Mga Maghuhukom 7:13 - Ang Pulong sa Dios

¹³ Sa dihang didto na sila si Gideon, aduna silay nadunggan nga duha ka tawo nga nag-istoryahanay. Miingon ang usa, “Nagdamgo ako nga adunay pan nga barley nga miligid paingon sa atong kampo ug naigo niini ang usa ka tolda. Unya natuwad ang tolda ug nahapla.”

Ang Biblia 2011

¹³ Sa diha nga miabot si Gideon, didtoy usa ka tawo nga nagsugilon ug usa ka damgo ngadto sa iyang kauban, ug siya miingon, “Pamati, ako nagdamgo ug usa ka damgo, ug nakita nako ang usa ka pan nga sebada nga naligid ngadto sa kampo sa Midian, ug naabot ngadto sa tolda ug nabangga niini, mao nga ang tolda natumba ug nalintuwad kini, ug ang tolda nahapla.”

Maayong Balita Biblia

¹³ Pag-abot ni Gideon, nadungog niya ang usa ka tawo nga misugilon sa iyang damgo ngadto sa iyang higala. Matod niya, “Nagdamgo ako nga may usa ka buok pan nga sebada nga naligid nganhi sa atong kampo ug naigo ang tolda. Natumba ang tolda ug nahapla sa yuta.”

Ang Bag-ong Maayong Balita Biblia

¹³ Pag-abot ni Gideon, nadungog niya ang usa ka tawo nga misugilon sa iyang damgo ngadto sa iyang higala. Matod niya, “Nagdamgo ako nga may usa ka buok pan nga sebada nga naligid nganhi sa atong kampo ug naigo ang tolda. Natumba ang tolda ug nahapla sa yuta.”

Mga Maghuhukom 7:13 Cross References

1 Mga Taga-Corinto 1:27

Apan ang gipili sa Dios mao kadtong giisip sa katawhan nga dili maalamon aron pakaulawan ang mga maalamon, ug gipili usab niya ang mga tawo nga wala gayoy gahom aron pakaulawan ang mga tawong gamhanan.

Mga Maghuhukom 3:15

Apan sa dihang nagpakitabang ang mga Israelinhon sa Ginoo, nagpadala ang Ginoo ug tawo nga moluwas kanila. Siya mao ang walhon nga si Ehud nga anak ni Gera, nga gikan sa tribo ni Benjamin. Gipaadto sa mga Israelinhon si Ehud kang Eglon nga hari sa Moab sa pagdala sa ilang buhis.

Mga Maghuhukom 3:31

Ang misunod nga pangulo kang Ehud mao si Shamgar nga anak ni Anat. Giluwas niya ang Israel sa mga Filistihanon. Gipamatay niya ang 600 ka mga Filistihanon pinaagi sa sungkod nga gigamit sa pang-abog sa baka.

Mga Maghuhukom 4:21

Tungod sa labihang kakapoy, nakatulog si Sisera. Mikuha si Jael ug martilyo ug ugsok sa tolda ug mihinay-hinay pagduol kang Sisera. Unya gipataop niya ang ugsok sa dunggan-dunggan ni Sisera hangtod nga midulot kini sa yuta, ug namatay si Sisera.

Mga Maghuhukom 4:9

Mitubag si Debora, “Sige, mouban ako kanimo, apan ang kadungganan dili maimo tungod kay itugyan sa Ginoo si Sisera sa usa ka babaye.” Busa miuban si Debora kang Barak ug miadto sila sa Kedesh.

Mga Maghuhukom 6:15

Mitubag si Gideon, “Apan Ginoo, unsaon ko man pagluwas ang Israel? Kay ang among pamilya mao man ang pinakahuyang sa tribo ni Manases ug ako pa gayod ang pinakaubos sa among pamilya.”

Mga Maghuhukom 7:12

Ang mga Midianhon, mga Amalekanhon, ug ang uban pang mga katawhan sa sidlakan nagtigom sa walog nga daw mga dulon. Ug ang gidaghanon sa ilang mga kamelyo sama kadaghan sa balas sa baybayon.

Mga Maghuhukom 7:14

Mitubag ang usa, “Na! Wala nay laing gipasabot niadto kondili ang espada ni Gideon nga Israelinhon, nga anak ni Joas. Padag-on siya sa Dios batok sa mga Midianhon ug kanatong tanan.”

Mga Maghuhukom 8:10

Si Zeba ug si Zalmuna didto na sa Karkor uban sa ilang kasundalohan. Ang nahibilin sa mga sundalo nga gikan sa sidlakan 15,000 na lang. Mga 120,000 na ka mga sundalo ang nangamatay.