Mga Maghuhukom 5:2 - Ang Pulong sa Dios

² “Ang mga pangulo sa Israel madasigong nanguna sa pagpakig-gira ug ang mga Israelinhon kinabubut-on nga misunod kanila. Dayegon ang Ginoo!

Ang Biblia 2011

² “Sa diha nga ang mga pangulo nag-una sa Israel, sa diha nga ang katawhan sa kinabubut-on naghalad sa ilang kaugalingon, dayega ninyo ang Ginoo!

Maayong Balita Biblia

² Dayga ninyo ang Ginoo! Ang mga pangulo sa mga Israelita nag-una sa pagpakiggubat ug ang katawhan madasigong mitabang!

Ang Bag-ong Maayong Balita Biblia

² Dayga ninyo ang Ginoo! Ang mga pangulo sa mga Israelita nag-una sa pagpakiggubat ug ang katawhan madasigong mitabang!

Mga Maghuhukom 5:2 Cross References

2 Cronicas 17:16

sunod si Amasia nga anak ni Zicri, nga komander sa 200,000 ka maisog nga mga sundalo. Miboluntaryo siya alang sa buluhaton sa Ginoo.

Nehemias 11:2

Gidayeg sa mga tawo ang tanang nagboluntaryo nga mopuyo sa Jerusalem.

Salmo 103:2

Dayegon ko gayod ang  Ginoo, ug dili ko gayod kalimtan ang iyang kaayo.

Salmo 110:3

Sa adlaw nga makig-away ka sa imong mga kaaway, kinabubut-on nga motabang kanimo ang imong katawhan. Ang mga pamatan-on moadto kanimo sa balaang mga bungtod nga daw tun-og sa kabuntagon.

Salmo 136:15

Apan gilumsan niya ang hari sa Ehipto ug ang mga sundalo niini didto sa Pulang Dagat. Ang iyang gugma walay kataposan.

Salmo 18:47

Ikaw Ginoo ang manimalos sa akong mga kaaway, ug gipasakop mo kanako ang mga kanasoran.

Salmo 48:11

Hinaut nga maglipay ang mga lumulupyo sa Zion ug ang mga lumulupyo sa ubang mga lungsod sa Juda, tungod sa imong matarong nga paghukom.

Salmo 94:1

Ginoo, Dios ka nga nagpanimalos; ipakita na ang imong kasuko.

Salmo 97:8

Ginoo, nadungog sa mga lumulupyo sa Zion ug sa uban pang mga lungsod sa Juda nga silotan mo ang ilang mga kaaway, busa nangalipay sila.

1 Mga Taga-Corinto 9:17

Kon nagwali ako tungod kay mao kini ang akong gipili nga trabaho, magpaabot unta ako ug suhol. Apan ang tinuod, gituman ko lang ang akong katungdanan nga magwali tungod kay mao kini ang gitugyan kanako sa Dios.

2 Mga Taga-Corinto 8:12

Kay kon tinguha gayod ninyo nga mohatag, dawaton sa Dios ang inyong ikahatag. Wala siya nagpaabot nga mohatag kamo sa dili ninyo makaya.

2 Mga Taga-Corinto 9:7

Ang matag-usa kinahanglan mohatag sa kinasing-kasing gayod; dili nga mapugos lang o bug-at sa buot, kay gihigugma sa Dios ang mga naghatag nga malipayon.

Deuteronomio 32:43

Dayega ninyo ang katawhan sa Ginoo, O mga nasod, kay panimaslan sa Ginoo ang nagpatay niining iyang mga alagad. Panimaslan niya ang iyang mga kaaway, ug hinloan niya ang iyang yuta ug ang iyang katawhan.

Deuteronomio 33:21

Gipili nila ang labing maayong yuta nga angay alang sa pangulo. Sa dihang magkatigom ang mga tigdumala sa katawhan sa Israel, gisunod nila ang mga ginapatuman sa Ginoo ug ang iyang mga lagda alang sa Israel.”

Mga Taga-Filipos 2:13

Kay ang Dios mao ang naghatag kanato ug tinguha ug katakos sa pagbuhat sa iyang kabubut-on.

Filemon 1:14

Apan dili ko kini buhaton nga walay pagtugot gikan kanimo, aron dili pinugos ang pagtabang mo kanako. Gusto ko nga kon motabang ka man gayod, motabang ka nga kinasing-kasing.

Gipadayag 18:20

“Busa kamong tanan nga anaa sa langit, paglipay kamo tungod sa nahitabo niadtong siyudad. Paglipay usab kamong mga propeta, mga apostoles, ug mga katawhan sa Dios, tungod kay gihukman na siya sa Dios sa iyang gipangbuhat kaninyo!”

Gipadayag 19:2

Matuod ug matarong ang iyang paghukom! Gihukman niya ang inilang babaye nga nagbaligya sa iyang dungog, kay gidahig niya ang mga tawo sa kalibotan sa iyang law-ay nga binuhatan. Gisilotan siya sa Dios tungod kay gipamatay niya ang mga alagad sa Dios.”

Mga Maghuhukom 5:9

Nalipay ako sa mga pangulo sa Israel ug sa katawhan nga malipayon nga mihatag sa ilang kaugalingon. Dayegon ang Ginoo!