Mga Maghuhukom 18:2 - Ang Pulong sa Dios

² Busa nagpili sila ug lima ka maisog nga mga lalaki sa ilang tribo nga maoy mangita ug dapit nga kapuy-an nilang tanan. Kining lima ka lalaki gikan sa mga lungsod sa Zora ug Eshtaol. Sa ilang pagpanglakaw, nakaabot sila sa kabungtoran sa Efraim, ug nagpalabay sa kagabhion sa balay ni Micas.

Ang Biblia 2011

² Busa ang mga kaliwat ni Dan nagsugo ug lima ka tawo nga may katakos gikan sa tibuok nga gidaghanon sa mga banay, gikan sa Zora ug gikan sa Estaol, aron sa pagpaniid sa yuta ug sa pagsusi niini. Ug sila miingon sa lima ka tawo, “Lakaw ug susiha ninyo ang yuta.” Ug miadto sila sa kabungtoran sa Efraim, ngadto sa balay ni Mikeas ug mipuyo didto.

Maayong Balita Biblia

² Busa ang tibuok banay ni Dan nagpilig lima ka tawo nga may katakos gikan sa mga kalungsoran sa Zora ug Estaol aron pagpangita ug pagpaniid ug dapit nga mahimo nilang angkonon. Unya nahiabot sila sa kabungtoran sa Efraim ug didto midayon sa balay ni Miqueas.

Ang Bag-ong Maayong Balita Biblia

² Busa ang tibuok banay ni Dan nagpilig lima ka tawo nga may katakos gikan sa mga kalungsoran sa Zora ug Estaol aron pagpangita ug pagpaniid ug dapit nga mahimo nilang angkonon. Unya nahiabot sila sa kabungtoran sa Efraim ug didto midayon sa balay ni Miqueas.

Mga Maghuhukom 18:2 Cross References

Mga Panultihon 20:18

Pangayog tambag kabahin sa imong mga plano o sa dili ka pa moadto sa gira.

Numeros 13:17

Gipadala sila ni Moises aron sa pagpangispiya sa Canaan uban sa pag-ingon kanila, “Panglakaw kamo paamihan ug adto sa Negev, ngadto sa kabukiran.

Lucas 14:31

“Sama usab siya sa usa ka hari nga makig-away sa lain nga hari. Kinahanglan planohon una niya kon ang iyang mga sundalo nga napulo ka libo makasugakod ba sa pagpakig-gira sa hari nga adunay baynte mil ka mga sundalo.

Josue 15:33

Ang mga lungsod sa kabungtoran sa kasadpan: Eshtaol, Zora, Ashna,

Josue 19:41

Mao kini ang ilang nasakop nga mga lungsod: Zora, Eshtaol, Ir Shemesh,

Josue 2:1

Unya, sekreto nga nagpadala si Josue ug duha ka tawo gikan sa kampo sa mga Israelinhon sa Shitim aron sa pagpangispiya didto sa yuta sa Canaan, ilabina gayod sa lungsod sa Jerico. Sa dihang nakaabot sa Jerico ang duha ka espiya, didto sila midayon sa balay ni Rahab nga usa ka babayeng nagbaligya sa iyang dungog.

Josue 2:2

Nakabalita ang hari sa Jerico nga adunay miabot niadtong gabhiona nga mga Israelinhon sa pagpangispiya kanila.

Mga Maghuhukom 13:2

Niadtong panahona, adunay usa ka lalaki nga ginganlag Manoa. Taga-Zora siya, ug sakop siya sa tribo ni Dan. Ang iyang asawa dili makaanak.

Mga Maghuhukom 13:25

Ang Espiritu sa Ginoo nagsugod sa paggahom kaniya samtang didto siya sa Kampo ni Dan, sa tunga-tunga sa Zora ug Eshtaol.

Mga Maghuhukom 16:31

Unya miadto sa Gaza ang mga igsoon ug mga paryente ni Samson, ug gikuha ang iyang patayng lawas. Gilubong nila siya didto sa gilubngan sa iyang amahan nga si Manoa, sa tunga-tunga sa Zora ug Eshtaol. Nangulo si Samson sa Israel sulod sa 20 ka tuig.

Mga Maghuhukom 17:1

Adunay usa ka tawo nga ginganlag Micas nga nagpuyo sa kabungtoran sa Efraim.

Mga Maghuhukom 18:11

Busa migikan sa Zora ug Eshtaol ang 600 ka mga armadong kalalakin-an sa tribo ni Dan.

Mga Maghuhukom 18:13

Gikan didto, mipadayon sila paglatas sa kabungtoran sa Efraim, hangtod nga nakaabot sila sa balay ni Micas.

Mga Maghuhukom 18:3

Samtang didto sila, namatikdan nila ang sinultihan sa batan-ong Levita. Busa gipangutana nila siya, “Nganong ania ka dinhi? Kinsa ang nagdala kanimo dinhi? Ug unsay gibuhat mo dinhi?”

Mga Maghuhukom 18:8

Sa dihang mibalik sila sa Zora ug Eshtaol, gipangutana sila sa ilang mga paryente kon unsa ang ilang nakita.

Mga Maghuhukom 19:1

Sa panahon nga wala pay hari ang Israel. Adunay usa ka Levita nga nagpuyo sa layong dapit sa kabungtoran sa Efraim. Kini nga Levita nakapangasawa ug sulugoon nga taga-Betlehem, nga sakop sa Juda.

Mga Maghuhukom 19:18

Mitubag ang Levita, “Gikan kami sa Betlehem nga sakop sa Juda, ug mopauli kami sa among balay sa kabungtoran sa Efraim. Apan walay miagda kanamo nga modayon sa ilang balay.