Mga Maghuhukom 7:16 - Ang Pulong sa Dios

¹⁶ Gibahin niya sa tulo ka grupo ang iyang 300 ka mga tawo, ug ang matag-usa gihatagan niyag budyong ug tibod nga adunay sulod nga suga.

Ang Biblia 2011

¹⁶ Ug gibahin niya ang tulo ka gatos ka tawo sa tulo ka pundok ug gibutang niya diha sa mga kamot nilang tanan ang mga trumpeta ug ang mga tibod nga walay sulod nga may mga sulo sa sulod sa mga tibod.

Maayong Balita Biblia

¹⁶ Gibahinbahin niya sa tulo ka pundok ang iyang 300 ka tawo ug ang tagsatagsa gihatagan niyag budyong nga sungay ug tadyaw nga may sulo sa sulod niini.

Ang Bag-ong Maayong Balita Biblia

¹⁶ Gibahinbahin niya sa tulo ka pundok ang iyang 300 ka tawo ug ang tagsatagsa gihatagan niyag budyong nga sungay ug tadyaw nga may sulo sa sulod niini.

Mga Maghuhukom 7:16 Cross References

Genesis 14:15

Pagkagabii, gibahin ni Abram sa nagkalain-laing grupo ang iyang mga tawo. Gisulong nila ang ilang mga kaaway, ug napildi nila kini. Ang uban nga nakaikyas gigukod nila hangtod sa Hoba, sa amihan nga bahin sa Damasco.

2 Samuel 18:2

Unya gipalakaw niya sila sa tulo ka grupo. Si Joab ang nangulo sa usa ka grupo, si Abishai usab nga igsoon ni Joab ang sa usa ka grupo, ug si Itai nga taga-Gat ang nangulo sa ikatulo nga grupo. Miingon si Haring David kanila, “Mouban gayod ako kaninyo sa pagpakig-gira.”

2 Mga Taga-Corinto 4:7

Ania kanamo ang mahalon nga butang nga gikan sa Dios apan sama lang kami sa kolon nga gisudlan niini aron masayran sa mga tawo nga ang gahom nga dili matupngan gikan sa Dios, ug dili gikan kanamo.

Mga Maghuhukom 7:15

Sa dihang nadungog ni Gideon ang mahitungod sa damgo ug ang kahulogan niini, miyukbo siya sa pagdayeg sa Ginoo. Unya mibalik siya sa kampo sa mga Israelinhon ug giingnan niya ang iyang mga kauban, “Tana! Kay gitugyan na sa Ginoo kanato ang mga Midianhon.”

Mga Maghuhukom 7:17

Miingon siya kanila, “Moadto ako sa may utlanan sa ilang kampo. Tan-awa ninyo kon unsay akong buhaton ug sunda ninyo kini.

1 Samuel 11:11

Ngitngit pa sa pagkasunod nga adlaw, gibahin ni Saulo ang iyang mga tawo sa tulo ka grupo. Ug sa dihang kadlawon na, gisulong nila ang kampo sa mga Amonihanon ug gipamatay silang tanan hangtod sa pagkaudto. Ang mga nahibiling buhi tagsa-tagsang miikyas.