Mga Maghuhukom 7:4 - Ang Pulong sa Dios

⁴ Miingon na usab ang Ginoo kang Gideon, “Daghan pa gihapon ang nahibilin. Dad-a sila sa suba kay didto pilion ko ang mouban kanimo. Kon moingon ako kanimo nga paubanon mo kining tawhana, paubana siya. Apan kon moingon ako nga dili, ayaw paubana.”

Ang Biblia 2011

⁴ Ug ang Ginoo miingon kang Gideon, “Ang katawhan daghan pa kaayo; dad-a sila ngadto sa tubig ug sulayan ko sila didto alang kanimo ug siya nga akong isulti kanimo, ‘Kining tawhana makakuyog kanimo,’ makauban kanimo. Ug si bisan kinsa nga akong isulti kanimo, ‘Kining tawhana dili makauban kanimo,’ dili makauban.”

Maayong Balita Biblia

⁴ Ang Ginoo miingon kang Gideon, “Daghan gihapon sila. Dad-a sila ngadto sa suba ug sulayan ko sila alang kanimo. Ang paubanon ko kanimo mouban ug ang dili ko paubanon dili mouban.”

Ang Bag-ong Maayong Balita Biblia

⁴ Ang Ginoo miingon kang Gideon, “Daghan gihapon sila. Dad-a sila ngadto sa suba ug sulayan ko sila alang kanimo. Ang paubanon ko kanimo mouban ug ang dili ko paubanon dili mouban.”

Mga Maghuhukom 7:4 Cross References

Genesis 22:1

Unya, gisulayan sa Dios si Abraham. Gitawag niya si Abraham, ug mitubag kini, “Ania ko!”

Job 23:10

Apan nahibaloan niya ang akong ginahimo. Kon sulayan niya ako, makita niya nga putli ako sama sa purong bulawan.

Salmo 33:16

Ang usa ka hari dili magmadaogon sa gira tungod lang sa kadaghan sa iyang mga sundalo. Ang usa ka sundalo dili makalingkawas sa gira tungod lang sa iyang pagkakusgan.

Salmo 66:10

Sa pagkatinuod, gisulayan mo kami, O Dios; gihinloan mo kami sama sa pilak nga giputli pinaagi sa kalayo.

Salmo 7:9

Santaa ang daotang binuhatan sa mga tawong daotan, ug panalangini ang mga matarong, kay ikaw matarong man nga Dios, ug imong ginasusi ang among mga huna-huna ug mga kasing-kasing.

Mga Maghuhukom 7:5

Busa gidala sila ni Gideon sa suba. Ug didto miingon ang Ginoo, “Laina ang tanang moinom sa tubig pinaagi sa ilang kamot sama sa iro nga naglala gikan sa mga moinom nga nagluhod.”

1 Samuel 14:6

Miingon si Jonatan ngadto sa tigdala sa iyang armas, “Dali, adtoon na nato ang bantayanan sa mga tawong wala nakaila sa Dios. Basig tabangan kita sa Ginoo, kay walay makababag kaniya sa pagpadaog kanato, bisan daghan man kita o gamay lang.”

1 Samuel 16:7

Apan miingon ang Ginoo kang Samuel, “Ayaw basihi ang iyang hitsura o ang iyang gitas-on. Dili siya ang akong gipili. Dili ako sama sa tawo. Ang tawo nagtan-aw sa hitsura, apan ako nagtan-aw sa kasing-kasing.”