Mga Maghuhukom 3:8 - Ang Pulong sa Dios

⁸ Tungod niini, nasuko pag-ayo ang Ginoo kanila, busa gipasagdan niya sila nga mapildi ni Kushan Rishataim nga hari sa Aram Naharaim. Nailalom sila sa iyang gahom sulod sa walo ka tuig.

Ang Biblia 2011

⁸ Tungod niini ang kasuko sa Ginoo misilaob batok sa Israel ug iyang gibaligya sila ngadto sa kamot ni Cusan-risataim nga hari sa Mesopotamia. Ug ang katawhan sa Israel nag-alagad kang Cusan-risataim sulod sa walo ka tuig.

Maayong Balita Biblia

⁸ Busa nasuko ang Ginoo sa Israel ug mitugot nga mabuntog sila ni Cusan-rasataim nga hari sa Mesopotamia. Nailalom sila kaniya sulod sa walo ka tuig.

Ang Bag-ong Maayong Balita Biblia

⁸ Busa nasuko ang Ginoo sa Israel ug mitugot nga mabuntog sila ni Cusan-rasataim nga hari sa Mesopotamia. Nailalom sila kaniya sulod sa walo ka tuig.

Mga Maghuhukom 3:8 Cross References

Genesis 24:10

Pagkahuman, mikuha ang sulugoon ug napulo ka kamelyo ug mga mahalong butang nga iyang dad-on ingon nga gasa gikan sa iyang agalon nga si Abraham. Unya miadto siya sa Aram Naharaim, ang lungsod nga gipuy-an ni Nahor.

Salmo 106:41

Gitugyan niya sila sa ilang kaaway nga mga nasod, nga maoy migahom kanila.

Salmo 129:1

Mga taga-Israel, isulti ninyo kini: Gipaantos gayod kami sa hilabihan sa among mga kaaway sukad pa sa pagkatukod sa among nasod.

Salmo 44:12

Kami nga imong katawhan gibaligya mo ug barato, ug wala ka man lang gani nakaginansya.

Salmo 6:1

Ginoo, ayaw akog siloti diha sa imong kasuko.

Salmo 85:3

Giwagtang mo ang imong labihang kasuko kanamo.

Exodo 22:24

Masuko gayod ako kaninyo ug pamatyon ko kamo sa gira. Mabalo ang inyong mga asawa ug mailo ang inyong mga anak.

Isaias 50:1

Miingon ang  Ginoo, “Gisalikway ko ba ang Jerusalem sama sa usa ka bana nga mibulag sa iyang asawa? Pamatud-i ninyo! Gibaligya ko ba kamo ingon nga ulipon ngadto sa akong giutangan isip bayad? Gibihag kamo tungod sa inyong mga sala. Gisalikway ang Jerusalem tungod sa inyong mga kalapasan.

Levitico 26:17

Kapungtan ko kamo aron nga mapildi kamo sa inyong mga kaaway ug sila na ang modumala kaninyo. Tungod sa inyong kataranta moikyas kamo bisan ug walay naggukod kaninyo.

Habacuc 3:7

Nakita ko ang mga tolda sa Kushan sa kalisod. Ang puloy-anan sa Midian naghigwaos.

Roma 7:14

Nasayran nato nga ang Kasugoan espirituhanon. Apan ako tawhanon ug ulipon sa sala.

Deuteronomio 29:20

Dili gayod siya pasayloon sa Ginoo. Mosilaob ang hilabihang kasuko sa Ginoo kaniya sama sa kalayo, ug mahitabo kaniya ang tanang tunglo nga nasulat niini nga libro, ug papason sa Ginoo ang iyang ngalan sa kalibotan.

Deuteronomio 32:30

Unsaon gud paggukod sa usa ka tawo sa 1,000? Unsaon gud pag-abog sa duha ka tawo sa 10,000? Gawas lang kon gitugyan sila sa Ginoo nga ilang bato nga salipdanan.

Mga Maghuhukom 2:14

Tungod sa kasuko sa Ginoo sa Israel, gipasagdan niya sila nga sulongon sa mga tulisan aron kuhaon ang ilang mga kabtangan. Gipasagdan usab sila sa Ginoo nga mapildi sa kaaway sa ilang palibot, ug wala nila napanalipdi ang ilang kaugalingon batok sa mga kaaway.

Mga Maghuhukom 2:20

Busa nasuko pag-ayo ang Ginoo kanila. Miingon ang Ginoo, “Tungod kay gilapas niini nga nasod ang akong kasabotan nga gihatag ngadto sa ilang mga katigulangan, ug wala sila motuman kanako,

Mga Maghuhukom 3:10

Gigamhan siya sa Espiritu sa Ginoo, ug gipangulohan niya ang Israel. Nakig-away siya kang Kushan Rishataim nga hari sa Aram, ug gipadaog siya sa Ginoo.

Mga Maghuhukom 3:7

Nagpakasala ang mga Israelinhon atubangan sa Ginoo kay gikalimtan nila ang Ginoo nga ilang Dios ug misimba sa mga imahen ni Baal ug kang Ashera.

Mga Maghuhukom 3:9

Apan sa dihang nagpakitabang ang mga Israelinhon sa Ginoo, nagpadala ang Ginoo ug tawo nga moluwas kanila. Siya mao si Otniel, ang anak ni Kenaz nga manghod ni Caleb.

Mga Maghuhukom 4:9

Mitubag si Debora, “Sige, mouban ako kanimo, apan ang kadungganan dili maimo tungod kay itugyan sa Ginoo si Sisera sa usa ka babaye.” Busa miuban si Debora kang Barak ug miadto sila sa Kedesh.

1 Samuel 12:9

“Apan gikalimtan nila ang Ginoo nga ilang Dios, busa gipapildi sila sa Ginoo kang Sisera, ang komander sa mga sundalo sa Hazor, ug sa mga Filistihanon ug sa hari sa Moab.