Mga Maghuhukom 18:4 - Ang Pulong sa Dios

⁴ Gisulti sa Levita kanila ang gibuhat ni Micas alang kaniya, ug midugang sa pag-ingon, “Nagtrabaho ako dinhi ingon nga pari ni Micas ug ginasuweldohan niya ako.”

Ang Biblia 2011

⁴ Ug siya miingon kanila, “Nakigsabot kanako si Mikeas sa ingon niini, iya akong gisuholan ug ako nahimong pari niya.”

Maayong Balita Biblia

⁴ Siya mitubag kanila, “Nagkasabot kami ni Miqueas nga mag-alagad ako kaniya ingon nga iyang pari ug suholan niya ako.”

Ang Bag-ong Maayong Balita Biblia

⁴ Siya mitubag kanila, “Nagkasabot kami ni Miqueas nga mag-alagad ako kaniya ingon nga iyang pari ug suholan niya ako.”

Mga Maghuhukom 18:4 Cross References

Mga Panultihon 28:21

Dili maayo kon adunay pinalabi. Apan adunay mga tawo nga naghimo niini tungod kay nadala sa suborno, bisan gamay kini.

Isaias 56:11

Sama sila sa mga hakog nga iro nga walay pagkatagbaw. Mga magbalantay sila sa Israel nga walay panabot. Ang matag-usa kanila nagpatuyang sa iyang gustong buhaton ug nagtinguha lang sa iyang kaugalingong kaayohan.

Ezequiel 13:19

Ginapasipad-an ninyo ako atubangan sa akong katawhan tungod lang sa pila ka kumkom nga barley ug pila kabuok pan. Pinaagi sa inyong pagpamakak ngadto sa akong katawhan nga mituo usab sa inyong bakak, gipahayag ninyo nga mamatay kadtong dili angay nga mamatay, ug gipahayag usab ninyo nga mabuhi kadtong angay unta nga mamatay.’

Malaquias 1:10

Miingon pa gayod ang  Ginoo nga Makagagahom, “Unta adunay usa kaninyong mga pari nga mosira sa mga pultahan sa akong templo, aron dili na kamo maghaling ug kalayo nga walay kapuslanan diha sa akong halaran. Dili ko dawaton ang inyong mga halad, tungod kay wala ako malipay kaninyo.

Mga Buhat 20:33

Wala ako mangandoy sa inyong mga kuwarta ug mga bisti.

1 Timoteo 3:3

Kinahanglan dili siya palahubog, dili mapasipalahon, ug dili palaaway, kondili maluloy-on. Kinahanglan dili siya hakog ug kuwarta.

Tito 1:11

Kinahanglan gayod nga santaon sila sa ilang gibuhat, kay gisamok nila ang mga panimalay pinaagi sa ilang mga pagtulon-an nga dili angayng itudlo, ug ang ilang katuyoan makauulaw tungod kay nanapi lamang sila.

2 Pedro 2:3

Tungod sa ilang kahakog kining mini nga mga magtutudlo maghimo ug mga tinumotumo nga sugilanon aron pangkwartahan kamo nila. Wala sila masayod nga dugay na sila nga hinukman sa Dios, ug hapit na silang malaglag.

Mga Maghuhukom 17:10

Miingon si Micas, “Dinhi ka na lang puyo uban kanako. Himuon ka nako nga akong magtatambag ug pari. Hatagan ka nako ug napulo kabuok nga pilak matag tuig, gawas sa mga bisti ug pagkaon ang akong ihatag sa imo.” Misugot ang Levita nga mopuyo uban ni Micas, ug giisip siya ni Micas nga usa sa iyang mga anak.

Mga Maghuhukom 17:12

Gihimo siyang pari ni Micas ug gipapuyo didto sa iyang balay.

Mga Maghuhukom 18:3

Samtang didto sila, namatikdan nila ang sinultihan sa batan-ong Levita. Busa gipangutana nila siya, “Nganong ania ka dinhi? Kinsa ang nagdala kanimo dinhi? Ug unsay gibuhat mo dinhi?”

Mga Maghuhukom 18:5

Miingon sila kaniya, “Kon mao kana, pangutan-a kuno ang Dios kon magmalampuson ba kining among lakaw.”