Mga Maghuhukom 7:12 - Ang Pulong sa Dios

¹² Ang mga Midianhon, mga Amalekanhon, ug ang uban pang mga katawhan sa sidlakan nagtigom sa walog nga daw mga dulon. Ug ang gidaghanon sa ilang mga kamelyo sama kadaghan sa balas sa baybayon.

Ang Biblia 2011

¹² Ug ang mga Midianhon ug mga Amalekanhon ug ang tanan nga katawhan sa silangan nagpahiluna sa walog nga sama sa mga dulon ang gidaghanon. Ug ang ilang mga kamilyo dili maihap, sama sa balas nga anaa sa baybayon ang gidaghanon.

Maayong Balita Biblia

¹² Ang mga Midianhon, ang mga Amalekanhon ug ang katawhan sa kamingawan nagkatap sa walog sama sa mga dulon nga mihugpa ug daghan kaayo silag mga kamelyo sama sa balas sa kabaybayonan.

Ang Bag-ong Maayong Balita Biblia

¹² Ang mga Midianhon, ang mga Amalekanhon ug ang katawhan sa kamingawan nagkatap sa walog sama sa mga dulon nga mihugpa ug daghan kaayo silag mga kamelyo sama sa balas sa kabaybayonan.

Mga Maghuhukom 7:12 Cross References

1 Mga Hari 20:27

Nagtigom usab ang mga Israelinhon ug nangandam sa ilang mga kinahanglanon, ug unya nanglakaw sila sa pagpakig-gira sa mga Aramehanon. Nagkampo sila nga nag-atubang sa kampo sa mga Aramehanon. Apan nahisama lang sila sa duha ka gamayng mga panon sa kanding kompara sa mga Aramehanon nga milukop sa kapatagan.

1 Mga Hari 4:30

Ang iyang kaalam labaw pa sa kaalam sa tanang maalamon sa sidlakan ug sa Ehipto.

Salmo 3:1

Ginoo, kadaghan sa akong kaaway; kadaghan sa nakigbatok kanako!

Salmo 33:16

Ang usa ka hari dili magmadaogon sa gira tungod lang sa kadaghan sa iyang mga sundalo. Ang usa ka sundalo dili makalingkawas sa gira tungod lang sa iyang pagkakusgan.

Jeremias 46:23

Pamatyon nila ang mga taga-Ehipto nga daw sa namutol sila ug labong nga mga kahoy. Daghan pa sila kaysa sa mga dulon; dili sila maihap.

Josue 11:4

Naabot kining tanang mga hari uban sa ilang mga kasundalohan nga daw sama kadaghan sa balas sa baybayon. Labihan usab kadaghan sa ilang mga kabayo ug mga karwahi.

Mga Maghuhukom 6:3

Inigpananom sa mga Israelinhon, sulongon sila sa mga Midianhon, Amalekanhon, ug sa uban pang katawhan sa sidlakan.

Mga Maghuhukom 6:33

Unya nagtigom ang mga Midianhon, Amalekanhon, ug uban pang mga katawhan sa sidlakan. Mitabok sila sa Jordan ug nagkampo sa Walog sa Jezreel.

Mga Maghuhukom 6:5

Moabot sila dala ang ilang mga tolda ug kahayopan. Dili gayod maihap ang ilang gidaghanon, apil na ang ilang mga kamelyo. Mura silag bagang panon sa mga dulon nga naghatag ug kadaot sa yuta.

Mga Maghuhukom 7:13

Sa dihang didto na sila si Gideon, aduna silay nadunggan nga duha ka tawo nga nag-istoryahanay. Miingon ang usa, “Nagdamgo ako nga adunay pan nga barley nga miligid paingon sa atong kampo ug naigo niini ang usa ka tolda. Unya natuwad ang tolda ug nahapla.”

Mga Maghuhukom 8:10

Si Zeba ug si Zalmuna didto na sa Karkor uban sa ilang kasundalohan. Ang nahibilin sa mga sundalo nga gikan sa sidlakan 15,000 na lang. Mga 120,000 na ka mga sundalo ang nangamatay.

1 Samuel 13:5

Nagtigom ang mga Filistihanon aron sa pagpakig-gira sa mga Israelinhon. Adunay 3,000 sila ka mga karwahi, 6,000 ka mga tigkabayo, ug labihan kadaghang mga sundalo, nga daw sa balas sa baybayon. Nangadto sila sa Mikmas, sa sidlakan sa Bet Aven, ug didto nagkampo.

1 Samuel 30:17

Gisulong sila ni David ug sa iyang mga tawo, ug nagsangka sila tibuok gabii ug hangtod sa sunod pang gabii. Walay nakaikyas sa mga Amalekanhon gawas lang sa 400 ka mga pamatan-on nga nagsakay ug mga kamelyo.