Mga Maghuhukom 9:2 - Ang Pulong sa Dios

² “Pangutan-a ninyo ang tanang taga-Sekem kon unsay gusto nila: pangulohan sila sa 70 ka mga anak ni Gideon o sa usa lang ka tawo? Hinumdomi ninyo nga ako inyong kadugo.”

Ang Biblia 2011

² “Isulti diha sa mga igdulungog sa tanang mga tawo sa Sekem, ‘Unsa may labing maayo alang kaninyo, nga ang tanang 70 sa mga anak nga lalaki ni Jerubaal maghari kaninyo, o usa ra ka tawo ang maghari kaninyo?’ Hinumdomi usab nga ako inyong bukog ug inyong unod.”

Maayong Balita Biblia

² Gisugo niya sila sa pagpangutana sa mga nagpuyo sa Siquem, “Unsa may gusto ninyo? Gusto ba kamong mandoan sa 70 ka anak ni Gideon o usa ba lang ka tawo ang maghari kaninyo? Hinumdomi nga ako inyo gayong kadugo.”

Ang Bag-ong Maayong Balita Biblia

² Gisugo niya sila sa pagpangutana sa mga nagpuyo sa Siquem, “Unsa may gusto ninyo? Gusto ba kamong mandoan sa 70 ka anak ni Gideon o usa ba lang ka tawo ang maghari kaninyo? Hinumdomi nga ako inyo gayong kadugo.”

Mga Maghuhukom 9:2 Cross References

Genesis 29:14

Miingon si Laban kaniya, “Tinuod gayod nga kadugo ka nako.” Paglabay sa usa ka bulan nga pagpuyo ni Jacob uban kanila ni Laban,

2 Samuel 19:13

Ug isulti usab ninyo kini ngadto kang Amasa, ‘Tungod kay kadugo ka nako, himuon ka nako nga komander sa akong mga sundalo puli kang Joab. Kon dili ko kini himuon, hinaut nga silotan ako sa Dios sa labihan gayod.’ ”

1 Cronicas 11:1

Nangadto ang tanang mga Israelinhon kang David didto sa Hebron ug miingon, “Mga kadugo mo kami.

Mga Taga-Efeso 5:30

tungod kay kita mga bahin sa iyang lawas.

Mga Hebreo 2:14

Ug tungod kay ang gitawag niya nga mga anak sa Dios mga tawo nga adunay lawas ug dugo, si Jesus mismo nagpakatawo usab aron ihalad ang iyang kaugalingon alang kanila, kay pinaagi sa iyang kamatayon mapildi niya ang Yawa nga mao ang gigikanan sa kamatayon sa mga tawo.

Mga Maghuhukom 8:30

Adunay 70 siya ka mga anak tungod kay daghan siyag mga asawa.

Mga Maghuhukom 9:18

Apan karon nakigbatok kamo sa pamilya sa akong amahan. Gipatay ninyo ang 70 niya ka mga anak ibabaw sa usa lang ka bato. Ug gihimo ninyong hari si Abimelec nga anak lang sa akong amahan sa iyang sulugoong babaye, tungod kay paryente ninyo siya.

Mga Maghuhukom 9:5

Miadto si Abimelec sa balay sa iyang amahan sa Ofra, ug gipamatay niya ang iyang 70 ka mga igsoon sa amahan nga si Gideon ibabaw sa usa ka bato. Apan si Jotam nga mao ang kamanghoran wala mapatay kay mitago siya.