa uma, nanguhag ubas, ug naghimog bino. Unya nagpista sila didto sa templo sa ilang dios. Ug samtang nangaon sila ug nag-inom didto, gitamay nila si Abimelec.

1 Samuel 22:2

Ang tanang mga tawong anaa sa kalisod, o adunay utang, o dili kontento sa ilang kinabuhi miadto usab kang David ug siya ang ilang nahimong pangulo. Mga 400 ka tawo ang miuban kang David.