Mga Maghuhukom 5:6 - Ang Pulong sa Dios

⁶ “Sa panahon ni Shamgar nga anak ni Anat, ug sa panahon usab ni Jael, wala nay miagi sa dagkong mga dalan. Ang mga biyahedor didto na miagi sa mga hilit-hilit nga mga agianan.

Ang Biblia 2011

⁶ “Sa mga adlaw ni Samgar nga anak ni Anat, sa mga adlaw ni Jael, ang mga dalan wala na agii, ug ang mga magpapanaw nangagi sa laing mga dalan.

Maayong Balita Biblia

⁶ Sa mga adlaw ni Samgar nga anak ni Anat, sa panahon ni Jael, ang dagkong kadalanan wala na agii sa mga magpapatigayon ug ang mga magpapanaw didto na agi sa gagmayng dalan.

Ang Bag-ong Maayong Balita Biblia

⁶ Sa mga adlaw ni Samgar nga anak ni Anat, sa panahon ni Jael, ang dagkong kadalanan wala na agii sa mga magpapatigayon ug ang mga magpapanaw didto na agi sa gagmayng dalan.

Mga Maghuhukom 5:6 Cross References

2 Cronicas 15:5

Niadtong panahona, delikado ang pagbiyahe tungod kay adunay dakong kagubot taliwala sa mga katawhan.

Salmo 125:5

Apan siloti uban sa mga daotan ang imong mga katawhan nga nagsunod sa daotan. Hinaut nga magmalinawon ang Israel!

Isaias 33:8

Wala nay moagi sa mga karsada; wala nay mga tawo nga magsuroy-suroy diha. Gilapas na ang kasabotan ug gipakawalay-bili na ang mga saksi niini. Wala nay tawo nga gitahod.

Jeremias 6:25

Ayaw kamo pag-adto sa mga uma o paglakaw sa mga dalan, kay adunay mga kaaway nga andam nga mopatay. Anaa ang kakuyaw sa palibot.

Mga Pagbangotan 1:4

Subo ang mga dalan paingon sa Jerusalem, kay wala nay nag-adto didto sa pagsaulog sa gitakda nga mga pista. Mingaw ang tanang mga ganghaan niini. Nag-agulo ang iyang mga pari. Ang iyang putli nga mga babaye nagsubo pag-ayo. Pagkasubo sa gidangatan sa Jerusalem!

Mga Pagbangotan 4:18

Gibantayan sa among mga kaaway ang among mga lihok; dili kami makalakaw sa kadalanan nga dili mamiligro. Hapit na ang among kataposan. Maihap na lang ang among mga adlaw.

Levitico 26:22

Padad-an ko kamo ug mabangis nga mga mananap ug pamatyon nila ang inyong mga kabataan ug mga binuhing kahayopan, ug tungod niini gamay na lang ang mahibilin kaninyo ug maawaaw ang inyong mga kadalanan.

Miqueas 3:12

Busa tungod kaninyo laglagon ang Jerusalem. Mahisama kini sa gidarong uma, ug mahimong tapok sa mga ginuba. Ug mahimong lasang ang bukid nga gibarogan sa Templo.

Mga Maghuhukom 3:31

Ang misunod nga pangulo kang Ehud mao si Shamgar nga anak ni Anat. Giluwas niya ang Israel sa mga Filistihanon. Gipamatay niya ang 600 ka mga Filistihanon pinaagi sa sungkod nga gigamit sa pang-abog sa baka.

Mga Maghuhukom 5:7

Gamay nalang ang nagpuyo sa mga lungsod sa Israel, hangtod nga miabot ka, Debora, ikaw nga giila nga inahan sa Israel.